ᱜᱚᱱᱮᱥ ᱢᱟᱨᱟᱱᱰᱤ
ᱜᱟᱱᱮᱥ ᱢᱟᱨᱟᱱᱰᱤ (ᱤᱝᱨᱟᱹᱡᱤᱺ Ganesh Marandi; ᱡᱟᱱᱟᱢᱺ ᱑᱒ ᱡᱟᱱᱩᱣᱟᱨᱤ ᱑᱙᱘᱖) ᱫᱚ ᱥᱟᱱᱛᱟᱞᱤ ᱥᱟᱶᱦᱮᱫ ᱫᱩᱱᱤᱭᱟᱹ ᱨᱮᱱ ᱢᱤᱫ ᱧᱩᱢ ᱦᱟᱞᱟᱝ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱢᱟᱨᱟᱱᱰᱤ ᱫᱚ ᱢᱤᱫ ᱯᱟᱛᱷᱟᱢ ᱨᱮᱱ ᱥᱟᱥᱟᱯᱲᱟᱣᱤᱡ ᱦᱚᱸ ᱠᱟᱱᱟᱭ᱾ ᱱᱚᱶᱟ ᱯᱟᱛᱷᱟᱢ ᱨᱮᱭᱟᱜ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱᱟ ᱥᱟᱨᱡᱚᱢ ᱩᱢᱩᱞ᱾ ᱱᱩᱭ ᱫᱚ ᱒᱐᱒᱒ ᱥᱟᱞ ᱨᱮ ᱦᱚᱯᱚᱱ ᱢᱟᱹᱭ ᱧᱩᱛᱩᱢᱟᱱ ᱜᱤᱫᱽᱨᱟᱹ ᱵᱟᱹᱣᱞᱤ ᱯᱩᱛᱷᱤ ᱞᱟᱹᱜᱤᱫ ᱠᱮᱱᱫᱪᱨᱤᱭᱚ ᱥᱟᱦᱤᱛᱭᱚ ᱟᱠᱟᱫᱮᱢᱤ ᱥᱤᱨᱯᱟᱹ ᱦᱟᱢᱮᱴ ᱟᱠᱟᱫᱟ᱾
| ᱜᱟᱱᱮᱥ ᱢᱟᱨᱟᱱᱰᱤ | |
|---|---|
 ᱒᱐᱒᱒ ᱥᱮᱨᱢᱟ ᱨᱮ ᱜᱚᱱᱮᱥ ᱢᱟᱨᱟᱱᱰᱤ | |
| ᱡᱟᱱᱟᱢ | ᱡᱟᱱᱩᱣᱟᱨᱤ ᱑᱒, ᱑᱙᱘᱖ ᱢᱚᱦᱮᱥᱱᱚᱫᱤ, ᱯᱩᱨᱩᱞᱤᱭᱟ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱠᱟᱹᱢᱤ | ᱢᱟᱪᱮᱫ, ᱚᱱᱚᱞᱤᱭᱟᱹ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ  |
| ᱥᱮᱪᱮᱫ | ᱵᱚᱨᱫᱷᱚᱢᱟᱱ ᱡᱮᱜᱮᱫ ᱵᱤᱨᱫᱟᱹᱜᱟᱲ |
| ᱥᱟᱶᱦᱮᱫ ᱮᱱᱮᱢ | ᱦᱚᱱᱚᱱ ᱢᱟᱹᱭ |
| ᱡᱤᱭᱚᱱ ᱥᱚᱦᱮᱫ | ᱥᱟᱵᱤᱛᱨᱤ ᱴᱩᱰᱩ |
| ᱦᱚᱯᱚᱱ | ᱯᱤᱭᱳ ᱢᱟᱨᱟᱱᱰᱤ |
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
ᱜᱚᱱᱮᱥ ᱢᱟᱨᱟᱱᱰᱤᱭᱟᱜ ᱡᱟᱱᱟᱢ ᱫᱚ ᱑᱒ ᱡᱟᱱᱩᱣᱟᱨᱤ ᱑᱙᱘᱖ ᱢᱟᱹᱦᱤᱛ ᱨᱮ ᱯᱚᱪᱷᱤᱢ ᱵᱟᱝᱞᱟ, ᱯᱚᱱᱚᱛ ᱨᱮᱭᱟᱜ ᱯᱩᱨᱩᱞᱤᱭᱟᱹ,ᱪᱟᱞᱢᱟᱨᱟ ᱛᱟᱵᱮᱨ ᱨᱮ ᱢᱮᱱᱟᱜ ᱢᱚᱦᱮᱥᱱᱚᱫᱤ ᱟᱹᱛᱩ ᱨᱮ ᱦᱩᱭ ᱞᱮᱱᱟ᱾ ᱩᱱᱤ ᱨᱮᱱ ᱮᱝᱜᱟᱛ ᱟᱯᱟᱛ ᱟᱜ ᱧᱩᱛᱩᱢ ᱫᱚ ᱵᱟᱥᱱᱤ ᱢᱟᱨᱟᱱᱰᱤ ᱟᱨ ᱵᱳᱫᱤ ᱱᱟᱛᱷ ᱢᱟᱨᱟᱱᱰᱤ᱾ ᱜᱚᱱᱮᱥ ᱛᱟᱠᱚ ᱫᱚᱠᱚ ᱯᱮ ᱵᱚᱭᱦᱟ ᱢᱤᱥᱨᱟ ᱟᱜ᱾ ᱯᱮ ᱵᱚᱭᱦᱟ ᱢᱤᱥᱨᱟ ᱢᱩᱫᱽ ᱨᱮ ᱜᱟᱱᱮᱥ ᱜᱮ ᱢᱟᱨᱟᱝᱟ᱾ ᱩᱱᱤ ᱨᱮᱱ ᱢᱤᱥᱨᱟᱛ ᱠᱤᱱᱟᱜ ᱧᱩᱛᱩᱢ ᱫᱚ ᱱᱤᱞᱢᱩᱱᱤ ᱢᱟᱨᱟᱱᱰᱤ ᱟᱨ ᱢᱟᱞᱚᱛᱤ ᱢᱟᱨᱟᱱᱰᱤ᱾ ᱩᱱᱤ ᱨᱮᱱ ᱡᱤᱵᱚᱱ ᱡᱩᱨᱤᱭᱟᱜ ᱧᱩᱛᱩᱢ ᱫᱚ ᱥᱟᱵᱤᱛᱨᱤ ᱴᱩᱰᱩ᱾ ᱩᱱᱠᱤᱱ ᱨᱮᱱ ᱮᱥᱠᱟᱨ ᱦᱚᱯᱚᱱ ᱮᱨᱟᱣᱟᱜ ᱧᱩᱛᱩᱢ ᱫᱚ ᱯᱤᱭᱳ ᱢᱟᱨᱟᱱᱰᱤ᱾
ᱜᱚᱱᱮᱥ ᱢᱟᱨᱟᱱᱰᱤ ᱫᱚ ᱢᱚᱦᱮᱥᱱᱚᱫᱤ ᱮᱛᱚᱦᱚᱵ ᱟᱥᱲᱟ ᱟᱨ ᱪᱟᱞᱢᱟᱨᱟ ᱮᱛᱚᱦᱚᱵ ᱟᱥᱲᱟ ᱠᱷᱚᱱ ᱯᱟᱹᱦᱤᱞ ᱥᱮᱪᱮᱫ ᱫᱚᱭ ᱧᱟᱢ ᱟᱠᱟᱫᱟ᱾ ᱢᱚᱬᱮ ᱪᱟᱱᱟᱪ ᱠᱷᱚᱱ ᱤᱨᱟᱹᱞ ᱪᱟᱱᱟᱪ ᱦᱟᱹᱵᱤᱡ ᱫᱚ ᱞᱟᱞᱯᱩᱨ ᱡᱚᱱᱤᱭᱚᱨ ᱦᱟᱭ ᱥᱠᱩᱞ ᱨᱮᱭᱮ ᱯᱟᱲᱦᱟᱣ ᱟᱠᱟᱫᱟ᱾ ᱟᱨᱮ ᱟᱨ ᱜᱮᱞ ᱪᱟᱱᱟᱪ ᱫᱚ ᱨᱟᱱᱤᱯᱩᱨ ᱠᱩᱞᱤᱭᱟᱨᱤ ᱦᱟᱭ ᱥᱠᱩᱞ ᱨᱮᱭᱮ ᱯᱟᱲᱦᱟᱣ ᱟᱠᱟᱫᱟ᱾ ᱱᱚᱶᱟ ᱥᱠᱩᱞ ᱠᱷᱚᱱ ᱜᱮ ᱒᱐᱐᱒ ᱥᱮᱨᱢᱟ ᱯᱟᱹᱦᱤᱞ ᱫᱷᱟᱯ ᱛᱮ ᱢᱮᱴᱨᱤᱠ ᱵᱤᱱᱤᱰ ᱫᱚᱭ ᱯᱟᱥ ᱞᱮᱫᱟ᱾ ᱒᱐᱐᱕ ᱥᱮᱨᱢᱟ ᱪᱮᱞᱤᱢᱟᱞᱟ ᱵᱤᱡᱚᱞᱤ ᱯᱨᱚᱵᱷᱟ ᱦᱟᱭᱟᱨ ᱥᱮᱠᱮᱱᱰᱟᱨ ᱥᱠᱩᱞ ᱠᱷᱚᱱ ᱮᱪᱹᱮᱥᱹ ᱫᱚᱭ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱯᱩᱨᱩᱞᱤᱭᱟᱹ ᱨᱮᱭᱟᱜ ᱡᱮᱹᱠᱮᱹ ᱠᱚᱞᱮᱡᱽ ᱠᱷᱚᱱ ᱥᱱᱟᱛᱚᱠ ᱰᱤᱜᱽᱨᱤ ᱦᱟᱢᱮᱴ ᱠᱮᱫᱟ᱾
ᱥᱟᱶᱦᱮᱫ
ᱜᱚᱱᱮᱥ ᱢᱟᱨᱟᱱᱰᱤ ᱚᱞ ᱟᱠᱟᱫ ᱯᱚᱛᱚᱵ ᱠᱚ ᱨᱮᱭᱟᱜ ᱛᱟᱹᱞᱠᱟᱹ ᱱᱚᱜ-ᱚᱭ ᱞᱟᱛᱟᱨ ᱨᱮᱺ
| ᱮᱞ | ᱯᱚᱛᱚᱵ ᱧᱩᱛᱩᱢ | ᱥᱚᱫᱚᱨ ᱥᱮᱨᱢᱟ | ᱯᱟᱹᱨᱥᱤ |
|---|---|---|---|
| ᱑ | ᱟᱹᱠᱩᱛ | ᱒᱐᱑᱖ | ᱥᱟᱱᱛᱟᱞᱤ |
| ᱒ | ᱦᱚᱯᱚᱱ ᱢᱟᱹᱭ | ᱒᱐᱑᱖ | ᱥᱟᱱᱛᱟᱞᱤ |
| ᱓ | ᱮᱠᱩᱥ ᱥᱚᱛᱚᱠᱮᱨ ᱥᱟᱶᱛᱟᱞᱤ ᱵᱷᱟᱥ ᱚ ᱥᱟᱦᱤᱛᱮᱨ ᱤᱛᱤᱦᱟᱸᱥ | ᱒᱐᱒᱑ | ᱵᱟᱝᱞᱟ |
ᱢᱟᱹᱱ
ᱜᱚᱱᱮᱥ ᱢᱟᱨᱟᱱᱰᱤ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱨᱮ ᱩᱱᱤᱭᱟᱜ ᱮᱱᱮᱢ ᱠᱷᱟᱹᱛᱤᱨ ᱩᱱᱤ ᱫᱚ ᱟᱭᱢᱟ ᱥᱟᱶᱦᱮᱫ ᱟᱨ ᱞᱟᱠᱪᱟᱨ ᱜᱟᱶᱛᱟ ᱦᱚᱛᱮᱛᱮ ᱠᱚ ᱢᱟᱹᱱ ᱵᱮᱵᱷᱟᱨ ᱟᱠᱟᱫᱮᱭᱟ ᱾
- ᱒᱐᱑᱘ ᱥᱮᱨᱢᱟ ᱨᱮ ᱵᱷᱟᱨᱚᱛ ᱡᱟᱠᱟᱛ ᱥᱟᱱᱛᱟᱲᱤ ᱚᱱᱚᱞᱤᱭᱟᱹ ᱜᱟᱶᱛᱟ ᱯᱟᱥᱴᱟ ᱥᱮᱡ ᱠᱷᱚᱱ ᱠᱚᱵᱤ ᱥᱟᱨᱚᱫᱟ ᱯᱨᱚᱥᱟᱫᱽ ᱠᱤᱥᱠᱩ' ᱥᱤᱨᱯᱟᱹ ᱠᱚ ᱪᱟᱞ ᱟᱠᱟᱣᱫᱮᱭᱟ᱾
- ᱒᱐᱒᱒ ᱥᱮᱨᱢᱟ ᱨᱮ ᱠᱮᱱᱫᱽᱨᱤᱭᱚ ᱥᱟᱦᱤᱛᱭᱚ ᱟᱠᱟᱫᱮᱢᱤ ᱯᱟᱥᱴᱟ ᱥᱮᱡ ᱠᱷᱚᱱ ᱡᱩᱶᱟᱹᱱ ᱥᱤᱨᱯᱟᱹ ᱠᱚ ᱪᱟᱞ ᱟᱠᱟᱣᱫᱮᱭᱟ᱾
ᱥᱟᱹᱠᱷᱹᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱜᱚᱱᱮᱥ ᱢᱟᱨᱟᱱᱰᱤ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.