ᱯᱟᱹᱨᱥᱤ ᱠᱷᱟᱹᱛᱤᱨ ᱫᱚ ᱧᱩᱛᱩᱢᱟᱱ ᱚᱱᱚᱞᱤᱭᱟᱹ ᱨᱚᱵᱤᱞᱟᱞ ᱴᱩᱰᱩ ᱚᱞᱟᱜ ᱢᱤᱫ ᱜᱟᱭᱟᱱ ᱠᱟᱱᱟ᱾ ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱫᱚ ᱒᱐᱑᱕ ᱥᱮᱨᱢᱟ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱹᱜᱤᱫ ᱥᱟᱦᱤᱛᱭᱚ ᱮᱠᱟᱰᱮᱢᱤ ᱥᱤᱨᱯᱷᱟᱹ ᱛᱮᱠᱚ ᱢᱟᱹᱱ ᱞᱮᱫᱮᱭᱟ᱾
ᱚᱱᱚᱞᱤᱭᱟᱹ | ᱨᱚᱵᱤᱞᱟᱞ ᱴᱩᱰᱩ |
---|---|
ᱟᱥᱚᱞ ᱧᱩᱛᱩᱢ | ᱯᱟᱹᱨᱥᱤ ᱠᱷᱟᱹᱛᱤᱨ |
ᱫᱤᱥᱚᱢ | ᱥᱤᱧᱚᱛ |
ᱯᱟᱹᱨᱥᱤ | ᱥᱟᱱᱛᱟᱲᱤ ᱯᱟᱹᱨᱥᱤ |
ᱯᱟᱨᱥᱟᱞᱤᱡ | ᱦᱤᱨᱟ ᱢᱚᱱᱤ ᱴᱩᱰᱩ |
Publication date | ᱥᱮᱯᱴᱮᱢᱵᱚᱨ ᱒᱐᱑᱑ |
ᱥᱟᱦᱴᱟ ᱞᱮᱠᱷᱟ | ᱑᱕᱒ |
ᱥᱤᱨᱯᱷᱟᱹ | ᱥᱟᱦᱤᱛᱭᱚ ᱮᱠᱟᱰᱮᱢᱤ |
ᱤᱨᱟᱹᱞ ᱜᱮᱞ ᱫᱚᱥᱚᱠ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱞᱟᱹᱜᱤᱫ ᱜᱚᱴᱟ ᱯᱟᱲᱟ ᱡᱟᱦᱟᱸ ᱟᱸᱫᱳᱲ ᱮᱦᱚᱵ ᱞᱮᱱᱟ ᱚᱱᱟ ᱨᱮᱭᱟᱜ ᱚᱨᱥᱚᱝ ᱞᱮᱠᱟᱛᱮ ᱜᱮ ᱚᱱᱚᱞᱤᱭᱟᱹ ᱱᱚᱣᱟ ᱜᱟᱭᱟᱱ ᱫᱚᱭ ᱚᱞ ᱟᱠᱟᱫᱟ᱾ ᱚᱱᱚᱞᱤᱭᱟᱹ ᱯᱳᱭᱞᱳ ᱫᱚ ᱱᱚᱣᱟ ᱢᱤᱫ ᱜᱟᱭᱟᱱ ᱥᱟᱶᱛᱮ ᱯᱷᱤᱞᱢ ᱵᱮᱱᱟᱣ ᱞᱟᱹᱜᱤᱫ ᱢᱤᱫ ᱥᱟᱶᱛᱮ ᱚᱼᱚᱞᱮ ᱪᱷᱩᱴᱟᱹᱣ ᱞᱮᱱᱟ᱾ ᱚᱞᱮ ᱮᱦᱚᱵ ᱠᱮᱫ ᱠᱷᱟᱱ ᱮ ᱵᱩᱡᱷᱟᱹᱣ ᱠᱮᱫᱟ ᱜᱟᱭᱟᱱ ᱚᱞ ᱞᱟᱹᱜᱤᱫ ᱫᱚ ᱯᱷᱤᱞᱢ ᱠᱷᱚᱱ ᱰᱷᱮᱨ ᱠᱟᱛᱷᱟ ᱚᱞ ᱠᱟᱛᱮ ᱜᱟᱵᱟᱱ ᱦᱩᱭᱩᱜ ᱠᱟᱱᱟ᱾ ᱑᱙᱘᱘ ᱥᱮᱨᱢᱟ ᱥᱮᱫ ᱯᱷᱤᱞᱢ ᱵᱮᱱᱟᱣ ᱞᱟᱹᱜᱤᱫ ᱯᱟᱹᱣᱲᱤ ᱦᱚᱸ ᱜᱤᱰᱤ ᱦᱩᱭ ᱞᱮᱱᱟ ᱟᱨ ᱵᱮᱱᱟᱣ ᱥᱟᱹᱛ ᱞᱮᱱ ᱜᱮᱭᱟ ᱢᱮᱱᱠᱷᱟᱱ ᱫᱤᱥᱚᱢ ᱦᱚᱲ ᱠᱚ ᱛᱟᱞᱟ ᱨᱮᱫᱚ ᱵᱟᱝ ᱩᱫᱩᱜ ᱟᱠᱟᱱᱟ᱾
ᱜᱟᱭᱟᱱ ᱨᱮᱭᱟᱜ ᱢᱩᱬ ᱪᱩᱨᱤᱛ ᱨᱮᱫᱚ ᱯᱟᱹᱨᱤᱥ ᱧᱩᱛᱩᱢᱟᱱ ᱢᱤᱫ ᱠᱩᱲᱤ ᱢᱮᱱᱟᱭᱟ, ᱡᱟᱦᱟᱸᱭ ᱫᱚ ᱟᱡ ᱵᱟᱵᱟ ᱡᱳᱨ ᱠᱟᱛᱮ ᱥᱟᱱᱛᱟᱲᱤ ᱵᱟᱝ ᱠᱟᱛᱮ ᱵᱟᱝᱞᱟ ᱯᱟᱹᱨᱥᱤ ᱛᱮ ᱨᱚᱲ ᱞᱟᱹᱜᱤᱫ ᱮ ᱵᱚᱲᱜᱮ ᱮᱭᱟ, ᱢᱮᱱᱠᱷᱟᱱ ᱩᱱᱤ ᱫᱚ ᱟᱡ ᱵᱟᱵᱟ ᱟᱜ ᱠᱟᱛᱷᱟ ᱵᱟᱝ ᱟᱸᱡᱚᱢ ᱠᱟᱛᱮ ᱟᱡᱟᱜ ᱟᱭᱳ ᱟᱲᱟᱝ ᱥᱟᱱᱛᱟᱲᱤ ᱛᱮᱜᱮᱭ ᱨᱚᱲᱟ᱾ ᱱᱚᱣᱟ ᱜᱟᱭᱟᱱ ᱛᱟᱞᱟ ᱛᱮ ᱢᱤᱫ ᱚᱠᱛᱮ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱨᱮᱭᱟᱜ ᱡᱟᱦᱟᱸ ᱟᱸᱫᱳᱲ ᱨᱟᱠᱟᱵ ᱞᱮᱱᱟ ᱚᱱᱟ ᱥᱟᱶᱛᱮ ᱥᱟᱱᱛᱟᱲ ᱥᱟᱶᱛᱮ ᱨᱮᱭᱟᱜ ᱟᱹᱰᱤ ᱢᱚᱡ ᱪᱤᱛᱟᱹᱨ ᱥᱟᱵ ᱨᱟᱠᱟᱵ ᱟᱠᱟᱱᱟ᱾
This article uses material from the Wikipedia ᱥᱟᱱᱛᱟᱲᱤ article ᱯᱟᱹᱨᱥᱤ ᱠᱷᱟᱹᱛᱤᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.