Cascà

Su cascà est una bariante tabarchesa de su cuscusu cun ortalìtzia. Sa presèntzia sua in sa coghina de Caraluforte e Cala de Seda tenet resones istòrigas bonas a atuare: Caraluforte fiat istadu fundadu in su 1.738 dae una colònia de coradderis ligurianos, chi si fiant tramudados in su de XVI sègulos a s’isuledda tunisiana de Tabarca, e ch’in su de XVIII sègulos fiant aportados a s’Ìsula de Santu Pedru. In su tempus coladu, su cascà fiat unu pratu sintzillu e pòberu: sos elementos de base pro l’amaniare fiant, in prus de sa sìmula traballada in manera oportuna, su repoddu o su caulifrore e su basolu tundu. Peri su tempus, su pratu s’est evoluìdu, e a sa retzeta de base si sunt annantas s’ortalìtzia bariada de istajone e sa petza de porcu. Su pratu, trasformadu in custu modu, est devènnidu su màndigu de sa festa in tempus reghente, amaniadu mescamente in s’ocasione de sa festa patronale de Santu Càralu. Dae paritzos annos, s’isvilupat in Caraluforte in su mese de abrile una piolada cun s’intentu de abalorare custu pratu tìpigu de sa tradissione coghinale tabarchesa.

• Carloforte