ᱰᱳᱞᱞᱩ ᱠᱩᱱᱤᱛᱷᱟ: ᱠᱚᱨᱱᱟᱴᱚᱠ ᱨᱮᱭᱟᱜ ᱢᱤᱫ ᱦᱚᱲ ᱮᱱᱮᱡ
ᱰᱳᱞᱞᱩ ᱠᱩᱱᱤᱛᱷᱟ (ᱠᱚᱱᱱᱚᱲ: ಡೊಳ್ಳು ಕುಣಿತ) ᱠᱚᱨᱱᱟᱴᱚᱠ ᱨᱮᱭᱟᱜ ᱢᱤᱫᱴᱟᱝ ᱧᱩᱛᱩᱢᱟᱱ ᱰᱨᱚᱢ ᱮᱱᱮᱡ ᱠᱟᱱᱟ ᱾ ᱱᱚᱣᱟ ᱫᱚ ᱢᱤᱫ ᱦᱚᱲ ᱮᱱᱮᱡ ᱠᱟᱱᱟ ᱾
ᱛᱟᱭᱚᱢ ᱫᱟᱨᱟᱢ
ᱵᱤᱨᱮᱥᱥᱚᱨ ᱨᱮᱭᱟᱜ ᱥᱟᱱᱟᱢ ᱢᱚᱱᱫᱤᱨ ᱨᱮ, ᱢᱩᱲᱩᱫ ᱥᱮᱨᱮᱧ ᱰᱚᱞᱩ ᱢᱤᱫᱴᱟᱝ ᱜᱟᱹᱨᱰᱩ ᱛᱩᱲᱟᱹ ᱛᱮ ᱪᱷᱟᱹᱲ ᱮᱢ ᱦᱳᱭᱳᱜᱼᱟ ᱾ ᱡᱚᱠᱷᱚᱱ ᱜᱮ ᱵᱤᱨᱮᱥᱥᱚᱨ ᱟᱜ ᱯᱩᱡᱟᱹ ᱠᱚᱨᱟᱣ ᱦᱩᱭᱩᱜᱼᱟ, ᱩᱱ ᱚᱠᱛᱚ ᱜᱮ ᱰᱚᱞᱩ ᱨᱮᱭᱟᱜ ᱢᱤᱫᱴᱟᱝ ᱜᱩᱛ ᱦᱳᱭᱳᱜᱼᱟ ᱾
ᱱᱚᱶᱟ ᱵᱚᱨᱱᱚᱱᱤᱭᱟᱹ ᱥᱟᱶᱦᱮᱫ ᱨᱮᱭᱟᱜ ᱠᱟᱛᱷᱟ ᱞᱮᱠᱟᱛᱮ ᱥᱮᱨᱣᱟ 'ᱦᱚᱞᱩᱢᱚᱛ ᱯᱩᱨᱟᱱ' ᱥᱮ ᱠᱩᱨᱩᱵᱟ ᱯᱩᱨᱟᱱ ᱧᱩᱛᱩᱢ ᱛᱮ ᱩᱯᱨᱩᱢᱟ ᱾ ᱠᱟᱹᱦᱱᱤ ᱫᱚ ᱦᱩᱭᱩᱜ ᱠᱟᱱᱟ, ᱫᱳᱞᱞᱟᱼᱚᱥᱩᱨ ᱫᱚ ᱥᱚᱛᱛᱚᱵᱤᱛ ᱞᱮᱠᱟᱛᱮ ᱥᱤᱵ ᱯᱩᱡᱟᱹ ᱞᱮᱫᱟ ᱟᱨ ᱥᱤᱵ ᱩᱱᱫᱚ ᱟᱡ ᱴᱷᱮᱱ ᱮ ᱦᱮᱡ ᱞᱮᱱᱟ, ᱩᱱᱫᱚ ᱩᱱᱤ ᱢᱤᱫᱴᱟᱝ ᱵᱷᱟᱹᱨᱡᱟᱹᱭ ᱠᱷᱚᱡ ᱞᱟᱹᱜᱤᱫ ᱮ ᱢᱮᱱ ᱞᱮᱫᱟ ᱡᱮ ᱩᱱᱤ ᱫᱚ ᱥᱤᱵ ᱫᱚ ᱟᱡ ᱜᱮ ᱜᱟᱹᱞ ᱫᱟᱲᱮᱭᱟᱜᱼᱟ, ᱵᱟᱝᱠᱷᱟᱱ ᱩᱱᱤ ᱫᱚ ᱚᱢᱚᱨᱛᱚ ᱞᱟᱹᱜᱤᱫ ᱮ ᱱᱮᱦᱚᱨ ᱞᱮᱱᱟ ᱡᱟᱸᱦᱟ ᱫᱚ ᱥᱤᱵ ᱫᱚ ᱵᱟᱝ ᱥᱤᱠᱟᱹᱨ ᱞᱮᱫᱟ ᱡᱟᱦᱟᱸᱛᱮ ᱨᱟᱹᱲ ᱟᱠᱟᱱ ᱫᱳᱞᱞᱩ ᱫᱚ ᱥᱤᱵ ᱫᱚ ᱜᱟᱹᱞ ᱞᱮᱫᱮᱭᱟ ᱾ ᱥᱤᱵ ᱢᱟᱨᱟᱝᱚᱜ ᱮᱦᱚᱵ ᱞᱮᱱᱟ ᱾ ᱜᱷᱟᱹᱞ ᱫᱚ ᱵᱟᱝ ᱠᱚ ᱥᱟᱵ ᱫᱟᱲᱮᱹᱭᱟᱜᱼᱟ ᱚᱥᱩᱨ ᱫᱚ ᱥᱤᱵ ᱫᱚ ᱦᱮᱡ ᱞᱟᱹᱜᱤᱫ ᱮ ᱱᱮᱦᱚᱨ ᱞᱮᱫᱟ ᱾ ᱥᱤᱵ ᱫᱚ ᱥᱚᱛᱛ ᱫᱚ ᱠᱷᱚᱞᱟ ᱠᱟᱛᱮ ᱩᱱᱤ ᱜᱚᱡ ᱞᱮᱫᱮᱭᱟ ᱟᱨ ᱮᱲᱟᱣ ᱞᱮᱱᱟᱭ ᱾ ᱥᱤᱵ ᱫᱚ ᱚᱥᱩᱨᱟᱜ ᱪᱚᱞᱟᱹ ᱵᱮᱣᱦᱟᱨ ᱠᱟᱛᱮ ᱢᱤᱫᱴᱟᱝ ᱰᱚᱞᱩ/ᱰᱨᱚᱢ ᱵᱮᱱᱟᱣ ᱞᱮᱫᱟᱭ ᱟᱨ ᱚᱱᱟ ᱫᱚ ᱥᱟᱦᱟᱨ ᱨᱮᱱ ᱦᱚᱲ, ᱟᱡ ᱨᱮᱱ ᱫᱷᱚᱨᱚᱢ ᱟᱱ ᱦᱚᱲ, "ᱦᱚᱞᱩ ᱠᱩᱨᱩᱵᱟᱥ" ᱠᱚ ᱮᱢ ᱞᱮᱫᱟ ᱾ ᱥᱤᱢᱳᱜᱟ ᱨᱮ "ᱦᱚᱞᱩ ᱠᱩᱨᱩᱵᱟ" ᱩᱯᱚᱡᱟᱹᱛᱤ ᱠᱚ ᱱᱤᱛᱦᱚᱸ ᱱᱚᱶᱟ ᱥᱮᱨᱣᱟ ᱠᱚ ᱯᱟᱞᱟᱣᱼᱟ ᱾
ᱠᱟᱹᱨᱤᱜᱚᱞ ᱠᱚ ᱢᱤᱫᱴᱟᱝ ᱟᱫᱷᱟᱼᱠᱨᱚ ᱵᱮᱱᱟᱣ ᱠᱟᱛᱮ ᱟᱹᱰᱤ ᱞᱚᱜᱚᱱ ᱟᱨ ᱥᱚᱞᱩᱞ ᱪᱟᱞᱟᱣᱟᱱ ᱠᱚ ᱥᱮᱞᱮᱫᱚᱜᱼᱟ ᱾ ᱛᱟᱞᱚᱢ ᱥᱟᱶᱛᱮ ᱢᱤᱫ ᱦᱚᱲ ᱟᱹᱭᱩᱨ ᱫᱟᱨᱟᱭ ᱛᱮ ᱵᱤᱴ ᱥᱟᱢᱲᱟᱣ ᱟᱨ ᱪᱟᱪᱟᱞᱟᱣ ᱦᱳᱭᱳᱜᱼᱟ ᱡᱟᱦᱟᱸᱭ ᱫᱚ ᱛᱟᱞᱢᱟ ᱨᱮ ᱢᱮᱱᱟᱜ ᱟ ᱾ ᱠᱚᱢ ᱟᱨ ᱞᱚᱜᱚᱱ ᱛᱟᱞᱚᱢ ᱢᱤᱫ ᱥᱟᱶᱛᱮ ᱟᱨ ᱜᱟᱫᱮᱞ ᱨᱮ ᱟᱭᱢᱟ ᱞᱮᱠᱟᱱ ᱪᱤᱱᱦᱟᱹ ᱠᱚ ᱵᱮᱱᱟᱣᱼᱟ ᱾ ᱦᱚᱨᱚᱜᱼᱫᱩᱛᱟᱹ ᱠᱚ ᱥᱟᱫᱷᱟᱨᱚᱱ ᱾ ᱦᱚᱲᱢᱚ ᱨᱮᱭᱟᱜ ᱪᱮᱛᱟᱱ ᱦᱤᱸᱥ ᱫᱚ ᱥᱟᱫᱷᱟᱨᱚᱱᱛᱚ ᱵᱮᱝᱲᱤ ᱫᱚᱦᱚ ᱦᱳᱭᱳᱜᱼᱟ ᱟᱨ ᱞᱟᱛᱟᱨ ᱦᱤᱸᱥ ᱨᱮ 'ᱰᱷᱩᱴᱤ' ᱥᱮ ᱥᱚᱨᱚᱝ ᱪᱮᱛᱟᱱ ᱨᱮ ᱢᱤᱫᱴᱟᱝ ᱠᱟᱞᱟᱹᱜᱤ ᱥᱚᱴᱼᱨᱮᱜᱽ ᱵᱮᱲᱤ ᱦᱩᱭᱩᱜᱼᱟ ᱾
ᱠᱩᱨᱩᱵᱟ ᱜᱳᱣᱫᱟᱥ ᱮᱴᱟᱜ ᱞᱮᱠᱟᱱ ᱦᱚᱲ ᱥᱮᱨᱮᱧᱤᱭᱟᱹ ᱠᱚ ᱠᱷᱚᱱ ᱵᱷᱮᱜᱟᱨ ᱨᱟᱹᱲ ᱥᱟᱞᱟᱜ ᱠᱚ ᱥᱮᱨᱮᱧᱼᱟ, ᱡᱟᱦᱟᱸ ᱫᱚ ᱩᱱᱠᱩᱭᱟᱜ ᱵᱤᱨᱟᱹᱫᱟᱹᱞᱤ, ᱩᱛᱱᱟᱹᱣ ᱟᱨ ᱥᱮᱨᱢᱟ ᱛᱟᱭᱚᱢ ᱥᱮᱨᱢᱟ ᱩᱛᱱᱟᱹᱣ ᱨᱮᱭᱟᱜ ᱮᱛᱚᱦᱚᱵ ᱮ ᱩᱫᱩᱜ ᱥᱚᱫᱚᱨ ᱞᱮᱫᱟ ᱾ ᱰᱚᱞᱞᱩ ᱮᱱᱮᱡ ᱫᱚ ᱢᱤᱫ ᱛᱟᱭᱚᱢ ᱟᱨ ᱢᱤᱫ ᱦᱚᱲ ᱠᱚ ᱞᱟᱹᱜᱤᱫ ᱱᱟᱶᱟᱱ ᱡᱳᱨ ᱟᱨ ᱵᱤᱨᱤᱫ ᱥᱟᱞᱟᱜ ᱢᱤᱫ ᱛᱟᱭᱚᱢ ᱟᱨ ᱦᱚᱸ ᱢᱤᱫ ᱦᱚᱲ ᱠᱚ ᱤᱫᱤ ᱠᱟᱛᱮ ᱵᱟᱝ ᱠᱚ ᱪᱟᱞᱟ ᱾ ᱱᱚᱶᱟ ᱮᱱᱮᱡ ᱵᱮᱜᱚᱨ, ᱵᱤᱥᱮᱥ ᱠᱟᱭᱛᱮ ᱩᱛᱛᱚᱨ ᱠᱚᱨᱱᱟᱴᱚᱠ, ᱡᱟᱦᱟᱱ ᱫᱷᱚᱨᱚᱢ ᱟᱱᱟᱜ ᱟᱠᱷᱲᱟ ᱵᱟᱝ ᱦᱩᱭ ᱫᱟᱲᱮᱭᱟᱜᱼᱟ ᱾ ᱱᱚᱶᱟ ᱥᱟᱱᱟᱢ ᱟᱠᱷᱲᱟ ᱨᱮ, ᱰᱚᱞᱞᱩ ᱮᱱᱮᱡ ᱠᱟᱹᱢᱤ ᱨᱮᱭᱟᱜ ᱛᱟᱞᱢᱟ ᱨᱮ ᱵᱮᱱᱟᱣ ᱟᱠᱟᱱᱟ ᱡᱟᱦᱟᱸ ᱫᱚ ᱮᱴᱟᱜ ᱮᱴᱟᱜ ᱞᱟᱹᱠᱛᱤᱭᱟᱱ ᱥᱟᱛᱟᱢ ᱠᱚ ᱵᱮᱱᱟᱣ ᱟᱠᱟᱱᱟ ᱾ ᱪᱮᱫᱟᱜ ᱥᱮ ᱱᱚᱶᱟ ᱮᱱᱮᱡ ᱞᱟᱹᱜᱤᱫ ᱫᱟᱲᱮ, ᱯᱮᱥᱤ ᱫᱟᱲᱮ ᱟᱨ ᱥᱟᱣᱟᱨ ᱨᱮᱭᱟᱜ ᱡᱳᱨ ᱞᱟᱹᱠᱛᱤ, ᱚᱱᱟᱛᱮ ᱥᱩᱢᱩᱝ ᱟᱹᱰᱤ ᱜᱟᱱ ᱫᱟᱲᱮ ᱟᱱ ᱱᱟᱯᱟᱭ ᱵᱮᱱᱟᱣ ᱫᱟᱲᱮ ᱟᱱ ᱦᱚᱲ ᱜᱮ ᱱᱚᱶᱟ ᱠᱚ ᱦᱟᱛᱟᱣ ᱫᱟᱲᱮᱭᱟᱜᱼᱟ ᱾
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Dollu Kunitha ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱰᱳᱞᱞᱩ ᱠᱩᱱᱤᱛᱷᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.