Sars-Cov-2
campidanesu · logudoresu · nugoresu
Limba Sarda Comuna. Abbàida sas àteras bariedades gràficas: Su coronavirus de tipu 2 causadore de sa sìndrome respiratòria aguda severa, incurtzadu SARS-CoV-2 (dae s'inglesu severe acute respiratory syndrome coronavirus 2) est unu tipu de coronavirus chi càusat sa maladia de coronavirus de 2019, s'isparghinadura mundiale de sa cale at provocadu sa pandèmia de COVID-19. A primìtziu fiat istadu denumenadu 2019-nCoV (in inglesu, 2019-novel coronavirus, ‘coronavirus nou de 2019’) e aici puru, a s'ocasione, HCoV-19 (in inglesu, human coronavirus 2019).Est istadu iscobertu e isuladu sa prima borta in Wuhan, Tzina. Si creet chi tèngiat un'orìgine zoonòtica, est a nàrrere, chi si siat trasmìtidu dae un'ospedadore animale a un'umanu.
| SARS-CoV-2 | |
|---|---|
 Immàgine de su SARS-CoV-2 | |
| Classificatzione tassonòmica | |
| Domìniu | Riboviria |
| Regnu | Othonavirae |
| Phylum | Pisuviricota |
| Classe | Pisoniviricetas |
| Òrdine | Nidovirales |
| Suta-ordine | Cordinivirineae |
| Famìlia | Coronaviridae |
| Suta-famìlia | Orthocoronavirinae |
| Gènene | Betacoronavirus |
| Suta-gènere | Sarbecovirus |
| Ispètzia | SARS-related coronavirus |
| Classificatzione de Baltimore | |
| IV: Virus a ssRNA+ | |
| Sinònimos | |
| 2019-nCoV | |
Est unu clade in intro de sa famìlia de is Coronaviridae, gènere Betacoronavirus, subgènere Sarbecovirus, ispètzie virus SARS (virus relatzionadu cun sa sìndrome respiratòria aguda severa o grae).
Su genoma de su virus est formadu dae una cadena sola de ARN, e si classìficat comente unu virus ARN monocatenàriu positivu. Sa secuèntzia gènica sua est istada isulada partende dae una mustra otenta dae unu malàidu fèrridu dae purmonite in sa tzitade tzinesa de Wuhan, mancari sa farta de isperimentatzione de controllu dòpiu tzurpu in sa tècnica de secuentziatzione publicada podet pònnere in cuntierra sa valididade sientìfica de sa tècnica. Est istadu isuladu sa prima borta su 12 de santandria de su 2019. Su contàgiu dae una persone a un'àtera acontesset mediante gutas de salia emìtidas a traessu de su tùssiu e is istùrridos o espirende (bie microgutas de Flügge). Podet provocare maladia respiratòria aguda e purmonite grae in is èsseres umanos.
In su mese de nadale de 2020 est comintzada una campagna de vatzinatzione cun is primos vatzinos aprovados.
Riferimentos
Àteros progetos
| Wiki Commons tenet files chi ligant a: Category:SARS-CoV-2 |
This article uses material from the Wikipedia Sardu article SARS-CoV-2, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.