ᱵᱨᱚᱦᱢᱚᱯᱩᱛᱨᱚ ᱜᱟᱰᱟ

ᱞᱤᱸᱡᱤᱱ ᱦᱚᱨ

ᱛᱤᱵᱽᱵᱚᱛ

ᱛᱤᱵᱽᱵᱚᱛ ᱨᱮ ᱭᱟᱨᱞᱩᱝ-ᱥᱚᱸᱜᱚᱯᱚ ᱧᱩᱛᱩᱢ ᱛᱮ ᱞᱤᱸᱡᱤᱜ ᱠᱟᱱ ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱮᱛᱚᱢ ᱦᱮᱢᱟᱞᱵᱩᱨᱩ ᱨᱮᱱᱟᱜ ᱵᱩᱨᱟᱝ ᱮᱞᱮᱠᱟ ᱠᱷᱚᱱ ᱞᱤᱸᱡᱤᱜ ᱠᱟᱱᱟ ᱾ ᱛᱤᱵᱽᱵᱚᱛ ᱨᱮᱱᱟᱜ ᱯᱮᱭ ᱮᱞᱮᱠᱟ ᱯᱮᱟᱨᱚᱢ ᱠᱟᱛᱮ ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱫᱚ ᱮᱛᱚᱢ ᱟᱨ ᱮᱛᱚᱢ-ᱥᱟᱢᱟᱝ ᱥᱮᱫ ᱞᱤᱸᱡᱤ ᱭᱟᱠᱟᱱᱟ ᱾ ᱚᱱᱠᱟᱛᱮ ᱥᱤᱭᱟᱸᱜᱽ ᱧᱩᱛᱩᱢ ᱛᱮ ᱚᱨᱩᱬᱟᱪᱚᱲ ᱯᱨᱚᱫᱮᱥ ᱨᱮ ᱵᱚᱞᱚ ᱣᱟᱠᱟᱱᱟᱭ ᱾

ᱥᱤᱧᱚᱛ

ᱚᱨᱩᱬᱟᱪᱚᱲ ᱯᱨᱚᱫᱮᱥ ᱨᱮᱱᱟᱜ ᱩᱥᱩᱞ ᱚᱛ ᱨᱮ ᱥᱤᱸᱭᱟᱜᱽ ᱜᱟᱰᱟ ᱟᱨ ᱥᱚᱢᱟᱱ ᱚᱛ ᱨᱮ ᱫᱤᱦᱟᱸᱜᱽ ᱜᱟᱰᱟ ᱥᱟᱶ ᱢᱮᱥᱟ ᱠᱟᱛᱮ ᱞᱤᱸᱡᱤᱭᱮᱱ ᱛᱟᱭᱚᱢ ᱟᱥᱟᱢ ᱨᱮ ᱫᱤᱵᱟᱸᱜᱽ ᱟᱨ ᱛᱤᱢᱤᱱ ᱜᱟᱱ ᱜᱟᱰᱟ ᱥᱟᱶ ᱢᱮᱥᱟ ᱠᱟᱛᱮᱭ ᱞᱤᱸᱡᱤᱜ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱱᱚᱶᱟ ᱜᱟᱰᱟ ᱫᱚ ᱵᱨᱚᱢᱦᱚᱯᱩᱛᱨᱚ ᱧᱩᱛᱩᱢ ᱛᱚ ᱞᱤᱸᱡᱤᱜ ᱠᱟᱱᱟ ᱾

ᱵᱟᱝᱞᱟ ᱫᱮᱥ

ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱜᱟᱨᱚ ᱵᱩᱨᱩ ᱯᱟᱨᱚᱢ ᱠᱟᱛᱮ ᱰᱷᱩᱵᱩᱨᱤ ᱴᱷᱮᱱ ᱵᱟᱝᱞᱟᱫᱮᱥ ᱨᱮ ᱞᱤᱸᱡᱤ ᱵᱚᱞᱚᱱ ᱠᱟᱱᱟ ᱾ ᱟᱡᱟᱜ ᱞᱤᱸᱡᱤ ᱦᱚᱨ ᱨᱮ ᱪᱤᱞᱢᱟᱨᱤ ᱯᱟᱨᱚᱢ ᱠᱟᱛᱮ ᱵᱨᱚᱢᱦᱚᱯᱩᱛᱨᱚ ᱨᱮᱱᱟᱜ ᱢᱩᱬᱩᱛ ᱪᱟᱸᱜᱟ ᱜᱟᱰᱟ ᱛᱤᱥᱛᱟ ᱜᱟᱰᱟ ᱥᱟᱶ ᱢᱮᱥᱟᱜ ᱠᱟᱱᱟ ᱾ ᱚᱱᱟ ᱛᱟᱭᱚᱢ ᱵᱟᱨᱭᱟ ᱦᱟᱹᱴᱤᱧ ᱠᱟᱛᱮ ᱞᱤᱸᱡᱤᱜ ᱠᱟᱱᱟ ᱾ ᱰᱷᱟᱠᱟ ᱥᱩᱨ ᱨᱮ ᱢᱮᱜᱷᱱᱟ ᱜᱟᱰᱟ ᱥᱟᱶ ᱢᱮᱥᱟᱜ ᱠᱟᱱᱟ ᱾

ᱵᱷᱮᱞᱞᱤ

ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱨᱮᱱᱟᱜ ᱵᱷᱮᱞᱞᱤ ᱫᱚ ᱖,᱔᱑,᱓᱓᱔ ᱠᱤᱞᱚᱢᱤᱴᱚᱨ ᱜᱟᱱ ᱢᱮᱱᱟᱜ-ᱟ ᱾ ᱱᱚᱶᱟ ᱴᱷᱟᱶ ᱠᱚᱨᱮ ᱫᱚ ᱚᱛ ᱞᱟᱲᱟᱣ ᱦᱚᱸ ᱦᱩᱭᱩᱜ ᱜᱮᱭᱟ ᱾ ᱫᱟᱜ ᱞᱤᱸᱡᱤᱜ ᱨᱮᱱᱟᱜ ᱥᱚᱝ ᱞᱮᱠᱟᱛᱮ ᱜᱟᱝ ᱵᱨᱚᱢᱦᱚᱯᱩᱛᱨᱚ ᱡᱮᱨᱮᱛ ᱨᱮᱱᱟᱜ ᱜᱟᱰᱟ ᱠᱚ ᱢᱩᱸᱫᱽ ᱨᱮ ᱛᱮᱥᱟᱨ ᱴᱷᱟᱶ ᱮ ᱟᱢᱮᱴ ᱟᱠᱟᱫᱟ ᱾

ᱵᱟᱱ

ᱡᱟᱹᱯᱩᱫ ᱚᱠᱛᱚ ᱨᱮ ᱵᱨᱚᱢᱦᱚᱯᱩᱛᱨᱚ ᱜᱟᱰᱟ ᱟᱹᱰᱤ ᱜᱮ ᱵᱟᱱᱚᱜ-ᱟ ᱡᱟᱣ ᱥᱮᱨᱢᱟ ᱜᱮ ᱾ ᱱᱚᱶᱟ ᱜᱟᱰᱟ ᱰᱷᱤᱯ ᱨᱮᱱᱟᱜ ᱵᱩᱨᱩ ᱨᱮ ᱦᱟᱥᱟ ᱠᱷᱤᱭᱟᱹᱣ ᱤᱫᱤ ᱠᱟᱛᱮ ᱟᱹᱰᱤᱜᱟᱱ ᱵᱟᱹᱞᱤ ᱦᱟᱥᱟᱭ ᱞᱚᱪᱟ ᱛᱟᱨᱟᱭᱮᱜ-ᱟ ᱾ ᱢᱮᱱᱠᱷᱟᱱ ᱱᱚᱶᱟ ᱜᱟᱰᱟ ᱨᱮᱱᱟᱜ ᱵᱚᱛᱚᱨᱟᱱ ᱵᱟᱱ ᱛᱮ ᱟᱭᱢᱟ ᱫᱷᱚᱱ ᱟᱨ ᱫᱤᱵᱚᱱ ᱦᱟᱹᱱ ᱦᱩᱭᱩᱜ ᱠᱟᱱᱟ ᱾ ᱵᱟᱱ ᱥᱟᱢᱵᱽᱲᱟᱣ ᱨᱮᱱᱟᱦ ᱟᱭᱢᱟ ᱨᱤᱠᱟᱹ ᱛᱟᱭᱚᱢ ᱦᱚᱸ ᱵᱟᱭ ᱜᱮᱞᱮᱵᱤᱞᱤ ᱟᱠᱟᱱᱟ ᱾

ᱥᱟᱹᱠᱷᱭᱟᱹᱛ

ᱵᱟᱦᱨᱮ ᱡᱚᱱᱚᱲ

Media related to ᱵᱨᱚᱦᱢᱚᱯᱩᱛᱨᱚ ᱜᱟᱰᱟ at Wiki Commons

This article uses material from the Wikipedia ᱥᱟᱱᱛᱟᱲᱤ article ᱵᱨᱚᱦᱢᱚᱯᱩᱛᱨᱚ ᱜᱟᱰᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.