ᱨᱟᱥᱤᱢᱚᱱᱤ ᱦᱟᱡᱚᱝ
ᱨᱟᱥᱤᱢᱚᱱᱤ ᱦᱟᱡᱚᱝ (ᱡᱟᱱᱟᱢ:ᱡᱟᱱᱩᱣᱟᱨᱤ ᱓᱑, ᱑᱙᱐᱑-᱑᱙᱔᱖) ᱫᱚ ᱑᱙᱔᱖ ᱥᱮᱨᱢᱟ ᱨᱮ ᱢᱚᱭᱢᱚᱱᱥᱤᱝᱦᱚ ᱦᱚᱱᱚᱛ ᱨᱮ ᱦᱩᱭ ᱟᱠᱟᱱ ᱴᱚᱝᱠᱚ ᱞᱟᱹᱲᱦᱟᱹᱭ ᱨᱮᱱ ᱵᱤᱯᱞᱳᱵᱤ ᱱᱮᱹᱛᱨᱤᱭ ᱛᱟᱸᱦᱮᱸᱠᱟᱱᱟ ᱟᱨ ᱩᱱᱤᱜᱮ ᱱᱚᱣᱟ ᱞᱟᱹᱲᱦᱟᱹᱭ ᱨᱮᱱ ᱯᱟᱹᱦᱤᱞ ᱥᱚᱦᱤᱫᱽ ᱦᱚᱸᱭ ᱛᱟᱸᱦᱮᱸᱠᱟᱱᱟ᱾ ᱴᱚᱝᱠᱚ ᱞᱟᱹᱲᱦᱟᱹᱭ ᱨᱮ ᱠᱚᱢᱨᱮᱰ ᱢᱚᱱᱤ ᱥᱤᱝ ᱛᱟᱭᱚᱢ ᱨᱟᱥᱤᱢᱚᱱᱤ ᱦᱟᱡᱚᱝ ᱟᱨ ᱠᱩᱢᱩᱫᱤᱱᱤ ᱦᱟᱡᱚᱝ ᱟᱜ ᱠᱟᱛᱷᱟ ᱜᱮ ᱡᱟᱹᱥᱛᱤ ᱢᱮᱱᱚᱜᱼᱟ᱾ ᱱᱮᱛᱨᱚᱠᱚᱱᱚ ᱦᱚᱱᱚᱛ ᱨᱮ ᱨᱟᱥᱤᱢᱚᱱᱤ ᱦᱟᱡᱚᱝ ᱫᱤᱥᱟᱹᱛᱮ ᱢᱤᱫᱴᱮᱱ ᱥᱨᱤᱛᱤ ᱥᱤᱣᱫᱷᱳ ᱢᱮᱱᱟᱜᱼᱟ᱾
ᱡᱟᱱᱟᱢ
᱑᱙᱐᱑ ᱥᱮᱨᱢᱟ ᱨᱮ ᱨᱟᱥᱤᱢᱚᱱᱤ ᱦᱟᱡᱚᱝ ᱱᱮᱛᱟᱨᱟᱜ ᱱᱮᱛᱨᱚᱠᱚᱱᱟ ᱦᱚᱱᱚᱛ ᱨᱮᱱᱟᱜ ᱫᱩᱨᱜᱟᱯᱩᱨ ᱩᱯᱳᱡᱮᱞᱟ ᱨᱮᱱᱟᱜ ᱠᱩᱞᱞᱟᱜᱚᱲᱟ ᱤᱣᱱᱤᱭᱚᱱ ᱨᱮ ᱵᱚᱦᱮᱨᱟᱛᱚᱞᱤ ᱚᱛᱚ ᱨᱮᱭ ᱡᱟᱱᱟᱢ ᱞᱮᱱᱟ᱾
ᱠᱟᱹᱢᱤ ᱡᱤᱭᱚᱱ
ᱨᱟᱥᱤᱢᱚᱱᱤ ᱦᱟᱡᱚᱝ ᱴᱚᱝᱠᱚ ᱯᱨᱚᱛᱷᱟ ᱟᱨ ᱵᱨᱤᱴᱤᱥ ᱵᱤᱨᱩᱫᱷ ᱨᱮᱞᱟᱹᱲᱦᱟᱹᱭ ᱨᱮᱭ ᱥᱮᱞᱮᱫᱽ ᱞᱮᱱᱟ᱾ ᱩᱱᱤ ᱫᱚ ᱠᱨᱤᱥᱚᱠ ᱥᱚᱢᱤᱛᱤ ᱨᱮᱱ ᱢᱤᱫᱴᱮᱱ ᱢᱮᱢᱵᱟᱨᱮ ᱛᱟᱸᱦᱮᱸᱠᱟᱱᱟ᱾ ᱑᱙᱔᱖ ᱥᱮᱨᱢᱟ ᱨᱮ ᱢᱚᱭᱢᱚᱱᱥᱤᱝᱦᱚ ᱥᱚᱦᱚᱨ ᱨᱮ ᱵᱷᱤᱭᱮᱛᱱᱟᱢ ᱢᱟᱦᱟᱸ ᱢᱟᱱᱟᱣ ᱢᱤᱪᱷᱤᱞ ᱨᱮ ᱢᱤᱫᱴᱮᱱ ᱯᱟᱹᱴᱷᱩᱣᱟᱭ ᱜᱩᱞᱤ ᱜᱚᱪ ᱚᱪᱚᱞᱮᱱᱟ᱾ ᱚᱱᱟᱛᱮ ᱜᱚᱴᱟ ᱢᱚᱭᱢᱚᱱᱥᱤᱝᱦᱚ ᱨᱮ ᱟᱹᱰᱤ ᱠᱟᱡᱟᱠ ᱵᱤᱠᱷᱳᱵᱽ ᱮᱛᱦᱚᱵ ᱞᱮᱱᱟ᱾ ᱚᱱᱟ ᱠᱟᱠᱷᱟᱱᱟᱜ ᱛᱮ ᱯᱩᱞᱤᱥ ᱦᱚᱸ ᱟᱭᱢᱟ ᱡᱟᱜᱟ ᱨᱮ ᱠᱚ ᱯᱷᱮᱰ ᱞᱮᱱᱟ᱾ ᱵᱚᱦᱮᱨᱟᱛᱚᱞᱤ ᱟᱛᱚ ᱨᱮ ᱦᱚᱸ ᱯᱩᱞᱤᱥ ᱪᱟᱞᱟᱣ ᱠᱟᱛᱮ ᱠᱩᱢᱩᱫᱤᱱᱤ ᱦᱟᱡᱚᱝ ᱧᱩᱛᱩᱢᱟᱱ ᱢᱤᱫᱴᱮᱱ ᱡᱩᱣᱟᱹᱱ ᱠᱩᱲᱤ ᱠᱚ ᱥᱟᱵᱽ ᱤᱫᱤᱭᱫᱤ ᱛᱟᱸᱦᱮᱸᱱᱟ᱾ ᱚᱱᱟ ᱟᱛᱚᱨᱮᱱ ᱠᱨᱤᱥᱚᱠ ᱥᱚᱢᱤᱛᱤ ᱨᱮᱱ ᱢᱮᱢᱵᱟᱨ ᱠᱚ ᱢᱤᱪᱷᱤᱞ ᱢᱩᱪᱟᱹᱫ ᱠᱟᱛᱮ ᱠᱩ ᱦᱤᱡᱩᱜ ᱠᱟᱱ ᱛᱟᱸᱦᱮᱸᱱᱟ᱾ ᱨᱟᱥᱤᱢᱚᱱᱤ ᱦᱟᱡᱚᱝ ᱦᱚᱸᱭ ᱛᱟᱸᱦᱮᱸᱠᱟᱱᱟ᱾ ᱟᱫᱚ ᱩᱱᱤ ᱠᱩᱢᱩᱫᱤᱱᱤ ᱦᱟᱡᱚᱝ ᱵᱟᱸᱪᱟᱣ ᱞᱟᱹᱜᱤᱛ ᱢᱤᱫᱴᱮᱱ ᱫᱟᱣᱞᱟ ᱛᱮ ᱯᱩᱞᱤᱥ ᱠᱩ ᱥᱟᱢᱟᱜ ᱮ ᱮᱛᱦᱚᱵ ᱞᱮᱫᱟ᱾ ᱩᱱ ᱡᱚᱠᱷᱚᱡ ᱯᱩᱞᱤᱥ ᱜᱩᱞᱤᱠᱩ ᱪᱟᱞᱟᱣ ᱠᱮᱫᱟ ᱟᱨ ᱚᱱᱟ ᱜᱩᱞᱤ ᱛᱮᱜᱮ ᱨᱟᱥᱤᱢᱚᱱᱤ ᱟᱨ ᱥᱩᱨᱮᱱᱫᱨᱚᱱᱟᱛᱷ ᱧᱩᱛᱩᱢᱟᱱ ᱟᱨᱦᱚᱸ ᱢᱤᱫ ᱦᱚᱲᱮ ᱜᱚᱪ ᱚᱪᱚᱞᱮᱱᱟ᱾ ᱱᱚᱣᱟ ᱠᱷᱚᱵᱚᱨ ᱯᱟᱥᱱᱟᱣ ᱥᱟᱶᱛᱮ ᱟᱰᱮᱯᱟᱥᱮ ᱠᱷᱚᱱ ᱦᱚᱲ ᱠᱩ ᱦᱮᱡ ᱠᱟᱛᱮ ᱯᱩᱞᱤᱥ ᱠᱩ ᱮᱥᱮᱫᱽ ᱠᱮᱫ ᱠᱳᱣᱟ᱾ ᱩᱱ ᱡᱚᱠᱷᱚᱡ ᱵᱟᱨᱮᱭᱟ ᱯᱩᱞᱤᱥ ᱦᱚᱸ ᱠᱤᱱ ᱜᱚᱪ ᱚᱪᱚᱞᱮᱱᱟ᱾
ᱵᱚᱸᱜᱟ ᱛᱟᱞᱟ ᱦᱤᱞᱟᱹᱜ ᱨᱮᱱᱟᱜ ᱠᱟᱹᱦᱱᱤ
ᱦᱟᱡᱚᱝ ᱴᱚᱴᱷᱟ ᱨᱮ ᱠᱨᱤᱥᱚᱠ ᱦᱩᱞ ᱟᱴᱠᱟᱨ ᱞᱟᱹᱜᱤᱫ ᱢᱤᱞᱤᱴᱟᱨᱤ ᱵᱟᱹᱦᱤᱱᱤ ᱠᱚ ᱴᱷᱮᱱ ᱠᱩᱢᱩᱫᱤᱱᱤ ᱦᱟᱡᱚᱝ ᱵᱟᱸᱪᱟᱣ ᱞᱟᱹᱜᱤᱛ ᱨᱟᱥᱤᱢᱚᱱᱤ ᱦᱟᱡᱚᱝ ᱢᱤᱫᱴᱮᱱ ᱥᱮᱱᱟ ᱟᱜ ᱵᱚᱦᱚᱜ ᱦᱚᱲᱢᱚ ᱠᱷᱚᱱᱮ ᱢᱟᱜ ᱠᱮᱪᱟᱜ ᱞᱮᱫᱟ᱾ ᱮᱴᱟᱜ ᱟᱨ ᱢᱤᱫᱴᱮᱱ ᱥᱮᱱᱟ ᱩᱱ ᱡᱚᱠᱷᱚᱡ ᱨᱟᱥᱤᱢᱚᱱᱤᱭ ᱜᱩᱞᱤ ᱠᱤᱫᱤᱭᱟ ᱟᱨ ᱚᱱᱟ ᱜᱩᱞᱤᱛᱮ ᱨᱟᱥᱤᱢᱚᱱᱤ ᱦᱟᱡᱚᱝ ᱫᱚᱭ ᱜᱚᱪ ᱚᱪᱚᱞᱮᱱᱟ᱾ ᱚᱱᱟ ᱜᱷᱚᱴᱚᱱᱟ ᱛᱚᱫᱚᱱᱛᱚ ᱞᱟᱹᱜᱤᱛ ᱡᱳᱛᱤ ᱵᱚᱥᱩ ᱟᱨ ᱵᱮᱨᱤᱥᱴᱟᱨ ᱥᱱᱮᱦᱟᱝᱥᱩᱠᱟᱱᱛᱚ ᱟᱪᱟᱨᱡᱚ ᱜᱟᱨᱳ ᱯᱟᱦᱟᱲ ᱴᱚᱴᱷᱚ ᱨᱮ ᱦᱟᱡᱚᱝ ᱴᱚᱴᱷᱚ ᱠᱤᱱ ᱦᱮᱡ ᱞᱮᱱᱟ᱾ ᱩᱱ ᱡᱚᱠᱷᱚᱡ ᱢᱚᱭᱢᱚᱱᱥᱤᱝᱦᱚ ᱨᱮᱱ ᱡᱮᱞᱟ ᱢᱮᱡᱤᱥᱴᱨᱮᱴ ᱵᱮᱥᱴᱤᱱ ᱩᱱᱠᱤᱱ ᱫᱚ ᱵᱚᱦᱮᱨᱟᱛᱚᱞᱤ ᱟᱛᱚᱨᱮ ᱵᱟᱭ ᱵᱚᱞᱚ ᱚᱪᱚ ᱞᱮᱫ ᱠᱤᱱᱟᱹ᱾
ᱯᱷᱮᱰᱟᱛ
This article uses material from the Wikipedia ᱥᱟᱱᱛᱟᱲᱤ article ᱨᱟᱥᱤᱢᱚᱱᱤ ᱦᱟᱡᱚᱝ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.