campidanesu · logudoresu · nugoresu
Sa classificatzione de Baltimore est una classificatzione de is virus elaborada dae su biòlogu istadunidense David Baltimore. In custu sistema de classificatzione is virus sunt atropados in grupos dipendende de sa casta de genoma (ADN, ARN, monocatenàriu o bicatenàriu) e in su mètodu suo de replicatzione. Classificare is virus segundu su genoma suo ìmplicat chi is chi s'agatant incuadrados in sa matessi categoria s'ant a cumportare in sustàntzia a sa matessi manera, cosa chi faghet is chircas prus discansosas.
In die de oe custa classificatzione cunvivet e si cumplementat cun sa classificatzione de su Comitadu Internatzionale de Tassonomia de is Virus (ICTV). Nointames, a diferèntzia de sa classificatzione de s'ICTV chi òrdinat is virus de manera monofilètica, sa classificatzione de Baltimore est polifilètica ca is genomas de is grupos diferentes de virus ant isvilupadu de manera cunvergente, cun totu ca is virus apant tentu orìgines indipendentes.
Custu tipu di classificatzione permitet, francu su seberu de su virus pro is caraterìsticas genèticas pròpias, de nde identificare su mètodu e is bias de replicatzione.
Wiki Commons tenet files chi ligant a: Classificatzione de Baltimore |
This article uses material from the Wikipedia Sardu article Classificatzione de Baltimore, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.