ᱱᱟᱢᱚᱠᱠᱚᱞ ᱦᱚᱱᱚᱛ: ᱛᱟᱢᱤᱞᱱᱟᱰᱩ ᱨᱮᱱᱟᱜ ᱦᱚᱱᱚᱛ, ᱥᱤᱧᱚᱛ
ᱱᱟᱢᱚᱠᱠᱚᱞ ᱦᱚᱱᱚᱛ ᱫᱚ ᱥᱤᱧᱚᱛ ᱨᱮᱱᱟᱜ ᱛᱟᱢᱤᱞᱱᱟᱰᱩ ᱯᱚᱱᱚᱛ ᱨᱮᱱᱟᱜ ᱓᱘ ᱦᱚᱱᱚᱛ (ᱢᱤᱫ ᱥᱟᱥᱚᱱ ᱪᱟᱪᱞᱟᱣ ᱦᱚᱱᱚᱛ) ᱠᱷᱚᱱ ᱫᱚ ᱢᱤᱫᱴᱟᱹᱝ ᱠᱟᱱᱟ ᱾ ᱦᱚᱱᱚᱛ ᱫᱚ ᱒᱕ ᱡᱩᱞᱟᱭ ᱑᱙᱙᱖ ᱥᱟᱞ ᱨᱮ ᱦᱮᱰᱠᱩᱣᱟᱴᱚᱨ ᱞᱮᱠᱟᱛᱮ ᱱᱟᱢᱚᱠᱠᱚᱞ ᱥᱚᱦᱚᱨ ᱥᱟᱶ ᱥᱟᱞᱮᱢ ᱦᱚᱱᱚᱛ ᱠᱷᱚᱱ ᱦᱟᱴᱤᱧ ᱞᱮᱱ ᱛᱟᱦᱮᱸᱫ ᱟᱨ ᱑ ᱡᱟᱱᱩᱣᱟᱨᱤ ᱑᱙᱙᱗ ᱥᱟᱞ ᱠᱷᱚᱱ ᱯᱷᱩᱨᱜᱟᱹᱞ ᱞᱮᱠᱟᱛᱮ ᱠᱟᱹᱢᱤ ᱞᱟᱹᱜᱤᱫ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱦᱚᱱᱚᱛ ᱨᱮ ᱮᱭᱟᱭ ᱛᱟᱞᱩᱠ (ᱥᱟᱵᱽᱰᱤᱵᱤᱡᱚᱱ) ᱢᱮᱱᱟᱜᱼᱟ : ᱛᱤᱨᱩᱪᱮᱝᱜᱚᱰᱮ, ᱱᱟᱢᱚᱠᱠᱚᱞ, ᱨᱟᱥᱤᱯᱩᱨᱚᱢ, ᱯᱚᱨᱚᱢᱚᱛᱷᱤᱼᱵᱷᱮᱞᱩᱨ, ᱥᱮᱸᱫᱟᱢᱚᱝᱜᱚᱞᱚᱢ, ᱠᱩᱢᱟᱨᱯᱚᱞᱚᱭᱚᱢ, ᱠᱚᱞᱞᱤ ᱦᱤᱞᱥ ᱟᱨ ᱢᱚᱦᱱᱩᱨ ᱾ ᱱᱚᱶᱟ ᱵᱟᱨᱭᱟ ᱨᱟᱡᱽᱥᱣᱟ ᱠᱷᱚᱸᱰ ᱢᱮᱱᱟᱜᱼᱟ : ᱛᱤᱨᱩᱪᱮᱝᱜᱚᱰᱮ ᱟᱨ ᱱᱟᱢᱚᱠᱠᱚᱞ ᱾ ᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱱᱟᱢᱚᱠᱠᱚᱞ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱑,᱗᱒᱖,᱖᱐᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱠᱟᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱘᱖ ᱛᱤᱨᱞᱟᱹ ᱟᱜ ᱡᱟᱱᱟᱝ ᱡᱟᱹᱱᱤ ᱛᱟᱦᱮᱸ ᱠᱟᱱᱟ ᱟᱨ ᱦᱚᱲ ᱮᱞ ᱞᱮᱠᱟᱛᱮ ᱛᱤᱨᱩᱪᱮᱝᱜᱚᱰᱮ ᱟᱹᱰᱤ ᱢᱟᱨᱟᱝ ᱥᱚᱦᱚᱨ ᱠᱟᱱᱟ ᱾ ᱱᱟᱢᱚᱠᱠᱚᱞ ᱦᱚᱱᱚᱛ ᱫᱚ ᱚᱛᱱᱚᱜ ᱞᱮᱠᱟᱛᱮ ᱠᱚᱝᱜᱩ ᱱᱟᱰᱩ ᱴᱚᱴᱷᱟ ᱠᱷᱚᱱ ᱥᱟᱹᱜᱟᱹᱭ ᱢᱮᱱᱟᱜᱼᱟ ᱾ ᱦᱚᱱᱚᱛ ᱟᱡᱟᱜ ᱢᱟᱨᱟᱝ ᱯᱚᱞᱴᱨᱤ ᱠᱟᱹᱨᱜᱟᱲ, ᱵᱤᱞᱤ ᱥᱤᱨᱡᱚᱱ ᱟᱨ ᱞᱳᱨᱤ ᱵᱳᱰᱤᱼᱵᱤᱞᱰᱤᱝ ᱠᱟᱹᱨᱜᱟᱲ ᱞᱟᱹᱜᱤᱫ ᱛᱮ ᱯᱷᱮᱢᱚᱥ ᱟᱠᱟᱱᱟ, ᱚᱠᱚᱭ ᱞᱟᱹᱜᱤᱫ ᱱᱚᱶᱟ ᱥᱟᱨᱟ ᱞᱮᱛᱟᱨ ᱵᱤᱞᱤ ᱥᱚᱦᱚᱨ ᱟᱨ ᱮᱛᱚᱢ ᱥᱤᱧᱚᱛ ᱨᱮᱱᱟᱜ ᱥᱟᱜᱟᱲᱚᱢ ᱛᱟᱞᱢᱟ ᱠᱚ ᱢᱮᱛᱟᱜᱼᱟ ᱾
| ᱱᱟᱢᱚᱠᱠᱚᱞ ᱦᱚᱱᱚᱛ | |
|---|---|
| ᱛᱟᱢᱤᱞᱱᱟᱰᱩ ᱨᱮᱱᱟᱜ ᱦᱚᱱᱚᱛ | |
 | |
.svg) ᱥᱤᱧᱚᱛ ᱨᱮ ᱛᱟᱢᱤᱞᱱᱟᱰᱩ ᱨᱮᱱᱟᱜ ᱴᱷᱟᱶ | |
| Coordinates: 11°13′8.4″N 78°10′1.2″E / 11.219000°N 78.167000°E 78°10′1.2″E / 11.219000°N 78.167000°E | |
| ᱫᱤᱥᱚᱢ |  ᱥᱤᱧᱚᱛ |
| ᱯᱚᱱᱚᱛ |  ᱛᱟᱢᱤᱞᱱᱟᱰᱩ |
| ᱴᱚᱴᱷᱟ | ᱠᱚᱝᱜᱩ ᱱᱟᱰᱩ |
| ᱦᱮᱰᱠᱩᱣᱟᱴᱚᱨ | ᱱᱟᱢᱚᱠᱠᱚᱞ |
| ᱛᱟᱞᱩᱠᱟ | ᱱᱟᱢᱚᱠᱠᱚᱞ, ᱯᱚᱨᱚᱢᱚᱛᱷᱤ ᱵᱷᱮᱞᱩᱨ, ᱨᱟᱥᱤᱯᱩᱨᱚᱢ, ᱛᱤᱨᱩᱪᱮᱝᱜᱚᱰ, ᱢᱚᱦᱱᱩᱨ, ᱠᱚᱞᱞᱤ ᱦᱤᱞ, ᱥᱮᱸᱫᱟᱢᱚᱝᱜᱚᱞᱚᱢ, ᱠᱩᱢᱟᱨᱯᱟᱞᱚᱭᱚᱢ |
| ᱥᱚᱨᱠᱟᱨ | |
| • ᱦᱚᱱᱚᱛ ᱠᱚᱞᱮᱠᱴᱚᱨ | ᱥᱨᱮᱭᱟ ᱯᱤ. ᱥᱤᱝ, IAS |
| • ᱥᱩᱯᱚᱨᱤᱱᱴᱮᱱᱰᱮᱸᱴ ᱚᱯᱷ ᱯᱩᱞᱤᱥ | ᱥᱟᱨᱚᱡᱽ ᱠᱩᱢᱟᱨ ᱴᱷᱟᱹᱠᱩᱨ, IPS |
| ᱮᱨᱤᱭᱟ | |
| • ᱞᱮᱠᱷᱟᱜᱩᱴ | 3368.21 ᱠᱤᱢᱤ২ (1300.47 ᱜᱟᱺᱴ ᱢᱟᱭᱤᱞ) |
| ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
| • ᱞᱮᱠᱷᱟᱜᱩᱴ | ᱑,᱗᱒᱖,᱖᱐᱑ |
| • ᱰᱮᱱᱥᱤᱴᱤ | 510/ᱠᱤᱢᱤ2 (1300/ᱜᱟᱺᱴ ᱢᱟᱹᱭᱤᱞ) |
| ᱯᱟᱹᱨᱥᱤ | |
| • ᱟᱹᱢᱟᱹᱞᱮᱛ | ᱛᱟᱢᱤᱞ |
| IST (ᱭᱩᱴᱤᱥᱤ+᱐᱕:᱓᱐) | |
| ᱯᱤᱱ ᱠᱳᱰ | ᱖᱓᱗xxx |
| ᱴᱮᱞᱤᱯᱷᱚᱱ ᱠᱳᱰ | ᱐᱔᱒᱘᱖ |
| ᱟᱭ.ᱮᱥ.ᱳ ᱓᱑᱖᱖ ᱠᱳᱰ | ISO 3166-2:IN |
| ᱜᱟᱹᱰᱤ ᱨᱤᱡᱤᱥᱴᱨᱤ | TN-28, TN-88, TN-34 |
| ᱥᱩᱨ ᱨᱮᱱᱟᱜ ᱦᱚᱱᱚᱛ ᱠᱚ | ᱥᱟᱞᱮᱢ, ᱛᱨᱤᱪᱤ, ᱤᱨᱚᱰ, ᱠᱚᱨᱩᱨ |
| ᱛᱟᱞᱢᱟ ᱴᱷᱟᱶ: | 11°13′N 78°10′E / 11.217°N 78.167°E |
| ᱣᱮᱵᱽᱥᱟᱭᱤᱴ | namakkal |
ᱱᱟᱜᱟᱢ
ᱚᱛᱱᱚᱜ
ᱱᱟᱢᱚᱠᱠᱚᱞ ᱦᱚᱱᱚᱛ ᱨᱮᱱᱟᱜ ᱚᱥᱟᱨ ᱵᱤᱥᱟᱹᱨ ᱫᱚ ᱓,᱓᱖᱘.᱒᱑ ᱜᱟᱺᱴ ᱠᱤᱞᱚᱢᱤᱴᱚᱨ ᱢᱮᱱᱟᱜᱼᱟ ᱾ ᱦᱚᱱᱚᱛ ᱠᱚᱧᱮ ᱨᱮ ᱥᱟᱞᱮᱢ ᱦᱚᱱᱚᱛ ᱛᱮ ᱜᱷᱮᱨᱟᱣ ᱟᱠᱟᱱᱟ; ᱥᱟᱢᱟᱝ ᱨᱮ ᱛᱤᱨᱩᱪᱤᱨᱟᱯᱚᱞᱞᱤ ᱦᱚᱱᱚᱛ, ᱮᱛᱚᱢ ᱨᱮ ᱠᱚᱨᱩᱨ ᱦᱚᱱᱚᱛ ᱦᱚᱛᱮᱛᱮ ᱟᱨ ᱯᱟᱪᱮ ᱨᱮ ᱤᱨᱚᱰ ᱦᱚᱱᱚᱛ ᱦᱚᱛᱮᱛᱮ ᱾
ᱦᱚᱲ ᱮᱞᱮᱞ
| ᱦᱚᱲ ᱮᱞᱥᱚᱝ ᱱᱟᱜᱟᱢ | ||
|---|---|---|
| ᱥᱮᱨᱢᱟ | ᱦᱚᱲ. | ±% ᱥᱮ.ᱯᱤ. |
| 1901 | ᱔᱗᱐,᱖᱒᱘ | — |
| 1911 | ᱔᱘᱗,᱑᱔᱔ | +0.35% |
| 1921 | ᱕᱒᱕,᱗᱗᱐ | +0.77% |
| 1931 | ᱕᱙᱑,᱘᱖᱔ | +1.19% |
| 1941 | ᱗᱐᱕,᱑᱑᱐ | +1.77% |
| 1951 | ᱘᱔᱘,᱕᱐᱗ | +1.87% |
| 1961 | ᱘᱖᱖,᱕᱓᱐ | +0.21% |
| 1971 | ᱙᱙᱖,᱔᱒᱙ | +1.41% |
| 1981 | ᱑,᱑᱗᱒,᱗᱓᱖ | +1.64% |
| 1991 | ᱑,᱓᱒᱒,᱗᱑᱕ | +1.21% |
| 2001 | ᱑,᱔᱙᱓,᱔᱖᱒ | +1.22% |
| 2011 | ᱑,᱗᱒᱖,᱖᱐᱑ | +1.46% |
| source: | ||
᱒᱐᱑᱑ ᱥᱟᱞ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱱᱟᱢᱚᱠᱠᱚᱞ ᱦᱚᱱᱚᱛ ᱨᱤᱱ ᱦᱚᱲ ᱮᱞ ᱫᱚ ᱑,᱗᱒᱖,᱖᱐᱑ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ, ᱚᱸᱰᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱘᱖ ᱛᱤᱨᱞᱟᱹ ᱟᱜ ᱡᱟᱱᱟᱝ ᱡᱟᱹᱱᱤ ᱛᱟᱦᱮᱸ ᱠᱟᱱᱟ ᱾ ᱜᱩᱴ ᱑᱕᱐,᱖᱙᱙ ᱛᱩᱨᱩᱭ ᱥᱟᱞ ᱠᱷᱚᱱ ᱠᱚᱢ ᱩᱢᱚᱨ ᱠᱚᱠᱚ ᱛᱟᱦᱮᱸ ᱠᱟᱱᱟ, ᱚᱠᱟᱨᱮ ᱗᱘,᱗᱕᱔ ᱠᱚᱲᱟ ᱟᱨ ᱗᱑,᱙᱔᱕ ᱛᱤᱨᱞᱟᱹ ᱠᱚ ᱛᱟᱦᱮᱸ ᱠᱟᱱᱟ ᱾ ᱜᱮᱨ ᱟᱹᱫᱤᱵᱟᱹᱥᱤ ᱟᱜ ᱦᱚᱲ ᱮᱞ ᱫᱚ ᱒᱐.᱗% ᱟᱨ ᱟᱹᱫᱤᱵᱟᱹᱥᱤ ᱟᱜ ᱦᱚᱲ ᱮᱞ ᱓.᱓% ᱢᱮᱱᱟᱜᱼᱟ ᱾ ᱡᱟᱹᱛᱤᱭᱟᱹᱨᱤ ᱥᱮᱪᱮᱫ ᱗᱒.᱙᱙% ᱨᱮᱱᱟ ᱵᱟᱨᱟᱵᱟᱹᱨᱤ ᱠᱷᱟᱱᱮᱢ ᱦᱚᱱᱚᱛ ᱨᱮᱢᱟᱜ ᱥᱮᱪᱮᱫ ᱖᱘.᱑᱒% ᱛᱟᱦᱮᱸ ᱠᱟᱱᱟ ᱾ ᱦᱚᱱᱚᱛ ᱨᱮ ᱜᱩᱴ ᱔᱗᱕,᱕᱑᱑ ᱚᱲᱟᱜ ᱛᱟᱦᱮᱸ ᱠᱟᱱᱟ ᱾
ᱥᱟᱜᱟᱲᱚᱢ
ᱱᱚᱢᱚᱠᱠᱚᱞ ᱨᱮ ᱥᱟᱜᱟᱲᱚᱢ ᱠᱟᱹᱢᱤ ᱨᱮᱱᱟᱜ ᱢᱩᱬ ᱴᱚᱴᱷᱟ ᱠᱟᱱᱟ ᱾ ᱱᱚᱢᱚᱠᱠᱚᱞ ᱠᱷᱚᱱ ᱢᱟᱨᱟᱝ ᱮᱞ ᱨᱮ ᱛᱷᱚᱠ ᱜᱟᱹᱰᱤ ᱟᱨ ᱞᱳᱨᱤ ᱯᱩᱨᱟᱹ ᱥᱤᱧᱚᱛ ᱨᱮ ᱪᱟᱞᱟᱜ ᱠᱟᱱᱟ ᱾ ᱱᱚᱢᱚᱠᱠᱚᱞ ᱨᱮ ᱟᱹᱰᱤ ᱴᱨᱟᱠ ᱵᱚᱰᱤ ᱵᱚᱞᱰ ᱣᱚᱨᱠᱥᱚᱯ ᱢᱮᱱᱟᱜᱼᱟ ᱾ ᱱᱚᱶᱟ ᱥᱚᱦᱚᱨ ᱕᱐᱐᱐ ᱠᱷᱚᱱ ᱰᱮᱦᱮᱨ ᱴᱨᱟᱠ ᱣᱚᱨᱠᱥᱚᱯ ᱢᱮᱱᱟᱜᱼᱟ ᱾ ᱱᱚᱶᱟ ᱠᱚᱧᱮ (ᱥᱟᱞᱮᱢ, ᱵᱤᱞᱞᱩᱯᱩᱨᱢ, ᱫᱷᱚᱨᱢᱚᱯᱩᱨᱤ, ᱠᱨᱤᱥᱱᱟᱜᱤᱨᱤ ᱟᱨ ᱵᱟᱸᱜᱽᱞᱳᱨ), ᱥᱟᱢᱟᱝ (ᱛᱤᱨᱩᱪᱤᱨᱟᱯᱚᱞᱞᱤ, ᱛᱚᱝᱦᱡᱟᱣᱩᱨ, ᱛᱷᱤᱨᱩᱵᱚᱨᱩᱨ ᱟᱨ ᱱᱚᱜᱽᱯᱚᱴᱴᱤᱱᱚᱢ), ᱮᱛᱚᱢ (ᱠᱚᱨᱩᱨ, ᱰᱤᱝᱰᱩᱜᱚᱞ, ᱢᱟᱫᱩᱨᱟᱹᱭ, ᱛᱤᱭᱩᱱᱚᱞᱵᱮᱞᱤ ᱟᱨ ᱠᱟᱱᱭᱟᱠᱩᱢᱟᱨᱤ) ᱞᱟᱹᱜᱤᱫ ᱛᱮ ᱵᱟᱥ ᱰᱟᱦᱟᱨ ᱞᱮᱠᱟᱛᱮ ᱮᱴᱟᱜ ᱦᱚᱱᱚᱛ ᱡᱚᱲᱟᱣ ᱨᱮᱱᱟᱜ ᱢᱩᱬ ᱛᱟᱞᱢᱟ ᱠᱟᱱᱟ ᱾) ᱟᱨ ᱯᱟᱪᱮ (ᱤᱨᱚᱰ, ᱠᱚᱭᱟᱢᱵᱟᱴᱩᱨ, ᱛᱩᱨᱩᱯᱩᱨ ᱟᱨ ᱱᱤᱞᱜᱤᱨᱤ) ᱾
ᱥᱟᱹᱠᱷᱭᱟᱹᱛ
ᱵᱟᱦᱨᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱱᱟᱢᱚᱠᱠᱚᱞ ᱦᱚᱱᱚᱛ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- Namakkal District website
- Namakkal District Water Supply Status (Tamilnadu Water Supply and Drainage Board)
ᱪᱷᱟᱸᱪ:ᱱᱟᱢᱚᱠᱠᱚᱞ ᱦᱚᱱᱚᱛ
This article uses material from the Wikipedia ᱥᱟᱱᱛᱟᱲᱤ article ᱱᱟᱢᱚᱠᱠᱚᱞ ᱦᱚᱱᱚᱛ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.