ᱱᱤᱛᱤᱥ ᱢᱤᱥᱨᱟ (ᱡᱟᱱᱟᱢ ᱙ ᱡᱩᱞᱟᱭ ᱑᱙᱖᱓) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽᱟᱹᱨᱤ ᱠᱟᱱᱟᱭ ᱱᱚᱣᱟ ᱥᱤᱧᱚᱛ ᱨᱮᱱᱟᱜ ᱥᱟᱢᱟᱝ ᱯᱚᱱᱚᱛ ᱵᱤᱦᱟᱨ ᱠᱷᱚᱱ ᱢᱮᱱᱟᱭᱟ ᱾ ᱩᱱᱤᱫᱚ ᱑᱓ ᱟᱱᱟᱜ, ᱑᱔ ᱟᱱᱟᱜ ᱟᱨ ᱑᱕ ᱟᱱᱟᱜ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱮ ᱢᱚᱫᱷᱩᱵᱟᱱᱤ ᱦᱚᱱᱚᱛ ᱨᱮᱱᱟᱜ ᱡᱷᱚᱸᱡᱷᱟᱨᱯᱩᱨ ᱵᱤᱫᱷᱟᱱᱥᱚᱵᱷᱟ ᱨᱮ ᱨᱮᱯᱨᱤᱡᱮᱱᱴᱮᱴᱤᱵᱽ ᱟᱠᱟᱫᱟ ᱾ ᱱᱤᱛᱚᱜ ᱱᱩᱭ ᱫᱚ ᱡᱷᱚᱸᱡᱷᱟᱨᱯᱩᱨ ᱠᱷᱚᱱ ᱑᱙ ᱟᱱᱟᱜ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱨᱤᱱᱤᱡ ᱥᱚᱦᱮᱫ ᱮ ᱢᱮᱱᱟᱭᱟ ᱟᱨ ᱵᱤᱡᱮᱯᱤᱼᱵᱤᱦᱟᱨ ᱨᱤᱱᱤᱡ ᱡᱚᱜᱚᱯᱟᱨᱥᱮᱛ ᱦᱚᱸ ᱢᱮᱱᱟᱭᱟ ᱾
ᱱᱤᱛᱤᱥ ᱢᱤᱥᱨᱟ | |
---|---|
ᱵᱤᱦᱟᱨ ᱥᱚᱨᱠᱟᱨ ᱨᱤᱱᱤᱡ ᱫᱮᱦᱟᱛ ᱩᱛᱷᱱᱟᱹᱣ ᱵᱤᱵᱷᱟᱜᱽ ᱢᱚᱱᱛᱨᱤ | |
ᱟᱹᱢᱟᱹᱞᱤ ᱨᱮ ᱒᱐ ᱱᱚᱵᱷᱮᱢᱵᱚᱨ ᱒᱐᱒᱐ – ᱒᱒ ᱯᱷᱮᱵᱽᱨᱩᱣᱟᱨᱤ ᱒᱐᱑᱕ | |
ᱰᱤᱡᱟᱥᱴᱟᱨ ᱢᱮᱱᱮᱡᱢᱮᱱᱴ ᱵᱤᱵᱷᱟᱜᱽ, ᱵᱤᱦᱟᱨ ᱥᱚᱨᱠᱟᱨ ᱨᱤᱡ ᱢᱚᱱᱛᱨᱤ | |
ᱟᱹᱢᱟᱹᱞᱤ ᱨᱮ ᱑᱓ ᱮᱯᱨᱤᱞ ᱒᱐᱐᱘ – ᱓᱒ ᱢᱟᱨᱪ ᱒᱐᱐᱙ | |
ᱢᱚᱱᱛᱨᱤ ᱮᱸᱠ ᱵᱤᱵᱜᱟᱜᱽ, ᱵᱤᱦᱟᱨ ᱥᱚᱨᱠᱟᱨ | |
ᱟᱹᱢᱟᱹᱞᱤ ᱨᱮ ᱒᱔ ᱱᱚᱵᱷᱮᱢᱵᱚᱨ ᱒᱐᱐᱕ – ᱑᱓ ᱮᱯᱨᱤᱞ ᱒᱐᱐᱘ | |
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
ᱡᱟᱱᱟᱢ | ᱙ ᱡᱩᱞᱟᱭ ᱑᱙᱗᱓ ᱯᱟᱴᱱᱟ, ᱵᱤᱦᱟᱨ, ᱥᱤᱧᱚᱛ |
ᱡᱟᱹᱛᱤᱭᱟᱹᱨᱤ | ᱥᱤᱧᱚᱛ |
ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ |
ᱡᱤᱭᱚᱱ ᱥᱚᱦᱮᱫ | ᱨᱤᱪᱟ ᱢᱤᱥᱨᱟ |
ᱠᱟᱹᱢᱤ | ᱨᱟᱡᱽᱟᱹᱨᱤ |
ᱣᱮᱵᱽᱥᱟᱭᱤᱴ | www.jhanjharpur.co.in |
ᱱᱩᱭ ᱫᱚ ᱡᱷᱚᱸᱡᱷᱟᱨᱯᱩᱨ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱠᱷᱚᱱ ᱵᱤᱡᱮᱯᱤ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱵᱟᱪᱷᱱᱟᱣ ᱮ ᱞᱟᱹᱲᱦᱟᱹᱭ ᱠᱟᱱᱟᱭ ᱾ ᱢᱤᱥᱨᱟ ᱫᱚ ᱒᱐᱐᱕ ᱟᱨ ᱒᱐᱑᱕ ᱥᱟᱞ ᱛᱟᱞᱟ ᱨᱮ ᱵᱤᱦᱟᱨ ᱥᱚᱨᱠᱟᱨ ᱨᱮ ᱵᱷᱤᱱᱟᱹ ᱵᱷᱤᱱᱟᱹ ᱢᱚᱱᱛᱨᱤ ᱨᱤᱱᱤᱡ ᱢᱩᱬ ᱮ ᱛᱟᱦᱮᱸ ᱠᱟᱱᱟᱭ ᱾
ᱱᱤᱛᱤᱥ ᱢᱤᱥᱨᱟ ᱟᱜ ᱡᱟᱱᱟᱢ ᱫᱚ ᱵᱤᱦᱟᱨ ᱨᱤᱱᱤᱡ ᱢᱤᱫ ᱢᱩᱬ ᱨᱟᱡᱽᱟᱹᱨᱤ ᱜᱷᱟᱨᱚᱸᱡᱽ ᱨᱮ ᱦᱩᱭ ᱞᱮᱱ ᱛᱟᱦᱮᱸᱫ ᱾ ᱟᱡ ᱵᱟᱵᱟ ᱫᱚ ᱡᱚᱜᱚᱱᱱᱟᱛᱷ ᱢᱤᱥᱨᱟ ᱫᱚ ᱯᱮ ᱫᱷᱟᱣ ᱵᱤᱦᱟᱨ ᱨᱤᱱᱤᱡ ᱥᱤᱨᱟᱹ ᱢᱚᱱᱛᱨᱤ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾ ᱢᱤᱥᱨᱟ ᱟᱡ ᱠᱟᱠᱟ, ᱜᱩᱨ ᱟᱠᱟᱱ ᱞᱚᱞᱤᱛ ᱱᱟᱨᱟᱭᱚᱬ ᱢᱤᱥᱨᱟ ᱦᱚᱸ ᱢᱤᱫ ᱧᱩᱛᱩᱢᱟᱱ ᱨᱟᱡᱽᱟᱹᱨᱤ ᱛᱟᱦᱮᱸ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱟᱡᱟᱜ ᱠᱟᱹᱢᱤ ᱚᱠᱛᱚ ᱟᱹᱰᱤ ᱜᱟᱱ ᱠᱮᱵᱤᱱᱮᱴ ᱯᱚᱫᱽ ᱨᱮ ᱠᱟᱹᱢᱤ ᱟᱠᱟᱫᱟ ᱾ ᱑᱙᱗᱕ ᱥᱟᱞ ᱨᱮ ᱵᱤᱦᱟᱨ ᱨᱮᱱᱟᱜ ᱥᱟᱢᱟᱥᱛᱤᱯᱩᱨ ᱨᱮ ᱢᱤᱫ ᱥᱮᱞᱤᱵᱨᱮᱥᱚᱱ ᱨᱮ ᱢᱤᱫ ᱥᱮᱱᱥᱮᱥᱱᱚᱞ (sensational) ᱵᱚᱢ ᱯᱚᱥᱟᱜ ᱨᱮ ᱞᱚᱞᱤᱛ ᱱᱟᱨᱟᱭᱚᱬ ᱢᱤᱥᱨᱟ ᱫᱚ ᱵᱚᱸᱜᱟ ᱛᱟᱞᱟ ᱮᱱᱟ ᱾
ᱢᱤᱥᱨᱟ ᱫᱚ ᱟᱡᱟᱜ ᱟᱥᱲᱟ ᱥᱮᱪᱮᱫ ᱫᱚ ᱥᱮᱱᱴ ᱢᱟᱭᱠᱚᱞ ᱩᱱᱩᱥᱩᱞ ᱟᱥᱲᱟ, ᱯᱟᱴᱱᱟ ᱠᱷᱚᱱ ᱟᱨ ᱑᱙᱙᱐ᱼ᱙᱑ ᱥᱟᱞ ᱨᱮ ᱟᱥᱲᱟ ᱨᱤᱱᱤᱡ ᱢᱩᱬᱴᱮᱱ ᱦᱚᱸ ᱛᱟᱦᱮᱸ ᱠᱟᱱᱟᱭ ᱾
ᱢᱤᱥᱨᱟ ᱫᱚ ᱑᱙᱙᱔ ᱥᱟᱞ ᱨᱮ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱱᱟᱜᱟᱢ ᱨᱮ ᱵᱮᱪᱞᱚᱨ ᱨᱮᱱᱟᱜ ᱰᱤᱜᱽᱨᱤ ᱧᱟᱢ ᱠᱮᱫᱼᱟ ᱾ ᱩᱱᱤᱫᱚ ᱚᱱᱟ ᱥᱮᱨᱢᱟ ᱟᱨ ᱮᱠᱟᱰᱮᱢᱤᱠ ᱞᱟᱹᱜᱤᱫ ᱠᱚᱞᱮᱡᱽ ᱠᱨᱮᱥᱴ ᱟᱣᱟᱨᱰ ᱮ ᱡᱤᱛᱟᱹᱣ ᱮᱱᱟ ᱾ ᱑᱙᱙᱕ ᱥᱟᱞ ᱨᱮ, ᱩᱱᱤᱫᱚ ᱯᱷᱚᱨ ᱤᱥᱠᱩᱞ ᱚᱯᱷ ᱢᱮᱱᱮᱡᱢᱮᱱᱴ, ᱱᱟᱶᱟ ᱫᱤᱞᱞᱤ ᱟᱨ ᱢᱟᱥᱴᱨᱤᱪ ᱤᱥᱠᱩᱞ ᱚᱯᱷ ᱢᱮᱱᱮᱡᱢᱮᱱᱴ, ᱱᱤᱫᱚᱨᱞᱮᱱᱰ ᱠᱷᱚᱱ ᱵᱤᱡᱽᱱᱮᱥ ᱮᱰᱢᱤᱱᱤᱥᱴᱨᱮᱥᱚᱱ ᱨᱮ ᱢᱟᱥᱴᱚᱨ ᱥᱟᱞᱟᱜ ᱮ ᱵᱚᱪᱷᱚᱨ ᱠᱮᱫᱼᱟ) ᱑᱙᱙᱘ ᱥᱟᱞ ᱨᱮ, ᱩᱱᱤᱫᱚ ᱡᱩᱢᱤᱫᱽ ᱠᱤᱝᱰᱚᱢ ᱨᱮᱱᱟᱜ ᱦᱚᱞ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱜᱞᱚᱵᱟᱞ ᱯᱚᱞᱤᱴᱤᱠᱟᱞ ᱤᱠᱚᱱᱚᱢᱤᱠ ᱨᱮ ᱯᱚᱥᱴ ᱜᱨᱮᱡᱩᱮᱴ ᱰᱤᱯᱞᱚᱢᱟ ᱧᱟᱢ ᱠᱮᱫᱼᱟ ᱾ ᱩᱱᱤ ᱦᱟᱨᱣᱚᱨᱰ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱮᱜᱽᱡᱤᱠᱭᱩᱴᱤᱵᱽ ᱮᱡᱩᱠᱮᱥᱚᱱ ᱨᱮᱱᱟᱜ ᱠᱮᱱᱮᱰᱤ ᱤᱥᱠᱩᱞ ᱠᱷᱚᱱ ᱮᱢᱚᱨᱡᱤᱝ ᱞᱤᱰᱟᱨ ᱯᱨᱚᱜᱨᱟᱢ ᱞᱟᱹᱜᱤᱫ ᱥᱟᱨᱴᱤᱯᱷᱤᱠᱮᱴ ᱚᱯᱷ ᱠᱚᱢᱯᱞᱤᱥᱚᱱ ᱠᱷᱚᱱ ᱦᱚᱸ ᱢᱟᱱ ᱠᱚ ᱪᱟᱞ ᱟᱫᱮᱭᱟ ᱾
ᱨᱟᱡᱽᱟᱹᱨᱤ ᱨᱮ ᱦᱤᱡᱩᱜ ᱢᱟᱬᱟᱝ ᱛᱮ, ᱢᱤᱥᱨᱟ ᱫᱚ ᱢᱤᱫ ᱥᱮᱪᱮᱫᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱟᱨ ᱥᱟᱶᱛᱟ ᱟᱹᱨᱤ ᱠᱟᱹᱢᱤ ᱨᱮᱦᱚᱸ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟᱭ ᱾ ᱮᱯᱨᱤᱞ ᱑᱙᱙᱙ ᱥᱟᱞ ᱠᱷᱚᱱ ᱢᱟᱨᱪ ᱒᱐᱐᱒ ᱥᱟᱞ ᱫᱷᱟᱹᱵᱤᱡ ᱩᱱᱤᱫᱚ ᱢᱤᱫ ᱜᱮᱨᱼᱞᱟᱵᱷᱠᱟᱨᱤ ᱠᱟᱹᱣᱰᱤ ᱟᱹᱨᱤ ᱟᱨ ᱥᱟᱶᱛᱟ ᱟᱹᱨᱤ ᱟᱱᱩᱥᱚᱸᱫᱷᱟᱱ ᱥᱚᱝᱴᱷᱚᱱ, ᱵᱤᱦᱟᱨ ᱠᱟᱹᱣᱰᱤ ᱟᱹᱨᱤ ᱤᱥᱴᱟᱰᱤ ᱤᱱᱥᱴᱤᱴᱭᱩᱴ ᱨᱤᱱᱤᱡ ᱜᱚᱲᱚᱥᱚᱦᱚᱫ ᱫᱤᱥᱟᱹ ᱩᱫᱩᱜᱤᱜ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ ᱾ ᱮᱯᱨᱤᱞ ᱒᱐᱐᱒ ᱥᱟᱞ ᱠᱷᱚᱱ ᱒᱐᱐᱕ ᱥᱟᱞ ᱫᱷᱟᱹᱵᱤᱡ ᱢᱤᱥᱨᱟ ᱫᱚ ᱮᱞ.ᱮᱱ. ᱢᱤᱥᱨᱟ ᱠᱚᱞᱮᱡᱽ ᱚᱯᱷ ᱵᱤᱡᱽᱱᱮᱥ ᱢᱮᱱᱮᱡᱢᱮᱱᱴ, ᱢᱩᱡᱚᱯᱷᱚᱨᱯᱩᱨ ᱨᱤᱱᱤᱡ ᱮᱠᱥᱮᱥᱤᱵᱽ ᱫᱤᱥᱟᱹ ᱩᱫᱩᱜᱤᱜ ᱮ ᱛᱟᱦᱮᱸ ᱠᱟᱱᱟᱭ, ᱱᱚᱣᱟ ᱵᱟᱵᱟᱥᱟᱦᱮᱵᱽ ᱵᱷᱤᱢᱨᱟᱣ ᱟᱢᱵᱮᱰᱠᱚᱨ ᱵᱤᱦᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱞᱮᱠᱟᱛᱮ ᱢᱤᱫ ᱚᱴᱚᱱᱚᱢᱚᱥ ᱤᱱᱥᱴᱤᱴᱭᱩᱴ ᱮ ᱛᱟᱦᱮᱸ ᱠᱟᱱᱟᱭ ᱾
ᱢᱤᱥᱨᱟ ᱫᱚ ᱢᱚᱫᱷᱩᱵᱟᱱᱤ ᱨᱮ ᱡᱷᱚᱸᱡᱷᱟᱨᱯᱩᱨ ᱵᱤᱫᱷᱟᱱ ᱥᱚᱵᱷᱟ ᱴᱚᱴᱷᱟ ᱨᱤᱱᱤᱡ ᱢᱤᱥᱨᱟ ᱜᱷᱟᱨᱚᱸᱡᱽ ᱟᱜ ᱜᱟᱲ ᱠᱷᱚᱱ ᱞᱮᱛᱟᱲ ᱑᱓ ᱟᱱᱟᱜ, ᱑᱔ ᱟᱱᱟᱜ ᱟᱨ ᱒᱕ ᱟᱱᱟᱜ ᱵᱤᱦᱟᱨ ᱵᱤᱫᱷᱟᱱ ᱥᱚᱵᱷᱟ ᱞᱟᱹᱜᱤᱫ ᱮ ᱵᱟᱪᱷᱱᱟᱣ ᱮᱱᱟ ᱾ ᱟᱡ ᱵᱟᱵᱟ ᱡᱚᱜᱚᱱᱱᱟᱛᱷ ᱢᱤᱥᱨᱟ ᱦᱚᱸ ᱱᱚᱣᱟ ᱢᱟᱹᱪᱤ ᱠᱷᱚᱱ ᱢᱚᱬᱮ ᱫᱷᱟᱣ ᱮ (᱑᱙᱗᱒ ᱠᱷᱚᱱ ᱑᱙᱙᱐) ᱡᱤᱛᱠᱟᱹᱨ ᱞᱮᱱ ᱛᱟᱦᱮᱸᱫ ᱾
This article uses material from the Wikipedia ᱥᱟᱱᱛᱟᱲᱤ article ᱱᱤᱛᱤᱥ ᱢᱤᱥᱨᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.