ᱱᱟᱶᱟ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ
ᱱᱟᱶᱟ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ (ᱥᱴᱮᱥᱚᱱ ᱠᱳᱰ: NDLS) ᱫᱚ ᱥᱤᱧᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱢᱩᱬ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾ ᱯᱞᱮᱴᱯᱷᱚᱨᱢ ᱢᱤᱫᱴᱟᱹᱝ ᱫᱚ ᱯᱟᱦᱟᱲᱜᱚᱸᱡᱽ ᱨᱮ ᱢᱮᱱᱟᱜᱼᱟ ᱟᱨ ᱯᱞᱮᱴᱯᱷᱚᱨᱢ ᱑᱖ ᱜᱚᱴᱟᱝ ᱫᱚ ᱟᱡᱽᱢᱮᱨᱤ ᱜᱮᱴ ᱥᱮᱫ ᱨᱮ ᱢᱮᱱᱟᱜᱼᱟ ᱾ ᱱᱚᱣᱟ ᱥᱴᱮᱥᱚᱱ ᱫᱚ ᱛᱟᱞᱢᱟ ᱫᱤᱞᱞᱤ ᱨᱮ ᱢᱮᱱᱟᱜᱼᱟ, ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱠᱚᱱᱟᱴ ᱯᱞᱮᱥ ᱠᱷᱚᱱ ᱵᱟᱨ ᱠᱤᱞᱚᱢᱤᱴᱚᱨ ᱠᱚᱧᱮ ᱨᱮ ᱢᱮᱱᱟᱜᱼᱟ ᱾ ᱴᱨᱮᱱ ᱦᱟᱹᱴᱤᱧ ᱟᱨ ᱯᱟᱥᱮᱱᱡᱚᱨ ᱦᱮᱡ ᱥᱮᱱ ᱞᱮᱠᱟᱛᱮ ᱱᱚᱣᱟ ᱫᱚ ᱫᱤᱥᱚᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱠᱟᱹᱢᱤ ᱟᱠᱟᱱ ᱨᱮᱞᱣᱮ ᱥᱴᱮᱥᱚᱱ ᱠᱟᱱᱟ ᱾
ᱱᱟᱶᱟ ᱫᱤᱞᱞᱤ | |
|---|---|
 ᱥᱤᱧᱚᱛᱤᱭᱟᱹ ᱨᱮᱞᱣᱮ ᱟᱨ ᱫᱤᱞᱞᱤ ᱩᱯᱱᱚᱜᱚᱨ ᱨᱮᱞᱣᱮ ᱥᱴᱮᱥᱚᱱ | |
 ᱵᱟᱨᱭᱟ ᱵᱚᱞᱚᱱ ᱫᱩᱣᱟᱹᱨ, ᱟᱡᱽᱢᱮᱨᱤ ᱜᱮᱴ (ᱪᱮᱛᱟᱱ) ᱟᱨ ᱯᱟᱦᱟᱲᱜᱚᱸᱡᱽ (ᱞᱟᱛᱟᱨ) | |
| ᱢᱮᱱᱮᱞᱟ ᱠᱟᱛᱷᱟ | |
| ᱴᱷᱟᱶ | ᱱᱟᱶᱟ ᱫᱤᱞᱞᱤ, ᱫᱤᱞᱞᱤ ᱥᱤᱧᱚᱛ |
| ᱚᱛᱱᱚᱜ ᱴᱷᱟᱶ | 28°38′30″N 77°13′15″E / 28.6417°N 77.2207°E 77°13′15″E / 28.6417°N 77.2207°E |
| ᱩᱥᱩᱞ | 214.42 metres (703.5 ft) |
| ᱢᱟᱹᱞᱤᱠ ᱛᱟᱹᱨᱤ ᱨᱮ | ᱥᱤᱧᱚᱛᱤᱭᱟᱹ ᱨᱮᱞᱣᱮ |
| ᱪᱟᱪᱟᱣ | ᱠᱚᱧᱮ ᱨᱮᱞᱣᱮ |
| ᱞᱟᱭᱤᱱ (ᱠᱚ) |
|
| ᱯᱞᱮᱴᱯᱷᱚᱨᱢ | ᱑᱖ |
| ᱴᱨᱮᱠ | ᱑᱙ |
| ᱡᱚᱲᱟᱣ | ᱚᱴᱳ, ᱴᱮᱠᱥᱤ ᱟᱨ ᱵᱟᱥ ᱥᱴᱮᱸᱰ, ᱢᱮᱴᱨᱚ |
| ᱵᱮᱱᱟᱣ | |
| ᱜᱚᱲᱦᱚᱱ ᱨᱮᱭᱟᱜ ᱫᱷᱚᱨᱚᱱ | Standard (on-ground station) |
| ᱮᱴᱟᱜ ᱠᱟᱛᱷᱟ ᱠᱚ | |
| ᱦᱟᱞᱚᱛ | ᱠᱟᱹᱢᱤ |
| ᱥᱴᱮᱥᱚᱱ ᱠᱳᱰ | NDLS |
| ᱴᱚᱴᱷᱟ (ᱠᱚ) | ᱠᱚᱧᱮ ᱨᱮᱞᱣᱮ ᱴᱚᱴᱷᱟ |
| ᱦᱟᱹᱴᱤᱧ(ᱠᱚ) | ᱫᱤᱞᱞᱤ |
| ᱤᱞᱮᱠᱴᱨᱤᱯᱷᱤᱠᱮᱥᱚᱱ | ᱢᱮᱱᱟᱜᱼᱟ |
| ᱞᱟᱹᱠᱛᱤᱭᱟᱱ ᱠᱟᱛᱷᱟ | |
| ᱑᱙᱒᱖ | ᱮᱦᱚᱵ ᱟᱠᱟᱱᱟ |
| ᱑᱙᱕᱖ | ᱥᱚᱨᱠᱟᱨᱤ ᱩᱪᱷᱟᱹᱱ |
| ᱴᱷᱟᱶ | |
᱑᱙᱕᱐ ᱥᱮᱨᱢᱟ ᱫᱷᱟᱹᱨᱤᱡ, ᱢᱟᱨᱮ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱫᱤᱞᱞᱤ ᱨᱮᱱᱟᱜ ᱢᱩᱬᱩᱛ ᱥᱴᱮᱥᱚᱱ ᱛᱟᱦᱮᱸ ᱠᱟᱱᱟ ᱾ ᱑᱙᱕᱖ ᱥᱮᱨᱢᱟ ᱨᱮ ᱱᱟᱶᱟ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ ᱨᱮᱱᱟᱜ ᱢᱤᱫᱴᱟᱹᱝ ᱯᱞᱮᱴᱯᱷᱚᱨᱢ ᱨᱮᱱᱟᱜ ᱥᱚᱨᱠᱟᱨᱤ ᱞᱮᱠᱟᱛᱮ ᱩᱪᱷᱟᱹᱱ ᱦᱩᱭ ᱞᱮᱱᱟ ᱾ ᱯᱟᱦᱟᱲᱜᱚᱸᱡᱽ ᱨᱮᱱᱟᱜ ᱥᱴᱮᱥᱚᱱ ᱵᱷᱚᱵᱚᱱ ᱫᱚ ᱥᱤᱧᱚᱛ ᱨᱮ ᱯᱩᱭᱞᱩ ᱥᱴᱮᱥᱚᱱ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱡᱚᱛᱚ ᱛᱷᱚᱠ ᱨᱤᱱ ᱯᱟᱥᱮᱱᱡᱚᱨ ᱞᱟᱹᱜᱤᱫ ᱥᱚᱢᱟᱱ ᱥᱮᱱᱚᱜ ᱟᱨ ᱵᱟᱦᱟᱞ ᱥᱟᱶᱛᱮ ᱥᱚᱢᱟᱱ ᱥᱴᱮᱥᱚᱱ ᱵᱮᱵᱚᱥᱛᱟ ᱛᱟᱦᱮᱸ ᱠᱟᱱᱟ ᱾ ᱑᱙᱗᱐ ᱥᱮᱨᱢᱟ ᱨᱮᱱᱟᱜ ᱮᱛᱚᱦᱚᱵ ᱨᱮ ᱥᱴᱮᱥᱚᱱ ᱫᱚ ᱟᱡᱟᱜ ᱥᱟᱪᱩᱨᱮᱥᱚᱱ ᱥᱤᱢᱟᱹ ᱯᱩᱨᱟᱹᱣ ᱥᱟᱶᱛᱮ, ᱨᱮᱞ ᱴᱨᱟᱯᱷᱤᱠ ᱥᱟᱶᱛᱮ ᱥᱴᱮᱥᱚᱱ ᱨᱮ ᱵᱷᱤᱲ ᱠᱚᱢ ᱞᱟᱹᱜᱤᱫ ᱛᱮ ᱟᱭᱢᱟ ᱥᱮᱨᱢᱟ ᱠᱷᱚᱱ ᱟᱭᱢᱟ ᱠᱟᱹᱢᱤ ᱠᱚ ᱦᱩᱭᱩᱜ ᱠᱟᱱᱟ ᱾ ᱑᱙᱘᱐ ᱥᱮᱨᱢᱟ ᱫᱷᱟᱹᱨᱤᱡ ᱱᱚᱣᱟ ᱥᱴᱮᱥᱚᱱ ᱨᱮ ᱗ ᱜᱚᱴᱟᱝ ᱯᱞᱮᱴᱯᱷᱚᱨᱢ ᱛᱟᱦᱮᱸ ᱠᱟᱱᱟ, ᱑᱙᱙᱕ ᱥᱮᱨᱢᱟ ᱨᱮ ᱱᱚᱣᱟ ᱨᱮ ᱑᱐ ᱜᱚᱴᱟᱝ ᱯᱞᱮᱴᱯᱷᱚᱨᱢ ᱛᱟᱦᱮᱸ ᱠᱟᱱᱟ ᱟᱨ ᱒᱐᱑᱐ ᱥᱮᱨᱢᱟ ᱨᱮ ᱱᱚᱣᱟ ᱯᱞᱮᱴᱯᱷᱚᱨᱢ ᱫᱚ ᱑᱖ ᱜᱚᱴᱟᱝ ᱦᱩᱭ ᱮᱱᱟ ᱾ ᱱᱚᱶᱟ ᱫᱚᱦᱲᱟ ᱩᱛᱷᱱᱟᱹᱣ ᱚᱠᱛᱚ ᱨᱮ ᱟᱡᱽᱢᱮᱨᱤ ᱜᱮᱴ ᱫᱷᱟᱨᱮ ᱨᱮ ᱢᱮᱱᱟᱜ ᱱᱟᱣᱟ ᱥᱴᱮᱥᱚᱱ ᱵᱷᱚᱵᱚᱱ ᱨᱮᱱᱟᱜ ᱩᱛᱷᱱᱟᱹᱣ ᱦᱩᱭ ᱞᱮᱱᱟ ᱾ ᱫᱤᱞᱞᱤ ᱢᱮᱴᱨᱚ ᱡᱚᱲᱟᱣ ᱫᱚ ᱥᱮᱞᱮᱫ ᱟᱠᱟᱱᱟ ᱾
᱑᱖ ᱜᱚᱴᱟᱝ ᱯᱞᱮᱴᱯᱷᱚᱨᱢ ᱨᱮ ᱒᱓᱕ ᱜᱚᱴᱟᱝ ᱨᱮᱞ ᱥᱮᱵᱟ ᱮᱢᱚᱜᱼᱟ ᱡᱟᱦᱟᱸ ᱫᱚ ᱫᱤᱱᱟᱹᱢ ᱦᱤᱞᱚᱜ ᱱᱚᱣᱟ ᱥᱴᱮᱥᱚᱱ ᱠᱷᱚᱱ ᱮᱛᱚᱦᱚᱵ, ᱢᱩᱪᱟᱹᱫ ᱟᱨᱵᱟᱝ ᱪᱟᱞᱟᱜᱼᱟ ᱾ ᱵᱷᱮᱜᱟᱨ ᱵᱷᱮᱜᱟᱨ ᱯᱟᱲᱦᱟᱣ ᱟᱨ ᱥᱮᱨᱢᱟ ᱨᱮᱱᱟᱜ ᱚᱠᱛᱚ ᱞᱮᱠᱟᱛᱮ ᱫᱤᱱᱟᱹᱢ ᱦᱤᱞᱚᱜ ᱥᱮᱴᱮᱨ ᱟᱠᱟᱱ ᱦᱚᱲᱟᱜ ᱞᱮᱠᱷᱟ ᱟᱨ ᱥᱮᱴᱮᱨ ᱟᱠᱟᱱ ᱦᱚᱲᱟᱜ ᱦᱤᱡᱩᱜ ᱥᱮᱱᱚᱜ ᱨᱮᱱᱟᱜ ᱵᱟᱵᱚᱫᱽ ᱵᱷᱮᱜᱟᱨ ᱵᱷᱮᱜᱟᱨ ᱜᱮᱭᱟ ᱾ ᱫᱤᱱᱟᱹᱢ ᱜᱮ ᱒.᱑᱓ ᱞᱟᱠᱷ ᱜᱟᱱ ᱦᱚᱲ ᱠᱚ ᱦᱤᱡᱩᱜ ᱥᱮᱱᱚᱜ ᱠᱟᱱᱟ (ᱵᱷᱟᱴᱱᱚᱜᱚᱨ ᱟᱨ ᱨᱟᱢ ᱒᱐᱒᱒); ᱮᱴᱟᱜ ᱮᱥᱴᱤᱢᱮᱥᱚᱱ ᱞᱮᱠᱟᱛᱮ ᱫᱤᱱᱟᱹᱢ ᱜᱮ ᱕ ᱞᱟᱠᱷ ᱜᱟᱱ ᱦᱚᱲ ᱠᱚ ᱦᱤᱡᱩᱜᱼᱟ, ᱡᱟᱦᱟᱸ ᱫᱚ ᱯᱤᱠ ᱯᱷᱮᱥᱴᱤᱵᱟᱞ ᱥᱤᱡᱚᱱ ᱚᱠᱛᱚ ᱨᱮ ᱖ ᱞᱟᱠᱷ ᱜᱟᱱ ᱠᱚ ᱥᱮᱴᱮᱨ ᱫᱟᱲᱮᱭᱟᱜᱼᱟ ᱾ ᱑᱙᱙᱙ ᱥᱮᱨᱢᱟ ᱠᱷᱚᱱ ᱱᱚᱣᱟ ᱥᱴᱮᱥᱚᱱ ᱨᱮᱜᱮ ᱡᱮᱜᱮᱛ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱨᱩᱴ ᱨᱤᱞᱮ ᱤᱱᱴᱟᱨᱞᱚᱠᱤᱝ ᱥᱤᱥᱴᱚᱢ ᱨᱮᱱᱟᱜ ᱨᱮᱠᱳᱨᱰ ᱢᱮᱱᱟᱜᱼᱟ ᱾ ᱠᱟᱹᱢᱤᱥᱟᱲᱟ ᱨᱮᱱᱟᱜ ᱢᱩᱬᱩᱛ ᱞᱮᱠᱟᱛᱮ ᱥᱤᱧᱚᱛᱤᱭᱟᱹ ᱨᱮᱞᱣᱮ ᱥᱴᱮᱥᱚᱱ ᱨᱮᱱᱟᱜ ᱛᱷᱚᱠ ᱞᱮᱠᱟᱛᱮ ᱱᱚᱣᱟ ᱥᱴᱮᱥᱚᱱ ᱫᱚ A1 ᱨᱮᱝᱠ ᱮ ᱧᱟᱢ ᱟᱠᱟᱫᱼᱟ ᱟᱨ ᱱᱤᱛᱚᱜ ᱱᱚᱣᱟ ᱫᱚ NSG-1 (ᱵᱟᱝ-ᱥᱩᱯᱩᱨᱱᱚᱜᱚᱨᱤ ᱜᱨᱮᱰ -᱑) ᱥᱴᱮᱥᱚᱱ ᱠᱟᱱᱟ ᱾
ᱱᱟᱜᱟᱢ
᱑᱙᱑᱑ ᱥᱮᱨᱢᱟ ᱛᱟᱭᱚᱢ ᱱᱟᱶᱟ ᱥᱟᱦᱤ ᱨᱟᱡᱽᱜᱟᱲ ᱱᱟᱶᱟ ᱫᱤᱞᱞᱤ ᱵᱮᱱᱟᱣ ᱢᱟᱬᱟᱝ, ᱢᱟᱨᱮ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱥᱚᱦᱚᱨ ᱡᱟᱠᱟᱛ ᱞᱟᱹᱜᱤᱫ ᱠᱟᱹᱢᱤ ᱠᱟᱱ ᱛᱟᱦᱮᱱᱟ ᱟᱨ ᱟᱜᱽᱨᱟ-ᱫᱤᱞᱞᱤ ᱨᱮᱞᱣᱮ ᱞᱟᱭᱤᱱ ᱚᱱᱰᱮ ᱠᱷᱚᱱ ᱪᱟᱞᱟᱜ ᱠᱟᱱ ᱛᱟᱦᱮᱱᱟ ᱡᱟᱦᱟᱸ ᱫᱚ ᱛᱮᱦᱮᱧ ᱫᱚ ᱞᱩᱴᱤᱭᱟᱱᱥ ᱫᱤᱞᱞᱤ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱᱟ ᱾ ᱱᱚᱣᱟ ᱞᱟᱭᱤᱱ ᱫᱚ ᱢᱤᱫ ᱱᱟᱣᱟ ᱨᱟᱡᱽᱜᱟᱲ ᱨᱮᱱᱟᱜ ᱡᱚᱡᱚᱱᱟ ᱛᱮ ᱪᱟᱞᱟᱣ ᱞᱮᱱᱟ, ᱡᱟᱦᱟᱸ ᱨᱮ ᱵᱷᱟᱨᱚᱛ ᱡᱟᱠᱟᱛ ᱞᱟᱹᱲᱦᱟᱹᱭ ᱥᱚᱢᱨᱟᱴ ᱟᱨ ᱨᱟᱡᱽᱯᱟᱛᱷ ᱞᱟᱹᱜᱤᱫ ᱫᱚᱦᱚ ᱟᱠᱟᱱ ᱡᱟᱭᱜᱟ ᱦᱚᱸ ᱥᱮᱞᱮᱫ ᱛᱟᱦᱮᱸ ᱠᱟᱱᱟ ᱾
ᱨᱮᱞᱣᱮ ᱞᱟᱭᱤᱱ ᱫᱚ ᱡᱚᱢᱩᱱᱟ ᱜᱟᱰᱟ ᱫᱷᱟᱨᱮ ᱨᱮ ᱦᱮᱡ ᱮᱱᱟ ᱟᱨ ᱑᱙᱒᱔ ᱥᱮᱨᱢᱟ ᱨᱮ ᱱᱚᱣᱟ ᱫᱚ ᱮᱦᱚᱵ ᱞᱮᱱᱟ ᱾ ᱢᱤᱱᱴᱳ ᱨᱮᱞ ᱵᱨᱤᱡᱽ ᱫᱚ ᱱᱚᱣᱟ ᱚᱠᱛᱚ ᱨᱮᱜᱮ ᱦᱮᱡ ᱞᱮᱱᱟ ᱾ ᱤᱥᱴ ᱤᱱᱰᱤᱭᱟᱱ ᱨᱮᱞᱣᱮ ᱠᱚᱢᱯᱟᱱᱤ ᱫᱚ ᱑᱙᱒᱖ ᱥᱮᱨᱢᱟ ᱨᱮ ᱟᱡᱽᱢᱮᱨᱤ ᱜᱮᱴ ᱟᱨ ᱯᱟᱦᱟᱲᱜᱚᱸᱡᱽ ᱛᱟᱞᱟ ᱨᱮ ᱢᱤᱫᱴᱟᱹᱝ ᱥᱴᱚᱨᱤ ᱵᱤᱞᱰᱤᱝ ᱟᱨ ᱢᱤᱫᱴᱟᱹᱝ ᱯᱞᱮᱴᱯᱷᱚᱨᱢ ᱵᱮᱱᱟᱣ ᱞᱟᱹᱜᱤᱫ ᱥᱟᱨᱦᱟᱣ ᱮ ᱮᱢᱟᱫᱮ ᱛᱟᱦᱮᱸᱫ ᱾ ᱱᱚᱣᱟ ᱫᱚ ᱱᱟᱶᱟ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ ᱞᱮᱠᱟᱛᱮ ᱵᱮᱱᱟᱣ ᱮᱱᱟ ᱾ ᱠᱚᱱᱟᱴ ᱯᱞᱮᱥ ᱨᱮᱱᱟᱜ ᱥᱮᱱᱴᱨᱟᱞ ᱯᱟᱨᱠ ᱨᱮ ᱱᱟᱣᱟ ᱥᱴᱮᱥᱚᱱ ᱵᱮᱱᱟᱣ ᱨᱮᱱᱟᱜ ᱥᱚᱨᱠᱟᱨᱟᱜ ᱡᱚᱡᱚᱱᱟ ᱫᱚ ᱨᱟᱫᱽ ᱮᱱᱟ ᱾ ᱑᱙᱓᱑ ᱥᱮᱨᱢᱟ ᱨᱮ ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱩᱪᱷᱟᱹᱱ ᱚᱠᱛᱚ ᱨᱮ ᱣᱟᱭᱤᱥ ᱨᱳᱭ ᱫᱚ ᱱᱟᱶᱟ ᱨᱮᱞᱣᱮ ᱥᱴᱮᱥᱚᱱ ᱛᱮ ᱥᱚᱦᱚᱨ ᱨᱮᱭ ᱵᱚᱞᱚ ᱞᱮᱱᱟ ᱾ ᱛᱟᱭᱚᱢ ᱛᱮ ᱨᱮᱞᱣᱮ ᱥᱴᱮᱥᱚᱱ ᱨᱮ ᱱᱟᱣᱟ ᱥᱴᱨᱚᱠᱪᱚᱨ ᱠᱚ ᱥᱮᱞᱮᱫ ᱮᱱᱟ ᱟᱨ ᱢᱩᱬᱩᱛ ᱵᱤᱞᱰᱤᱝ ᱫᱚ ᱟᱭᱢᱟ ᱥᱮᱨᱢᱟ ᱯᱟᱨᱥᱟᱞ ᱚᱯᱷᱤᱥ ᱞᱮᱠᱟᱛᱮ ᱠᱟᱹᱢᱤ ᱞᱮᱫ ᱛᱟᱦᱮᱸᱫ ᱾
᱑᱙᱕᱕ ᱥᱮᱨᱢᱟ ᱫᱷᱟᱹᱨᱤᱡ ᱒᱐ ᱞᱟᱠᱷ ᱴᱟᱠᱟ (᱒᱒᱓ ᱥᱮᱨᱢᱟ ᱨᱮ ᱒᱒ ᱠᱳᱴᱤ ᱴᱟᱠᱟ ᱥᱮ ᱒.᱗ ᱢᱤᱞᱤᱭᱚᱱ ᱟᱢᱮᱨᱤᱠᱟ ᱰᱚᱞᱟᱨ) ᱛᱮ ᱢᱤᱫᱴᱟᱹᱝ ᱱᱟᱣᱟ ᱥᱴᱮᱥᱚᱱ ᱵᱷᱚᱵᱚᱱ ᱵᱮᱱᱟᱣ ᱞᱮᱱᱟ ᱛᱟᱦᱮᱸᱫ ᱾ ᱡᱚᱛᱚ ᱛᱷᱚᱠ ᱨᱤᱱ ᱯᱟᱥᱮᱱᱡᱚᱨ ᱠᱚ ᱞᱟᱹᱜᱤᱫ ᱢᱤᱫ ᱥᱚᱢᱟᱱ ᱵᱚᱞᱚᱱ, ᱵᱟᱦᱨᱮ ᱟᱨ ᱥᱮᱱᱚᱜ ᱴᱚᱴᱷᱟ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱫᱚ ᱥᱤᱧᱚᱛ ᱨᱮᱱᱟᱜ ᱯᱩᱭᱞᱩ ᱥᱴᱮᱥᱚᱱ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱥᱚᱢᱟᱱ ᱵᱮᱵᱚᱥᱛᱟ ᱛᱟᱦᱮᱸ ᱠᱟᱱᱟ ᱾ ᱑᱖ ᱮᱯᱨᱤᱞ ᱑᱙᱕᱖ ᱥᱟᱞ ᱨᱮ ᱢᱤᱫᱴᱟᱹᱝ ᱯᱞᱮᱴᱯᱷᱚᱨᱢ ᱥᱴᱮᱥᱚᱱ ᱥᱚᱨᱠᱟᱨᱤ ᱞᱮᱠᱟᱛᱮ ᱩᱪᱷᱟᱹᱱ ᱞᱮᱱᱟ ᱾ ᱩᱱ ᱚᱠᱛᱚ ᱫᱷᱟᱹᱨᱤᱡ ᱢᱟᱨᱮ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱢᱩᱬᱩᱛ ᱥᱴᱮᱥᱚᱱ ᱛᱟᱦᱮᱸ ᱠᱟᱱᱟ ᱾
ᱥᱮᱯᱴᱮᱢᱵᱚᱨ ᱒᱐᱐᱙ ᱨᱮ, ᱟᱡᱽᱢᱮᱨᱤ ᱜᱟᱰᱟ ᱫᱷᱟᱨᱮ ᱨᱮ ᱥᱴᱮᱥᱚᱱ ᱨᱮᱱᱟᱜ ᱱᱟᱣᱟ ᱵᱤᱞᱰᱤᱝ ᱠᱚᱨᱟᱣ ᱞᱮᱱᱟ ᱾ ᱵᱤᱞᱰᱤᱝ ᱨᱮᱱᱟᱜ ᱜᱩᱴ ᱚᱛ ᱦᱟᱥᱟ ᱫᱚ ᱙,᱐᱐᱐ ᱢᱤᱴᱟᱨ ᱜᱟᱺᱴ ᱠᱟᱱᱟ, ᱡᱟᱦᱟᱸ ᱫᱚ ᱯᱮ ᱛᱷᱚᱠ ᱨᱮ ᱦᱟᱹᱴᱤᱧ ᱟᱠᱟᱱᱟ ᱾
ᱨᱮᱞ ᱴᱨᱟᱯᱷᱤᱠ
ᱱᱚᱣᱟ ᱥᱴᱮᱥᱚᱱ ᱨᱟᱡᱽᱜᱟᱲ ᱮᱠᱥᱯᱨᱮᱥ ᱨᱮᱱᱟᱜ ᱢᱩᱬ ᱡᱚᱸᱠᱥᱚᱱ ᱠᱟᱱᱟ ᱟᱨ ᱟᱭᱢᱟ ᱡᱚᱸᱠᱥᱚᱱ ᱥᱚᱛᱟᱵᱫᱤ ᱮᱠᱥᱯᱨᱮᱥ ᱱᱚᱣᱟ ᱥᱴᱮᱥᱚᱱ ᱠᱷᱚᱱ ᱮᱛᱚᱦᱚᱵ ᱟᱨ ᱢᱩᱪᱟᱹᱫᱚᱜᱼᱟ ᱾ ᱑᱙᱖᱙ ᱥᱮᱨᱢᱟ ᱨᱮ ᱯᱩᱭᱞᱩ ᱨᱟᱡᱽᱫᱷᱟᱱᱤ ᱮᱠᱥᱯᱨᱮᱥ ᱥᱴᱮᱥᱚᱱ ᱠᱷᱚᱱ ᱦᱟᱣᱲᱟ ᱞᱟᱹᱜᱤᱫ ᱛᱮ ᱪᱟᱞᱟᱣ ᱞᱮᱱᱟ ᱾
ᱫᱤᱱᱟᱹᱢ ᱦᱤᱞᱚᱜ ᱫᱟᱬᱟᱱᱤᱭᱟᱹ ᱟᱨ ᱯᱟᱥᱮᱱᱡᱚᱨ
᱒᱐᱑᱑ ᱥᱮᱨᱢᱟ ᱨᱮ ᱥᱴᱮᱥᱚᱱ ᱨᱮ ᱫᱤᱱᱟᱹᱢ ᱜᱮ ᱒᱖᱘,᱐᱐᱐ ᱜᱟᱱ ᱦᱚᱲ ᱠᱚ ᱥᱮᱱᱚᱜ ᱠᱟᱱ ᱛᱟᱦᱮᱸᱫ ᱾ ᱒᱐᱑᱖ ᱟᱨ ᱒᱐᱑᱘ ᱛᱟᱞᱟ ᱨᱮ ᱨᱳᱦᱤᱛ ᱟᱱᱚᱱᱫᱽ ᱟᱜ ᱯᱟᱲᱦᱟᱣ ᱨᱮ ᱵᱟᱰᱟᱭ ᱟᱠᱟᱱᱟ ᱡᱮ ᱫᱤᱱᱟᱹᱢ ᱦᱤᱞᱚᱜ ᱔᱘᱒,᱐᱐᱐ ᱦᱚᱲ ᱠᱚ ᱦᱤᱡᱩᱜ ᱠᱟᱱᱟ ᱾ ᱒᱐᱒᱒ ᱥᱮᱨᱢᱟ ᱨᱮ, ᱨᱟᱦᱩᱞ ᱵᱷᱟᱴᱱᱚᱜᱚᱨ ᱟᱜ ᱯᱟᱲᱦᱟᱣ ᱨᱮ ᱫᱤᱱᱟᱹᱢ ᱦᱤᱞᱚᱜ ᱮᱵᱷᱚᱨᱮᱡᱽ ᱯᱟᱥᱮᱱᱡᱟᱨ (ᱤᱱᱯᱷᱞᱚᱣ ᱟᱨ ᱚᱣᱴᱯᱷᱞᱚᱣ) ᱫᱚ ᱒᱑᱓,᱐᱐᱐ ᱛᱟᱦᱮᱸ ᱠᱟᱱᱟ ᱾ ᱯᱟᱲᱦᱟᱣ ᱨᱮ ᱔,᱑᱕,᱑᱕᱗ ᱮᱵᱷᱚᱨᱮᱡᱽ ᱯᱟᱥᱮᱱᱡᱟᱨ ᱭᱩᱱᱤᱴ (EPU) ᱨᱮᱱᱟᱜ ᱞᱮᱠᱷᱟ ᱧᱟᱢ ᱟᱠᱟᱱᱟ ᱾ ᱯᱟᱨᱟᱵᱽ ᱚᱠᱛᱚ ᱨᱮ, ᱫᱤᱱᱟᱹᱢ ᱦᱤᱞᱚᱜ ᱦᱤᱡᱩᱜ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱖ ᱞᱟᱠᱷ ᱜᱟᱱ ᱠᱚ ᱥᱮᱴᱮᱨ ᱫᱟᱲᱮᱭᱟᱜᱼᱟ ᱾ ᱮᱴᱟᱜ ᱠᱚᱣᱟᱜ ᱞᱮᱠᱷᱟ ᱞᱮᱠᱟᱛᱮ ᱫᱤᱱᱟᱹᱢ ᱦᱤᱞᱚᱜ ᱕ ᱞᱟᱠᱷ ᱜᱟᱱ ᱦᱚᱲ ᱠᱚ ᱦᱤᱡᱩᱜ ᱠᱟᱱᱟ ᱾ ᱒᱐᱑᱑ ᱥᱮᱨᱢᱟ ᱨᱮ ᱫᱤᱱᱟᱹᱢ ᱦᱤᱞᱚᱜ ᱟᱭ ᱫᱚ ᱗᱕ ᱞᱟᱠᱷ ᱴᱟᱠᱟ (US$᱙᱔,᱐᱐᱐) ᱛᱟᱦᱮᱸ ᱠᱟᱱᱟ ᱾
᱒᱐᱐᱙ ᱥᱮᱨᱢᱟ ᱨᱮ ᱢᱤᱫᱴᱟᱹᱝ ᱥᱮᱪᱮᱫ ᱞᱮᱠᱟᱛᱮ, ᱨᱟᱡᱽᱜᱟᱲ ᱴᱚᱴᱷᱟ ᱨᱮ, ᱢᱩᱬᱩᱛ ᱥᱴᱮᱥᱚᱱ ᱨᱮ ᱫᱤᱱᱟᱹᱢ ᱜᱮ ᱗.᱒ ᱞᱟᱠᱷ ᱜᱟᱱ ᱦᱚᱲ ᱠᱚ ᱥᱮᱱᱚᱜᱼᱟ ᱾
ᱡᱚᱲᱟᱣ
.jpg)
ᱱᱟᱶᱟ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ ᱫᱚ ᱱᱟᱶᱟ ᱫᱤᱞᱞᱤ ᱥᱴᱮᱥᱚᱱ ᱟᱨ ᱮᱭᱟᱨᱯᱳᱴ ᱮᱠᱥᱯᱨᱮᱥ (ᱚᱨᱮᱱᱡᱽ ᱞᱟᱭᱤᱱ) ᱤᱫᱤ ᱛᱮ ᱫᱤᱞᱞᱤ ᱢᱮᱴᱨᱚ ᱨᱮᱱᱟᱜ ᱭᱮᱞᱳ ᱞᱟᱭᱤᱱ ᱨᱮ ᱥᱮᱵᱟ ᱟᱠᱟᱱᱟ, ᱡᱟᱦᱟᱸ ᱫᱚ ᱱᱚᱣᱟ ᱫᱚ ᱤᱱᱫᱤᱨᱟ ᱜᱟᱱᱫᱷᱤ ᱡᱮᱡᱟᱹᱛᱤᱭᱟᱹᱨᱤ ᱩᱰᱟᱹᱱ ᱰᱟᱹᱦᱤ ᱟᱨ ᱞᱤᱞ ᱞᱟᱭᱤᱱ ᱠᱷᱚᱱ ᱡᱚᱲᱟᱣ ᱠᱟᱱᱟ ᱾ ᱒᱔᱒ ᱢᱤᱴᱚᱨ (᱗᱙᱔ ᱯᱷᱩᱴ) ᱨᱮᱱᱟᱜ ᱥᱠᱟᱭᱣᱟᱠ ᱥᱴᱮᱥᱚᱱ ᱨᱮᱱᱟᱜ ᱟᱡᱽᱢᱮᱨᱤ ᱜᱮᱴ ᱨᱮᱱᱟᱜ ᱯᱷᱩᱴ ᱳᱵᱷᱟᱨ ᱵᱨᱤᱡᱽ ᱨᱮ ᱢᱮᱴᱨᱚ ᱟᱨ ᱵᱷᱚᱵᱽᱵᱷᱩᱴᱤ ᱰᱟᱦᱟᱨ ᱨᱮ ᱯᱟᱨᱠᱤᱝ ᱠᱚᱢᱯᱞᱮᱠᱥ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ ᱯᱟᱦᱟᱲᱜᱚᱸᱡᱽ ᱥᱮᱫ ᱠᱷᱚᱱ ᱵᱷᱚᱵᱽᱵᱷᱩᱴᱤ ᱢᱟᱨᱜᱽ ᱯᱟᱨᱠᱤᱝ ᱴᱚᱴᱷᱟ ᱫᱷᱟᱹᱨᱤᱡ ᱯᱷᱩᱴ ᱚᱵᱷᱟᱨ ᱵᱨᱤᱰᱡᱽ ᱨᱮᱱᱟᱜ ᱜᱩᱴ ᱡᱤᱞᱤᱧ ᱫᱚ ᱔᱔᱒ ᱢᱤᱴᱚᱨ (᱑,᱔᱕᱐ ᱯᱷᱩᱴ) ᱢᱮᱱᱟᱜᱼᱟ ᱾
ᱥᱟᱹᱠᱷᱭᱟᱹᱛ
- Works cited
- Gupta, Yash Sahai (2021). Preserving modern architecture & new railway infrastructure in New Delhi (Master of Architecture thesis). Rhode Island School of Design.
- Khosla, GS (1988). A History of the Indian Railways. New Delhi: Ministry of Railways (Railways Board) and Y. P. Chopra of A H Wheeler & Co. – via Internet Archive.
ᱵᱟᱦᱨᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱱᱟᱶᱟ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
| ᱣᱤᱠᱤᱥᱟᱸᱜᱷᱟᱨ ᱨᱮ ᱱᱟᱶᱟ ᱫᱤᱞᱞᱤ ᱵᱟᱵᱚᱛ ᱥᱟᱸᱜᱷᱟᱨ ᱫᱤᱥᱼᱦᱩᱫᱤᱥ ᱢᱮᱱᱟᱜᱼᱟ ᱾ |
- ᱥᱤᱧᱚᱛᱤᱭᱟᱹ ᱨᱮᱞ ᱤᱱᱯᱷᱳ ᱨᱮ ᱱᱟᱶᱟ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ
This article uses material from the Wikipedia ᱥᱟᱱᱛᱟᱲᱤ article ᱱᱟᱶᱟ ᱫᱤᱞᱞᱤ ᱨᱮᱞᱣᱮ ᱥᱴᱮᱥᱚᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.