ᱵᱚᱠᱥᱤᱝ ᱢᱟᱦᱟ
ᱵᱚᱠᱥᱤᱝ ᱢᱟᱦᱟ ᱫᱚ ᱢᱟᱨᱟᱝ ᱢᱟᱦᱟ ᱥᱮ ᱢᱟᱨᱟᱝ ᱫᱤᱱ ᱥᱮ ᱠᱨᱤᱥᱴ ᱢᱟᱥ ᱰᱮ ᱫᱚᱥᱟᱨ ᱦᱤᱞᱚᱜ ᱥᱮᱨᱣᱟ ᱞᱮᱠᱟ ᱛᱮ ᱢᱟᱱᱟᱣ ᱵᱟᱛᱟᱣ ᱟᱜᱩ ᱢᱤᱫᱴᱮᱱ ᱵᱚᱱᱫᱷᱚ ᱨᱮᱭᱟᱜ ᱫᱤᱱ ᱠᱟᱱᱟ| ᱱᱤᱭᱟᱹ ᱢᱟᱦᱟ ᱥᱮ ᱱᱚᱣᱟ ᱦᱤᱞᱚᱜ ᱫᱚ ᱟᱢᱮᱨᱤᱠᱟ ᱢᱤᱫᱡᱩᱱ ᱨᱟᱡᱚᱥᱴᱷᱤ, ᱠᱟᱱᱟᱰᱟ, ᱦᱚᱝ ᱠᱚᱝ, ᱚᱥᱴᱨᱮᱞᱤᱭᱟ, ᱫᱟᱹᱠᱷᱤᱱ ᱟᱯᱷᱨᱤᱠᱟ, ᱱᱤᱣ ᱡᱤᱞᱮᱱᱰ, ᱠᱮᱱᱤᱭᱟ, ᱜᱟᱭᱟᱱᱟ, ᱴᱨᱤᱱᱟᱫᱟᱫᱽ ᱮᱱᱰ ᱴᱚᱵᱮᱜᱚ, ᱡᱟᱢᱟᱭᱠᱟ ᱟᱨ ᱮᱴᱟᱜ ᱮᱴᱟᱜ ᱠᱚᱢᱚᱱᱣᱮᱞᱛᱷ ᱫᱤᱥᱚᱢ ᱠᱚ ᱨᱮ ᱦᱚᱸ ᱜᱟᱛᱮ ᱠᱚ ᱟᱨ ᱵᱮᱯᱟᱨᱤᱭᱟᱹ ᱠᱚ ᱦᱚᱸ ᱟᱠᱚ ᱨᱮᱱ ᱪᱮᱛᱟᱱ ᱨᱮᱱ ᱴᱷᱮᱱ ᱠᱷᱚᱱ ᱠᱨᱤᱥᱴ ᱢᱟᱥ ᱵᱚᱠᱥ ᱧᱩᱛᱩᱢᱟᱱ ᱢᱤᱫᱴᱮᱱ ᱥᱤᱨᱯᱟᱹ ᱠᱚ ᱧᱟᱢᱟ| ᱱᱮᱛᱟᱨ ᱫᱚ ᱚᱱᱟ ᱠᱚ ᱫᱤᱥᱚᱢ ᱨᱮ ᱒᱖ (ᱵᱟᱨ ᱜᱮᱞ ᱛᱩᱨᱩᱭ) ᱰᱤᱥᱮᱢᱵᱚᱨ ᱦᱤᱞᱚᱜ ᱫᱚ ᱵᱮᱝᱠ ᱠᱚ ᱦᱚᱸ ᱵᱚᱱᱫᱚᱯ ᱜᱮ ᱛᱟᱦᱮᱸᱱᱟ|
ᱫᱟᱹᱠᱷᱤᱱ ᱟᱯᱷᱤᱨᱤᱠᱟ, ᱑᱙᱙᱔ ᱥᱮᱨᱢᱟᱟ ᱨᱮ ᱵᱚᱠᱥᱤᱝ ᱢᱟᱦᱟ ᱫᱚ 'Day of Goodwill' ᱢᱮᱱ ᱛᱮ ᱠᱚ ᱧᱩᱢ ᱞᱮᱫᱟ| ᱟᱭᱟᱨ ᱞᱮᱱᱰ ᱨᱮ ᱱᱚᱣᱟ ᱢᱟᱦᱟ ᱫᱚ ᱥᱮᱱᱴ ᱥᱴᱤᱯᱷᱟᱱ ᱰᱮ ᱢᱮᱱᱛᱮ ᱠᱚ ᱢᱟᱱᱟᱣᱟ ᱟᱨ ᱰᱮ ᱚᱯᱷ ᱨᱮᱹᱱ ᱥᱮ ᱨᱮᱹᱱᱥ ᱰᱮ (Day of the Wren or Wren's Day) ᱢᱮᱱ ᱛᱮ ᱠᱚ ᱢᱟᱱᱟᱣᱟ| ᱡᱟᱨᱢᱟᱱᱤ, ᱯᱚᱞᱮᱱᱰ ᱟᱨ ᱱᱮᱫᱟᱨ ᱞᱮᱱᱰ ᱮᱢᱟᱱ ᱟᱫᱚᱢ ᱤᱭᱩᱨᱚᱯᱤᱭᱟᱱ ᱫᱤᱥᱚᱢ ᱠᱚ ᱨᱮ ᱒᱖ ᱰᱤᱥᱮᱢᱵᱚᱨ ᱢᱟᱦᱟ ᱱᱫᱚ ᱫᱚᱥᱟᱨ ᱠᱨᱤᱥᱴ ᱢᱟᱥ ᱢᱮᱱ ᱛᱮ ᱠᱚ ᱢᱟᱱᱟᱣ ᱟᱹᱜᱩ ᱠᱟᱫᱟ|
ᱮᱛᱚᱦᱚᱵ
"ᱵᱚᱠᱥᱤᱝ ᱰᱮ'" ᱟᱹᱲᱟᱹ ᱨᱮᱭᱟᱜ ᱨᱮᱦᱮᱫ ᱫᱚ ᱵᱟᱝ ᱯᱩᱥᱴᱟᱹᱣᱟ| ᱱᱤᱭᱟᱹ ᱥᱟᱛᱷᱟᱥᱢ ᱤᱫᱤ ᱠᱟᱛᱮ ᱟᱭᱢᱟ ᱞᱟᱹᱭ ᱟᱹᱜᱩ ᱠᱟᱛᱷᱟ ᱢᱮᱱᱟᱜ-ᱟ, ᱢᱮᱱ ᱠᱷᱟᱱ ᱱᱤᱭᱟᱹ ᱠᱚ ᱢᱩᱫᱽ ᱨᱮ ᱚᱠᱟᱴᱟᱜ ᱦᱚᱸ ᱵᱟᱝ ᱴᱷᱤᱠ ᱩᱛᱟᱹᱨᱟ| ᱨᱮᱝᱜᱮᱡ ᱱᱟᱪᱟᱨ ᱟᱨ ᱢᱤᱰ ᱜᱟᱛᱟᱠ ᱨᱮᱱ ᱦᱚᱲ ᱠᱚ ᱥᱤᱨᱯᱟᱹ ᱪᱟᱞ ᱨᱮᱭᱟᱜ ᱟᱹᱨᱤ ᱪᱟᱹᱞᱤ ᱥᱮ ᱥᱮᱨᱣᱟ ᱫᱚ ᱛᱟᱞᱟᱱᱟ ᱡᱩᱜᱽ ᱠᱷᱚᱱ ᱜᱮ ᱦᱮᱡ ᱟᱹᱜᱩ ᱟᱠᱟᱱᱟ| ᱢᱮᱱ ᱠᱷᱟᱱ ᱟᱥᱚᱞ ᱮᱛᱚᱦᱚᱵ ᱨᱮᱦᱮᱫ ᱛᱮᱫ ᱫᱚ ᱵᱟᱝ ᱵᱟᱰᱟᱭ ᱟᱠᱟᱱᱟ| ᱨᱮᱝᱜᱮᱡ ᱱᱟᱪᱟᱨ ᱦᱚᱲ ᱠᱚ ᱵᱟᱠᱷᱨᱟ ᱠᱟᱹᱣᱰᱤ ᱛᱩᱢᱟᱹᱞ ᱞᱟᱹᱜᱤᱫ ᱫᱚ ᱫᱮᱣᱟ ᱥᱮᱣᱟ ᱚᱲᱟᱜ ᱠᱚ ᱨᱮ ᱫᱚᱦᱚ ᱟᱠᱟᱱ ᱟᱢᱟᱢᱥ ᱵᱚᱠᱥ ᱥᱟᱶ ᱱᱤᱭᱟᱹ ᱨᱮᱭᱟᱜ ᱡᱚᱯᱚᱲᱟᱣ ᱢᱮᱱᱟᱜ-ᱟ ᱢᱮᱱᱛᱮ ᱠᱚ ᱯᱟᱹᱛᱤᱭᱟᱹᱣᱚᱜ-ᱟ| ᱢᱩᱪᱟᱹᱫ ᱨᱚᱢᱟᱱ ᱥᱮ ᱮᱴᱚᱦᱚᱵ ᱠᱨᱤᱥᱴᱟᱱ ᱡᱩᱜᱽ ᱨᱮ ᱜᱤᱨᱡᱟᱹ ᱚᱲᱟᱜ ᱵᱟᱦᱨᱮ ᱨᱮ ᱥᱮᱱᱴ ᱥᱴᱤᱯᱷᱮᱱ ᱰᱮ ᱥᱟᱶ ᱡᱚᱯᱚᱲᱚᱣ ᱢᱮᱱᱟᱜ ᱠᱷᱟᱥ ᱡᱤᱱᱤᱥ ᱛᱩᱢᱟᱹᱞ ᱠᱟᱛᱮ ᱫᱚᱦᱚ ᱵᱚᱠᱥ ᱥᱟᱶ ᱦᱚᱸ ᱱᱤᱭᱟᱹ ᱢᱟᱦᱟ ᱨᱮᱭᱟᱜ ᱡᱚᱯᱚᱲᱟᱣ ᱛᱟᱦᱮᱸ ᱫᱟᱲᱮᱭᱟᱜ-ᱟ, ᱚᱠᱟ ᱢᱟᱦᱟ ᱫᱚ ᱵᱚᱠᱠᱥᱤᱝ ᱢᱟᱦᱟ ᱥᱟᱟᱶ ᱢᱤᱫ ᱫᱤᱱ ᱛᱮᱠᱚ ᱢᱟᱱᱟᱣ ᱟᱜᱩ ᱟᱠᱟᱫ|
ᱵᱽᱨᱤᱴᱮᱭᱱ ᱨᱮᱱ ᱵᱮᱯᱟᱨᱤᱭᱟᱹ ᱠᱚ ᱫᱚ ᱜᱚᱴᱟ ᱥᱮᱨᱢᱟ ᱢᱚᱧᱡᱽ ᱠᱟᱹᱢᱤ ᱠᱷᱟᱹᱛᱤᱨ ᱛᱮ ᱠᱨᱤᱥᱴ ᱢᱟᱥ ᱨᱮᱭᱟᱜ ᱫᱚᱥᱟᱨ ᱦᱤᱞᱚᱜ ᱫᱷᱚᱱ ᱫᱩᱨᱤᱵᱽ ᱥᱮ ᱮᱴᱟᱜ ᱥᱤᱨᱯᱟᱹ "ᱠᱨᱤᱥᱴ ᱢᱟᱥ" ᱵᱚᱠᱥ ᱞᱮᱠᱟ ᱛᱮ ᱠᱚ ᱧᱟᱢ ᱨᱮᱭᱟᱜ ᱥᱮᱨᱣᱟ ᱢᱮᱱᱟᱜ ᱟᱹᱜᱩ ᱟᱠᱟᱫᱟ|
ᱥᱟ.ᱠᱷᱭᱟ.ᱛ
This article uses material from the Wikipedia ᱥᱟᱱᱛᱟᱲᱤ article ᱵᱚᱠᱥᱤᱝ ᱢᱟᱦᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.