8°32′20.44″E / 40.72404°N 8.53901°E40.72404; 8.53901
campidanesu · logudoresu · nugoresu
Sa Carlo Delfino editore est una domo editora sarda.
Fundada in su 1981 in Tàtari dae Carlo Delfino, a pustis de sos sutzessos suos cun sa "Libreria Scientifica Internazionale", at incumintzadu cun s'atividade sua publichende òperas de archeologia, siat imprentadas noas anastàticas de òperas giai publicadas e siat sàgios noos. A pustis at inauguradu fintzas collanas dedicadas a s'ambiente, a s'istòria, a s'arte e a s'artesania, a sas traditziones populares, a sas limbas, a sa narrativa, a sa poesia, a s'architetura, a sa sagìstica, a s'iscièntzia, a sa tècnica e a su turismu.
Àteras atividades de annotu sunt sa publicatzione de cartas temàticas e de eventos e mustras. Unas cantas de custas mustras las ant ammaniadas in Casteddu, Venètzia (pro una mustra dedicada a Modigliani), Firentze, Domodossola e Milanu.Pro custa faina sa domo editora at collaboradu, in sos annos, cun medas istitutziones e assòtzios: cun Archeologia Viva e Firenze Fiere pro TourismA, cun sa Regione Sardigna e s'Istitutu Geogràficu Militare italianu pro sa mustra "L’ISOLA MISURATA. La cartografia storica della Sardegna", cun su comune e sa ProLoco de Ortzai pro una mustra dedicada a Guido Colucci e cun medas àteros.
In su 1996 at incumintzadu a publicare Librando, unu periòdicu de cultura e informatzione, cun unu nùmeru ispetziale in su 2001 pro afestare sos 30 annos de sa domo editora. In su 2021 at inauguradu sa versione digitale de su matessi periòdicu, cun una sèrie de artìculos iscritos cun sa punna de pònnere in cuntatu sos iscritores cun sos leghidores.
Controllu de autoridade | VIAF (EN) 581145857123222922423 · GND (DE) 1087291658 · WorldCat Identities (EN) 581145857123222922423 |
---|
This article uses material from the Wikipedia Sardu article Carlo Delfino editore, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Su cuntenutu est a disponimentu suta de sa litzèntzia CC BY-SA 4.0 francu chi non bi siat àteru inditadu. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Sardu (DUHOCTRUNGQUOC.VN) is an independent company and has no affiliation with Wiki Foundation.