ᱨᱟᱢᱵᱟᱱ ᱦᱚᱱᱚᱛ ᱥᱤᱧᱚᱛᱤᱭᱟᱹ ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮᱱᱟᱜ ᱢᱤᱫ ᱦᱚᱱᱚᱛ ᱠᱟᱱᱟ᱾ ᱱᱚᱣᱟ ᱫᱚ ᱢᱟᱬᱮ ᱰᱳᱰᱟ ᱦᱚᱱᱚᱛ ᱨᱮᱱ ᱦᱚᱲᱟᱜ ᱫᱩᱠᱷ, ᱠᱚᱥᱴᱚ ᱟᱨ ᱥᱩᱵᱤᱫᱷᱟ ᱧᱮᱞ ᱛᱮ ᱵᱮᱱᱟᱣ ᱦᱩᱭ ᱞᱮᱱᱟ᱾ ᱨᱟᱢᱵᱟᱱ ᱦᱚᱱᱚᱛ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱯᱤᱨ ᱯᱟᱧᱡᱟᱞ ᱵᱩᱨᱩᱢᱟᱞᱟ ᱞᱟᱛᱟᱨ ᱨᱮ ᱢᱮᱱᱟᱜ ᱟᱠᱟᱫᱟ᱾ ᱑ ᱮᱯᱨᱤᱞ ᱒᱐᱐᱗ ᱠᱷᱚᱱ ᱱᱚᱣᱟ ᱯᱷᱩᱱᱩᱨᱜᱟᱹᱞ ᱦᱚᱱᱚᱛ ᱞᱮᱠᱟᱛᱮ ᱠᱟᱹᱢᱤ ᱮᱛᱚᱦᱚᱵ ᱟᱠᱟᱱᱟ᱾ ᱨᱟᱢᱵᱟᱱ ᱥᱚᱦᱚᱨ ᱦᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱠᱟᱱᱟ᱾ ᱱᱚᱣᱟ ᱥᱚᱦᱚᱨ ᱡᱟᱹᱢᱢᱩ ᱟᱨ ᱥᱨᱤᱱᱚᱜᱚᱨ ᱛᱟᱞᱟ ᱪᱮᱱᱟᱵ ᱜᱟᱰᱟ ᱟᱨᱮ ᱡᱟᱹᱛᱤᱭᱟᱹᱨᱤ ᱥᱚᱨᱚᱠ-᱔᱔ (ᱡᱟᱹᱛᱤᱭᱟᱹᱨᱤ ᱦᱟᱭᱳᱭᱮ ᱑ᱮ) ᱪᱮᱛᱟᱱ ᱡᱟᱹᱢᱢᱩ ᱟᱨ ᱥᱨᱤᱱᱚᱜᱚᱨ ᱠᱷᱚᱱ ᱑᱕᱐ ᱠᱤᱞᱳᱢᱤᱴᱟᱨ ᱥᱟᱹᱜᱤᱱ ᱨᱮ ᱢᱮᱱᱟᱜᱼᱟ᱾
ᱨᱟᱢᱵᱟᱱ ᱦᱚᱱᱚᱛ | |
---|---|
ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮᱱᱟᱜ ᱦᱚᱱᱚᱛ | |
ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ ᱨᱮ ᱨᱟᱢᱵᱟᱱ ᱦᱚᱱᱚᱛ | |
Coordinates (ᱨᱟᱢᱵᱟᱱ): 33°14′24″N 75°14′24″E / 33.24000°N 75.24000°E 75°14′24″E / 33.24000°N 75.24000°E | |
ᱫᱤᱥᱚᱢ | ᱥᱤᱧᱚᱛ |
ᱛᱟᱞᱢᱟ ᱥᱟᱥᱚᱱᱮᱫ ᱮᱞᱟᱠᱟ | ᱡᱟᱹᱢᱢᱩ ᱟᱨ ᱠᱟᱹᱥᱢᱤᱨ |
ᱰᱤᱵᱷᱤᱥᱟᱱ | ᱡᱟᱹᱢᱢᱩ ᱰᱤᱵᱷᱤᱥᱟᱱ |
Headquarters | ᱨᱟᱢᱵᱟᱱ |
ᱮᱨᱤᱭᱟ | |
• Total | 1329 ᱠᱤᱢᱤ২ (513 ᱜᱟᱺᱴ ᱢᱟᱭᱤᱞ) |
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ | (᱒᱐᱑᱑) |
• Total | ᱒᱘᱓,᱗᱑᱓ |
• ᱰᱮᱱᱥᱤᱴᱤ | 210/ᱠᱤᱢᱤ2 (550/ᱜᱟᱺᱴ ᱢᱟᱹᱭᱤᱞ) |
• ᱱᱟᱜᱟᱨ | ᱔.᱑᱖% |
Demographics | |
• Literacy | 54.27% |
• Sex ratio | 902 |
IST (ᱭᱩᱴᱤᱥᱤ+05:30) | |
ᱜᱟᱹᱰᱤ ᱨᱤᱡᱤᱥᱴᱨᱤ | JK-19 |
Major highways | NH-44 |
ᱣᱮᱵᱽᱥᱟᱭᱤᱴ | http://ramban.gov.in |
ᱨᱟᱢᱵᱟᱱ ᱦᱚᱱᱚᱛ ᱤᱨᱟᱹᱞ ᱜᱚᱴᱟᱝ ᱛᱚᱦᱚᱥᱤᱞ ᱨᱮ ᱦᱟᱹᱴᱤᱝ ᱢᱮᱱᱟᱜᱼᱟ᱾ ᱱᱚᱣᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱺ ᱵᱟᱱᱤᱦᱟᱞ, ᱨᱟᱢᱵᱟᱱ, ᱠᱷᱟᱨᱤ, ᱨᱟᱡᱜᱟᱨᱦ, ᱵᱟᱛᱳᱛᱮ, ᱜᱳᱞ, ᱯᱳᱜᱟᱞ ᱯᱟᱨᱤᱥᱛᱟ (ᱩᱠᱷᱨᱟᱞ) ᱟᱨ ᱨᱟᱢᱥᱳ᱾
ᱥᱟᱱᱟᱢ ᱦᱚᱱᱚᱛ ᱨᱮᱜᱮ ᱢᱤᱫ ᱛᱚᱦᱚᱥᱤᱞᱟᱨ ᱢᱮᱱᱜᱟ ᱠᱚᱣᱟ, ᱡᱟᱦᱟᱭ ᱫᱚ ᱛᱚᱦᱚᱥᱤᱞ ᱨᱮᱱ ᱥᱟᱥᱚᱱᱤᱭᱟᱹ ᱠᱟᱱᱟᱭ᱾
ᱨᱟᱢᱵᱟᱱ ᱦᱚᱱᱚᱛ ᱫᱚᱨᱭᱟ ᱟᱴᱮᱫ ᱠᱷᱚᱱ ᱑,᱑᱕᱖ ᱢᱤᱴᱟᱨ ᱪᱮᱛᱟᱱ ᱨᱮ ᱢᱮᱱᱟᱜᱼᱟ᱾ ᱦᱚᱱᱚᱛ ᱨᱮᱱᱟᱜ ᱠᱚᱧᱮ ᱥᱮᱫ ᱯᱟᱴᱱᱤᱴᱚᱯ, ᱥᱟᱢᱟᱝ ᱥᱮᱫ ᱚᱥᱟᱨ, ᱯᱟᱪᱮ ᱟᱨ ᱮᱛᱚᱢ ᱥᱮᱫ ᱵᱟᱱᱤᱦᱟᱞ ᱢᱮᱱᱟᱜᱼᱟ᱾ ᱦᱚᱱᱚᱛ ᱨᱮᱱᱟᱜ ᱚᱛᱦᱟᱥᱟ ᱟᱹᱰᱤ ᱠᱮᱴᱮᱡᱽ ᱟᱨ ᱵᱩᱨᱩ ᱜᱮᱭᱟ᱾ ᱨᱟᱢᱵᱟᱱ ᱦᱚᱱᱚᱛ ᱨᱤᱭᱟᱥᱤ, ᱩᱫᱷᱚᱢᱯᱩᱨ, ᱫᱳᱫᱟ, ᱚᱱᱚᱱᱛᱚᱱᱟᱜ ᱟᱨ ᱠᱩᱞᱜᱟᱢ ᱥᱟᱶ ᱦᱟᱹᱴᱤᱝ ᱢᱮᱱᱟᱜᱼᱟ᱾
ᱦᱚᱱᱚᱛ ᱨᱮᱱᱟᱜ ᱦᱚᱭ ᱦᱤᱥᱤᱫ ᱩᱥᱩᱞ ᱥᱟᱶ ᱥᱟᱶ ᱛᱮ ᱵᱚᱫᱚᱞ ᱪᱟᱞᱟᱜᱼᱟ᱾ ᱵᱩᱨᱩ ᱞᱟᱛᱟᱨ ᱪᱮᱱᱟᱵ ᱜᱟᱰᱟ ᱵᱮᱰᱟ ᱨᱮ ᱢᱮᱱᱟᱜ ᱨᱟᱢᱵᱟᱱ ᱥᱚᱦᱚᱨ ᱨᱮ ᱞᱚᱞᱚ ᱔᱒° ᱥᱮᱞᱥᱤᱟᱹᱥ ᱥᱟᱹᱵᱤᱫ ᱨᱟᱠᱟᱯᱚᱜᱼᱟ ᱟᱨ ᱥᱟᱱᱜᱟᱞᱫᱟᱱ, ᱜᱳᱞ, ᱫᱷᱟᱜᱟᱱᱴᱚᱯ,ᱟᱥᱛᱷᱟᱱᱢᱟᱨᱜ, ᱞᱟᱞᱟᱜᱩᱱᱫᱤ ᱟᱨ ᱵᱩᱫᱷᱟᱱ ᱞᱮᱠᱟᱱ ᱪᱮᱛᱟᱱ ᱡᱟᱭᱜᱟ ᱨᱮ ᱥᱩᱱᱚᱭ (᱐) ᱞᱟᱛᱟᱨ ᱨᱮ ᱯᱷᱮᱰᱚᱜᱼᱟ᱾ ᱦᱚᱱᱚᱛ ᱨᱮᱱᱟᱜ ᱦᱚᱭᱦᱤᱥᱤᱫ ᱠᱷᱟᱹᱛᱤᱨ ᱥᱮᱨᱢᱟ ᱨᱮᱱᱟᱜ ᱤᱨᱟᱹᱞ ᱪᱟᱸᱫᱚ ᱜᱮ ᱠᱟᱹᱢᱤ ᱧᱟᱢᱚᱜᱼᱟ᱾
ᱨᱟᱢᱵᱟᱱ ᱦᱚᱱᱚᱛ ᱨᱮ ᱯᱮᱭᱟ ᱵᱤᱫᱷᱟᱱᱥᱚᱵᱷᱟ ᱛᱟᱞᱢᱟ ᱢᱮᱱᱟᱜᱼᱟ᱾ ᱱᱚᱣᱟ ᱫᱚ ᱦᱩᱭᱩᱜ ᱠᱟᱱᱟ ᱺ ᱨᱟᱢᱵᱟᱱ, ᱵᱟᱱᱤᱦᱟᱞ ᱟᱨ ᱜᱳᱞ᱾
᱒᱐᱑᱑ ᱥᱮᱨᱢᱟ ᱦᱚᱲᱞᱮᱠᱷᱟ ᱞᱮᱠᱟᱛᱮ ᱨᱟᱢᱵᱟᱱ ᱦᱚᱱᱚᱛ ᱨᱮ ᱞᱮᱠᱷᱟᱜᱩᱴ ᱒᱘᱓,᱗᱑᱓ ᱜᱟᱱ ᱦᱚᱲ ᱢᱮᱱᱟᱜ ᱠᱚᱣᱟ᱾ ᱡᱟᱦᱟ ᱫᱚ ᱟᱹᱰᱤᱜᱟᱱ ᱵᱨᱵᱟᱰᱚᱥ ᱫᱤᱥᱚᱢ ᱨᱮᱱ ᱦᱚᱲᱮᱞ ᱥᱚᱢᱟᱱᱟ᱾ ᱦᱚᱲᱮᱞ ᱞᱮᱠᱟᱛᱮ ᱱᱚᱣᱟ ᱦᱚᱱᱚᱛ ᱥᱤᱧᱚᱛ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱨᱮ ᱕᱗᱓ ᱟᱱᱟᱜ ᱴᱷᱟᱶ ᱨᱮ ᱢᱮᱱᱟᱜ ᱟᱠᱟᱫᱟ᱾ ᱨᱟᱢᱵᱟᱱ ᱦᱚᱱᱚᱛ ᱨᱮ ᱢᱤᱫ ᱪᱟᱹᱣᱠᱟᱹ ᱠᱤᱢᱤ ᱨᱮ ᱒᱑᱓ ᱜᱟᱱ ᱠᱟᱛᱮᱡᱽ ᱦᱚᱲ ᱠᱚ ᱛᱟᱦᱮᱱ ᱠᱟᱱᱟ ᱟᱨ ᱒᱐᱐᱑ ᱠᱷᱚᱱ ᱒᱐᱑᱑ ᱥᱮᱨᱢᱟ ᱦᱚᱲᱞᱮᱠᱷᱟ ᱨᱮ ᱓᱑.᱘᱑% ᱦᱚᱲ ᱠᱚ ᱡᱟᱹᱥᱛᱤ ᱣᱟᱠᱟᱱᱟ᱾ ᱦᱚᱱᱚᱛ ᱨᱮᱱᱟᱜ ᱡᱟᱱᱟᱝ ᱡᱟᱹᱱᱤ ᱑᱐᱐᱐ ᱠᱚᱲᱟ ᱨᱮ ᱙᱐᱑ ᱠᱩᱲᱤ ᱟᱨ ᱠᱟᱜᱚᱡᱤᱭᱟᱹ ᱦᱚᱲ ᱮᱞ ᱕᱔.᱒᱗% ᱾
ᱨᱟᱢᱵᱟᱱ ᱨᱮ ᱢᱩᱥᱞᱟᱹ ᱡᱟᱹᱥᱛᱤ ᱢᱮᱱᱟᱜ ᱠᱚᱣᱟ, ᱦᱚᱱᱚᱛ ᱨᱮᱱ ᱖᱓% ᱦᱚᱲ ᱢᱩᱥᱞᱟᱹ ᱟᱨ ᱒᱘% ᱦᱚᱲ ᱦᱤᱱᱫᱩ ᱠᱟᱱᱟ ᱠᱚ᱾
ᱠᱟᱥᱢᱤᱨᱤ, ᱯᱳᱜᱟᱞᱤ ᱟᱨ ᱚᱱᱟ ᱨᱮᱱᱟᱜ ᱪᱟᱸᱜᱟ ᱯᱟᱹᱨᱥᱤ (ᱥᱤᱨᱟᱡᱤ) ᱱᱚᱣᱟ ᱦᱚᱱᱚᱛ ᱨᱮ ᱡᱟᱹᱥᱛᱤ ᱠᱚ ᱨᱚᱲᱟᱜ᱾ ᱮᱴᱟᱜ ᱨᱚᱲᱟᱱ ᱯᱟᱹᱨᱥᱤ ᱠᱚ ᱦᱩᱭᱩᱜ ᱠᱟᱱᱟ ᱩᱨᱫᱩ, ᱯᱚᱧᱡᱟᱵᱤ, ᱰᱳᱜᱨᱤ ᱟᱨ ᱜᱳᱡᱟᱨᱤ᱾
This article uses material from the Wikipedia ᱥᱟᱱᱛᱟᱲᱤ article ᱨᱟᱢᱵᱟᱱ ᱦᱚᱱᱚᱛ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.