Catalogna Nord

Sa Catalugna Nord est sa parte istòricamente e culturalmente cadelana est istada separada, a profetu de Frantza, de sa Catalugna cun su tratadu de is Pireneos (su 7 de Donniasanti de su 1659). Persones de importu po sa Catalugna nord sunt istados Alfons Mias in is annos 30 de su sèculu passadu, e a suba de totu Llorenç Planes qui at inventadu su terminu "Catalunya Nord" (Su piticu libru de Catalugna Nord); totus e duos fiant nord-cadelanos. Sa denominatzione includet is "comarcas istòricas de su "Rosselló, su Conflent, su Vallespir, su Capcir e su nord de sa Cerdanya (qui si connosquet comente "Alta Cerdanya"). Sa Fenolleda, aiat a esser otzitana perou si ponet pro resones aministrativas in su "Rossello'"

Immoe custas "comarcas" sunt parte de su dipartimentu frantzesu de is Pireneos Orientales (Pyrénées-Orientales in frantzesu). Su 10 de su mese de Nadale de su 2007 su Cunsigiu Generale de is Pireneus Orientales at aprovadu s'ufitzialidade de su cadelanu, in pari cun su frantzesu. in, su matessi documentu, su nomene "Catalunya del Nord" comente su pròpiu de Pyrénées-Orientales.

Cun una populatzione de 457.238 persones (2013), sa Catalogna rapresentat su 0,6% de sa populatzione totale frantzesa, su 18% de sa regione "Llenguadoc-Rosselló", e su 3,1% de sa populatzione totale de is territòrios de limba cadelana.