ᱜᱚᱛᱤ ᱠᱨᱩᱥᱱᱚ ᱢᱤᱥᱨᱚ ᱫᱚ ᱳᱰᱤᱥᱟ ᱦᱟᱭ ᱠᱳᱴ ᱨᱤᱱᱤᱡ ᱮᱭᱟᱭ ᱟᱹᱱᱤᱡ ᱢᱩᱠᱷᱤᱭᱟᱹ ᱫᱚᱨᱵᱟᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ, ᱑ ᱢᱮ ᱑᱙᱖᱙ ᱠᱷᱚᱱ ᱓᱐ ᱚᱠᱴᱚᱵᱚᱨ ᱑᱙᱗᱕ ᱫᱷᱟᱹᱵᱤᱡ ᱩᱱᱤ ᱫᱚ ᱳᱰᱤᱥᱟ ᱦᱟᱭ ᱠᱳᱴ ᱨᱤᱱᱤᱡ ᱢᱩᱠᱷᱤᱭᱟᱹ ᱫᱚᱨᱵᱟᱨᱤᱭᱟᱹ ᱢᱟᱹᱪᱤᱨᱮ ᱴᱷᱟᱶ ᱮ ᱟᱢᱮᱴ ᱞᱮᱫᱼᱟ ᱾ ᱟᱨ ᱱᱚᱝᱠᱟ ᱛᱮ ᱛᱩᱨᱩᱭ ᱥᱮᱨᱢᱟ ᱫᱷᱟᱹᱵᱤᱡ ᱮ ᱠᱟᱹᱢᱤ ᱞᱮᱫᱼᱟ ᱾
ᱜᱚᱛᱤ ᱠᱨᱩᱥᱱᱚ ᱢᱤᱥᱨᱚ | |
---|---|
ᱪᱤᱯ ᱡᱚᱥᱴᱤᱥ, ᱳᱰᱤᱥᱟ ᱦᱟᱭ ᱠᱳᱴ | |
ᱟᱹᱢᱟᱹᱞᱤ ᱨᱮ ᱑ ᱢᱮ ᱑᱙᱖᱙ – ᱓᱐ ᱚᱠᱴᱚᱵᱚᱨ ᱑᱙᱗᱕ | |
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱚᱛᱭᱚ ᱵᱷᱩᱥᱚᱬ ᱵᱚᱨᱢᱟᱱ |
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱥᱤᱵᱚ ᱱᱟᱨᱟᱭᱚᱬ ᱥᱚᱝᱠᱚᱨ |
ᱳᱰᱤᱥᱟ ᱨᱤᱱᱤᱡ ᱨᱟᱡᱽᱡᱚᱯᱟᱲ (Acting) | |
ᱟᱹᱢᱟᱹᱞᱤ ᱨᱮ ᱒᱑ ᱚᱜᱚᱥᱴ ᱑᱙᱗᱔ – ᱒᱕ ᱚᱠᱴᱚᱵᱚᱨ ᱑᱙᱗᱔ | |
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱟᱠᱵᱚᱨ ᱚᱞᱤ ᱠᱷᱟᱱ (ᱨᱟᱡᱽᱟᱹᱨᱤᱭᱟᱹ) |
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱵᱤ. ᱰᱤ. ᱡᱚᱛᱛᱤ |
ᱳᱰᱤᱥᱟ ᱨᱤᱱᱤᱡ ᱨᱟᱡᱽᱡᱚᱯᱟᱲ (Acting) | |
ᱟᱹᱢᱟᱹᱞᱤ ᱨᱮ ᱑ ᱡᱩᱞᱟᱭ ᱑᱙᱗᱒ – ᱘ ᱱᱚᱵᱷᱮᱢᱵᱚᱨ ᱑᱙᱗᱒ | |
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱵᱤ. ᱰᱤ. ᱡᱚᱛᱛᱤ |
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱥᱚᱨᱫᱟᱨ ᱡᱚᱡᱮᱱᱫᱽᱨᱚ ᱥᱤᱝ (Acting) |
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
ᱡᱟᱱᱟᱢ | ᱜᱟᱭᱞᱳ, ᱰᱷᱮᱝᱠᱟᱱᱟᱲ, ᱳᱰᱤᱥᱟ |
ᱜᱩᱨ | ᱐᱖ ᱡᱩᱞᱟᱭ ᱒᱐᱐᱙ (᱙᱗ ᱵᱚᱭᱚᱥ) ᱠᱚᱴᱚᱠ |
ᱡᱟᱹᱛᱤᱭᱟᱹᱨᱤ | ᱥᱤᱧᱚᱛᱤᱭᱟᱹ |
ᱥᱮᱪᱮᱫ | ᱥᱚᱱᱮᱨ, ᱮᱞ.ᱮᱞ.ᱵᱤ. |
ᱥᱮᱪᱮᱫ ᱟᱠᱷᱲᱟ | ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ |
ᱰᱷᱮᱝᱠᱟᱱᱟᱲ ᱦᱚᱱᱚᱛ ᱨᱮᱱᱟᱜ ᱜᱮᱞᱳ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱟᱡᱟᱜ ᱮᱛᱚᱦᱚᱵ ᱥᱮᱪᱮᱫ ᱫᱚ ᱡᱟᱱᱟᱢ ᱟᱹᱛᱩ ᱠᱷᱚᱱ ᱜᱮᱭ ᱥᱟᱹᱛ ᱞᱮᱫ ᱛᱟᱦᱮᱸᱫ ᱾ ᱑᱙᱓᱗ ᱨᱮ, ᱩᱱᱤ ᱫᱚ ᱯᱟᱴᱱᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱠᱟᱹᱣᱰᱤᱟᱹᱨᱤ ᱨᱮ ᱥᱚᱱᱮᱨᱥᱤᱫᱽ ᱨᱮᱱᱟᱜ ᱰᱤᱜᱽᱨᱤᱭ ᱟᱢᱮᱴ ᱞᱮᱫᱼᱟ ᱟᱨ ᱯᱟᱴᱱᱟ ᱨᱮᱜᱮ ᱟᱡᱟᱜ ᱠᱟᱱᱩᱱ ᱯᱚᱲᱦᱚᱱ ᱦᱚᱸᱭ ᱮᱛᱚᱦᱚᱵ ᱞᱮᱫᱼᱟ ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱳᱰᱤᱥᱟ ᱛᱮᱭ ᱨᱩᱣᱟᱹᱲ ᱦᱮᱡ ᱮᱱᱟ ᱟᱨ ᱑᱙᱔᱐ ᱨᱮ ᱠᱚᱴᱚᱠ ᱨᱮ ᱟᱡᱟᱜ ᱠᱟᱱᱩᱱ ᱠᱟᱹᱢᱤᱭ ᱮᱛᱚᱦᱚᱵ ᱠᱮᱫᱼᱟ ᱾ ᱩᱱᱤ ᱫᱚ ᱑᱙᱔᱐ ᱨᱮ ᱳᱰᱤᱥᱟ ᱱᱮᱭᱟᱭᱯᱟᱞᱤᱠᱟ ᱨᱮ ᱢᱩᱸᱥᱤᱯᱷ ᱮ ᱟᱹᱪᱩ ᱞᱮᱱ ᱛᱟᱦᱮᱸᱫ ᱾ ᱩᱱᱤ ᱫᱚ ᱡᱚᱜᱚ ᱫᱚᱨᱵᱟᱨᱤᱭᱟᱹ ᱠᱮᱰᱚᱨ ᱨᱮ ᱛᱷᱟᱱᱚᱛᱱᱟᱹᱣ ᱞᱮᱫᱮ ᱛᱟᱦᱮᱸᱫ ᱾ ᱟᱨ ᱳᱰᱤᱥᱟ ᱨᱮᱱᱟᱜ ᱞᱮᱠᱟᱱ ᱞᱮᱠᱟᱱ ᱴᱚᱴᱷᱟᱨᱮ ᱥᱮᱵᱟ ᱞᱟᱹᱜᱤᱫ ᱠᱚ ᱮᱢᱟ ᱟᱫᱮ ᱛᱟᱦᱮᱸᱫ ᱾ ᱤᱠᱷᱟᱹᱱ ᱑᱙᱕᱐ ᱨᱮ ᱩᱱᱤ ᱫᱚ ᱥᱚᱨᱠᱟᱨᱤ ᱥᱮᱵᱟ ᱠᱷᱚᱱ ᱡᱤᱨᱟᱹᱣ ᱮ ᱦᱟᱛᱟᱣ ᱠᱮᱫᱼᱟ ᱟᱨ ᱟᱡᱟᱜ ᱠᱟᱹᱢᱤ ᱨᱮᱭ ᱥᱮᱞᱮᱫ ᱮᱱᱟ ᱾ ᱤᱱᱟᱹ ᱛᱟᱭᱚᱢ ᱥᱩᱨ ᱥᱩᱯᱩᱨ ᱜᱮᱵᱟᱨ ᱵᱮᱪᱷᱚᱨ, ᱢᱮᱱᱮᱛ ᱓᱐ ᱡᱟᱱᱩᱣᱟᱨᱤ ᱑᱙᱖᱒ ᱠᱷᱚᱱ ᱩᱱᱤ ᱫᱮ ᱳᱰᱤᱥᱟ ᱩᱱᱩᱥᱩᱞ ᱫᱚᱨᱵᱟᱨᱜᱟᱲ ᱨᱤᱱᱤᱡ ᱢᱤᱫ ᱳᱰᱤᱥᱚᱱᱟᱞ ᱡᱚᱡᱽ ᱞᱮᱠᱟᱛᱮ ᱛᱷᱟᱱᱚᱛᱱᱟᱹᱣ ᱠᱚ ᱮᱢᱟ ᱟᱫᱮ ᱛᱟᱦᱮᱸᱫ ᱾ ᱑ ᱢᱮ ᱑᱙᱖᱒ ᱠᱷᱚᱱ ᱓᱐ ᱚᱠᱴᱚᱵᱚᱨ ᱑᱙᱗᱕ ᱫᱷᱟᱹᱵᱤᱡ ᱩᱱᱤ ᱫᱚ ᱳᱰᱤᱥᱟ ᱩᱱᱩᱥᱩᱞ ᱫᱚᱨᱵᱟᱨ ᱜᱟᱲ ᱨᱤᱱᱤᱡ ᱫᱚᱨᱵᱟᱨᱤᱭᱟᱹ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾
ᱢᱩᱠᱷᱤᱭᱟᱹ ᱫᱚᱨᱵᱟᱨᱤᱭᱟᱹ ᱞᱮᱠᱟᱛᱮ ᱛᱟᱦᱮᱸ ᱠᱟᱛᱮ ᱩᱱᱤ ᱫᱚ ᱑ ᱡᱩᱞᱟᱭ ᱑᱙᱗᱒ ᱠᱷᱚᱱ ᱘ ᱱᱚᱵᱷᱮᱢᱵᱚᱨ ᱑᱙᱗᱒ ᱫᱷᱟᱹᱵᱤᱡ ᱟᱨ ᱒᱑ ᱚᱜᱚᱥᱴ ᱑᱙᱗᱔ ᱠᱷᱚᱱ ᱒᱕ ᱚᱠᱴᱚᱵᱚᱨ ᱑᱙᱗᱔ ᱫᱷᱟᱹᱵᱤᱡ ᱳᱰᱤᱥᱟ ᱨᱤᱱᱤᱡ ᱠᱟᱹᱢᱤᱭᱟᱹᱱ ᱨᱟᱡᱽᱡᱚᱯᱟᱲ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱼᱟ ᱾
᱖ ᱫᱩᱞᱟᱭ ᱒᱐᱐᱙ ᱨᱮ ᱩᱱᱤᱭᱟᱜ ᱜᱩᱨ ᱫᱚ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱯᱮ ᱦᱚᱲ ᱦᱚᱯᱚᱱ ᱟᱨ ᱯᱮᱭᱟ ᱦᱚᱯᱚᱱ ᱮᱨᱟ ᱦᱚᱛᱮᱛᱮ ᱡᱤᱣᱤᱫ ᱢᱮᱱᱟᱭᱟ ᱾
This article uses material from the Wikipedia ᱥᱟᱱᱛᱟᱲᱤ article ᱜᱚᱛᱤ ᱠᱨᱩᱥᱱᱚ ᱢᱤᱥᱨᱚ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.