ᱩᱱᱤ ᱟᱜ ᱚᱞᱚᱜ ᱡᱤᱭᱚᱱ ᱫᱚ ᱢᱟᱫᱷᱚᱢᱤᱠ ᱦᱟᱵᱤᱡ ᱜᱮ ᱡᱟᱦᱟᱸ ᱞᱮᱱ ᱪᱮᱫᱟᱜ ᱥᱮ ᱩᱱᱚᱠᱛᱚ ᱥᱟᱱᱛᱟᱲ ᱡᱟᱹᱛᱤᱟᱜ ᱯᱟᱹᱨᱥᱤ ᱨᱮᱭᱟᱜ ᱢᱩᱦᱤᱢ ᱫᱚᱥᱟ ᱧᱮᱞ ᱠᱟᱛᱮ ᱜᱤᱫᱽᱨᱟᱹ ᱠᱷᱚᱱ ᱜᱮ ᱪᱮᱫᱟᱜ ᱪᱚ ᱢᱚᱱᱮ ᱫᱚ ᱠᱟᱦᱤᱞ ᱵᱟᱠᱩᱞ ᱮᱱ ᱛᱟᱭᱟ ᱾ ᱡᱟᱹᱛᱤ ᱞᱟᱹᱜᱤᱫ ᱡᱤᱣᱤ ᱫᱚ ᱫᱚᱬᱮ ᱞᱮᱫᱟ ᱾ ᱚᱱᱟ ᱛᱮ ᱜᱩᱨᱩ ᱜᱚᱢᱠᱮᱭᱟᱜ ᱥᱤᱨᱡᱚᱱ ᱚᱞ ᱪᱤᱠᱤ ᱟᱫᱚᱲ ᱨᱮ ᱥᱮᱞᱮᱫ ᱞᱮᱱᱟ ᱾ ᱜᱩᱨᱩ ᱜᱚᱢᱠᱮᱭᱟᱜ ᱫᱤᱥᱟᱹᱛᱮ ᱡᱮᱞᱮᱠᱟᱭ ᱟᱹᱫᱟ ᱥᱟᱹᱛ ᱞᱮᱱ ᱚᱱᱠᱟᱱ ᱥᱟᱶᱦᱮᱫ ᱪᱟᱨᱪᱟᱣ ᱦᱚ ᱥᱤᱨᱡᱟᱹᱣ ᱤᱫᱤ ᱞᱮᱱ ᱛᱟᱭᱟ ᱾ ᱚᱞ ᱛᱟᱞᱟ ᱛᱮ ᱜᱮ ᱫᱤᱥᱚᱢ ᱦᱚᱲ ᱴᱷᱮᱱ ᱥᱩᱯᱩᱨ ᱜᱟᱱᱚᱜ ᱟ ᱾ ᱚᱱᱟ ᱫᱤᱥᱟᱹ ᱠᱟᱛᱮ ᱜᱮ ᱱᱩᱵᱤᱱ ᱵᱟᱵᱩ ᱫᱚ ᱚᱱᱚᱞᱤᱭᱟᱹ ᱞᱮᱠᱟᱛᱮ ᱩᱯᱩᱨᱩᱢ ᱞᱮᱱᱯᱩᱪᱷᱤᱢ ᱵᱟᱝᱞᱟ ᱥᱮᱢᱞᱮᱫ ᱨᱮᱱ ᱢᱤᱫ ᱧᱩᱢ ᱧᱩᱢᱟᱜ ᱞᱮᱠᱟᱱ ᱥᱚᱦᱚᱫ ᱮ ᱛᱟᱦᱮᱱ ᱠᱟᱱᱟ᱾ ᱜᱮᱢᱤᱫ ᱥᱮᱨᱢᱟ ᱯᱩᱨᱟᱹᱣ ᱢᱤᱫᱩᱱ ᱨᱮ ᱜᱩᱨᱩ ᱜᱚᱢᱠᱮ ᱞᱟᱹᱭ ᱞᱮᱫ ᱠᱟᱛᱷᱟ ᱜᱮ ᱠᱟᱛᱷᱟ ᱜᱮ ᱚᱞ ᱞᱮᱠᱟᱭ ᱪᱷᱟᱯᱟ ᱥᱚᱫᱚᱨ ᱞᱮᱫᱟ ᱾ ᱑᱙᱘᱔ ᱥᱟᱞ ᱨᱮ ᱚᱱᱟ ᱯᱩᱪᱷᱤ ᱜᱟᱞᱟᱢᱟᱨᱟᱣ ᱧᱩᱛᱩᱢ ᱛᱮ ᱯᱳᱭᱞᱩ ᱩᱪᱷᱟᱹᱱ ᱞᱮᱱᱟ ᱾ ᱮᱱᱟᱹ ᱵᱮᱜᱚᱨ ᱟᱡᱟᱜ ᱚᱞ ᱠᱚ ᱢᱩᱫᱽ ᱨᱮ (᱑) ᱜᱟᱞᱟᱝ ᱯᱚᱛᱚᱵ (᱒) ᱦᱚᱲ ᱥᱚᱝᱵᱟᱫᱽ (᱓) ᱯᱩᱪᱷᱤᱢ ᱵᱟᱝᱞᱟ (᱔) ᱞᱟᱦᱟᱱᱛᱤ ᱮᱢᱟᱱ ᱠᱚ ᱯᱟᱛᱷᱟᱢ ᱠᱚ ᱭ ᱚᱞ ᱟᱜᱩ ᱟᱞᱟᱫᱟ ᱾
ᱯᱩᱪᱷᱤᱢ ᱵᱟᱝᱞᱟ ᱯᱚᱱᱚᱛ ᱨᱮᱭᱟᱜ ᱵᱟᱠᱩᱲᱟᱸ ᱡᱮᱞᱟᱹ ᱨᱮᱭᱟᱜ ᱵᱟᱰᱳᱥᱚᱞ ᱟᱹᱛᱩ ᱟᱨ ᱰᱟᱠ ᱚᱲᱟᱜ ᱥᱟᱨᱮᱝᱜᱟ ᱨᱮᱜᱮ ᱩᱱᱤ ᱟᱜ ᱵᱩᱠᱟᱹ ᱛᱚᱯᱟ ᱴᱷᱟᱶ ᱫᱚ ᱾ ᱟᱯᱟᱛ ᱧᱩᱛᱩᱢ ᱫᱚ ᱜᱩᱯᱤᱱᱟᱛᱷ ᱵᱮᱥᱨᱟ ᱟᱨ ᱟᱭᱳ ᱧᱩᱛᱩᱢ ᱫᱚ ᱥᱩᱠᱩᱞᱢᱚᱱᱤ ᱛᱟᱠᱤᱱᱟᱜ ᱪᱟᱛᱚᱢ ᱚᱲᱟᱜ ᱨᱮ ᱤᱝᱨᱟᱡᱤ ᱑᱙᱕᱕ ᱥᱟᱦᱤᱛ ᱨᱮᱭᱟᱜ ᱑᱕ ᱰᱤᱥᱮᱢᱵᱚᱨ ᱦᱤᱞᱚᱜ ᱩᱯᱷᱮᱞ ᱞᱮᱱ ᱟ ᱾
This article uses material from the Wikipedia ᱥᱟᱱᱛᱟᱲᱤ article ᱱᱚᱵᱤᱱ ᱵᱮᱥᱨᱟ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.