ᱥᱟᱱᱛᱟᱲ ᱥᱮᱨᱮᱧ
ᱱᱚᱣᱟ ᱚᱱᱚᱞ ᱯᱷᱮᱢᱤᱱᱤᱡᱤᱢ ᱮᱱᱰᱽ ᱯᱷᱳᱞᱠᱞᱳᱨ ᱒᱐᱒᱒ ᱚᱱ ᱟᱞᱭᱤᱱ ᱚᱱᱚᱞ ᱥᱟᱯᱲᱟᱣ ᱦᱮᱯᱨᱟᱣ ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱞᱮᱠᱟᱛᱮ ᱵᱮᱱᱟᱣ/ᱟᱹᱨᱩ ᱟᱠᱟᱱᱟ ᱾ |  |
ᱦᱚᱲ ᱦᱚᱯᱚᱱ ᱫᱚ ᱮᱱᱮᱡᱼᱥᱮᱨᱮᱧ ᱟᱹᱰᱤ ᱠᱚ ᱠᱩᱥᱤᱭᱟᱜᱼᱟ᱾ ᱥᱤᱧᱚᱛ ᱩᱯᱚᱢᱟᱦᱟᱫᱤᱥᱚᱢ ᱨᱮᱭᱟᱜ ᱮᱴᱟᱜ ᱡᱟᱹᱛᱤ ᱠᱚ ᱞᱮᱠᱟ ᱜᱮ, ᱥᱟᱱᱛᱟᱲ ᱠᱚᱣᱟᱜ ᱞᱟᱠᱪᱟᱨ ᱦᱚᱸ ᱥᱤᱧᱚᱛ ᱨᱮᱭᱟᱜ ᱢᱩᱬ ᱞᱤᱸᱜᱤᱱ (ᱢᱩᱞᱫᱷᱟᱨᱟ) ᱞᱟᱠᱪᱟᱨ ᱟᱨ ᱯᱟᱪᱮᱭᱟᱭ ᱞᱟᱠᱪᱟᱨ ᱛᱮ ᱟᱹᱰᱤ ᱜᱟᱱ ᱚᱨᱥᱚᱝ ᱟᱠᱟᱱᱟ, ᱢᱮᱱᱠᱷᱟᱱ ᱮᱱᱛᱮᱨᱮᱦᱚᱸ ᱥᱮᱨᱣᱟ ᱮᱱᱮᱡᱼᱥᱮᱨᱮᱧ ᱠᱚᱫᱚ ᱱᱤᱛ ᱦᱚᱸ ᱢᱮᱱᱟᱜ ᱟᱠᱟᱫ ᱜᱮᱭᱟ᱾ ᱥᱟᱱᱛᱟᱲ ᱥᱮᱨᱮᱧ ᱫᱚ ᱦᱤᱱᱫᱩᱥᱛᱟᱱᱤ ᱥᱟᱥᱛᱨᱤᱭᱚ ᱥᱮᱨᱮᱧ ᱠᱷᱚᱱ ᱟᱭᱢᱟ ᱞᱮᱠᱟᱛᱮ ᱵᱷᱮᱜᱟᱨ ᱜᱮᱭᱟ᱾ ᱱᱟᱦᱟᱜ ᱫᱚ ᱥᱟᱱᱛᱟᱲᱤ ᱥᱮᱨᱮᱧ ᱪᱮᱛᱟᱱ ᱨᱮ ᱟᱭᱢᱟ ᱠᱟᱹᱢᱤ ᱦᱩᱭᱟᱠᱟᱱᱟ᱾ ᱥᱟᱱᱟᱢ ᱞᱮᱠᱟᱱ ᱥᱟᱱᱛᱟᱲᱤ ᱮᱱᱮᱡᱼᱥᱮᱨᱮᱧ ᱨᱮᱜᱮ ᱛᱩᱢᱫᱟᱜ ᱟᱨ ᱴᱟᱢᱟᱠ ᱫᱚ ᱵᱮᱵᱷᱟᱨᱚᱜ ᱜᱮᱭᱟ᱾ ᱛᱤᱨᱤᱭᱟᱹ ᱦᱚᱸ ᱥᱟᱱᱛᱟᱲᱤ ᱥᱮᱨᱮᱧ ᱨᱮᱭᱟᱜ ᱢᱤᱫ ᱢᱩᱬᱩᱛ ᱥᱟᱯᱟᱵᱽ ᱞᱮᱠᱟᱛᱮ ᱢᱟᱱᱟᱣᱚᱜᱼᱟ, ᱟᱨ ᱱᱤᱛ ᱦᱚᱸ ᱵᱮᱵᱷᱟᱨᱚᱜ ᱠᱟᱱ ᱜᱮᱭᱟ᱾
ᱥᱟᱯᱟᱵᱽ
ᱥᱮᱫᱟᱭ ᱠᱷᱚᱱ ᱜᱮ ᱥᱟᱱᱛᱟᱲ ᱠᱚᱫᱚ ᱟᱭᱢᱟ ᱞᱮᱠᱟᱱ ᱥᱮᱨᱮᱧ ᱥᱟᱯᱟᱵᱽ ᱠᱚᱠᱚ ᱵᱮᱵᱷᱟᱨ ᱟᱹᱜᱩᱭᱮᱫᱟ, ᱢᱮᱱᱠᱷᱟᱱ ᱞᱟᱛᱟᱨ ᱨᱮᱭᱟᱜ ᱱᱚᱣᱟ ᱫᱚ ᱥᱟᱱᱟᱢ ᱠᱷᱚᱱ ᱡᱟᱹᱥᱛᱤ ᱵᱮᱵᱷᱟᱨᱚᱜ ᱠᱟᱱᱟ᱾
ᱛᱩᱢᱫᱟᱜ ᱟᱨ ᱴᱟᱢᱟᱠ
ᱥᱟᱱᱛᱟᱲ ᱠᱚᱣᱟᱜ ᱮᱱᱮᱡᱼᱥᱮᱨᱮᱧ ᱨᱮ ᱵᱟᱨᱭᱟ ᱢᱩᱬᱩᱛ ᱥᱟᱯᱟᱵᱽ ᱫᱚ ᱦᱩᱭᱩᱜ ᱠᱟᱱᱟ ᱱᱚᱣᱟ ᱛᱩᱢᱫᱟᱜ ᱟᱨ ᱴᱟᱢᱟᱠ᱾ ᱱᱚᱣᱟ ᱠᱤᱱ ᱵᱟᱨᱭᱟ ᱥᱟᱯᱟᱵᱽ ᱫᱚ ᱮᱠᱟᱞ ᱛᱮᱜᱮ ᱞᱟᱹᱠᱛᱤᱭᱟ ᱪᱮᱫᱟᱜ ᱥᱮ ᱱᱚᱣᱟᱠᱤᱱ ᱵᱮᱜᱚᱨ ᱥᱮᱨᱮᱧ ᱨᱮᱭᱟᱜ ᱨᱟᱦᱟ ᱛᱮᱫ ᱜᱮ ᱵᱟᱝ ᱦᱤᱡᱩᱜᱼᱟ᱾ ᱮᱱᱮᱡᱼᱥᱮᱨᱮᱧ ᱡᱚᱠᱷᱮᱡ ᱱᱚᱣᱟᱠᱤᱱ ᱫᱚ ᱢᱤᱫ ᱥᱟᱶ ᱨᱩᱻ ᱨᱩᱻ ᱦᱩᱭᱩᱜᱼᱟ, ᱟᱨ ᱡᱟᱦᱟᱸᱭ ᱠᱚ ᱱᱚᱣᱟ ᱠᱚ ᱨᱩᱻᱭᱟ ᱩᱱᱠᱩ ᱫᱚ ᱢᱟᱹᱫᱟᱹᱲᱤᱭᱟᱹ ᱠᱚ ᱢᱮᱛᱟ ᱠᱚᱣᱟ᱾ ᱛᱩᱢᱫᱟᱜ ᱫᱚ ᱜᱩᱞᱟᱺᱰ ᱢᱩᱰᱷᱟᱹᱫ ᱞᱮᱠᱟᱱᱟ, ᱵᱷᱤᱛᱨᱤ ᱫᱚ ᱠᱷᱚᱞ ᱜᱮᱭᱟ᱾ ᱢᱤᱫ ᱢᱚᱠᱟ ᱟᱨ ᱢᱤᱫ ᱛᱤᱞᱟᱹ ᱜᱟᱱ ᱡᱤᱞᱤᱧᱼᱟ᱾ ᱵᱟᱨ ᱱᱟᱠᱷᱟ ᱨᱮ ᱱᱟᱠᱷᱟ ᱨᱮ ᱵᱟᱨᱭᱟ ᱢᱚᱪᱟ ᱟᱨᱵᱟᱝ ᱛᱤᱻ ᱛᱮ ᱠᱚᱴᱟᱵ ᱥᱮ ᱫᱟᱞ ᱞᱟᱹᱜᱤᱫ ᱴᱷᱟᱶ ᱢᱮᱱᱟᱜ ᱟᱠᱟᱫᱼᱟ᱾ ᱚᱱᱟ ᱴᱷᱟᱶ ᱫᱚ ᱠᱷᱟᱨᱮᱱ ᱠᱚ ᱢᱮᱛᱟᱜᱼᱟ᱾ ᱚᱱᱟ ᱴᱷᱟᱶ ᱨᱮ ᱛᱤ ᱛᱮ ᱫᱟᱞ ᱞᱮᱠᱷᱟᱱ ᱨᱟᱲᱟᱝ ᱥᱟᱰᱮ ᱚᱰᱚᱠᱚᱜᱼᱟ᱾ ᱛᱩᱢᱫᱟᱜ ᱨᱮᱭᱟᱜ ᱵᱟᱱᱟᱨ ᱢᱚᱪᱟ ᱫᱚ ᱰᱟᱸᱜᱽᱨᱟ ᱦᱟᱨᱛᱟ ᱛᱮ ᱟᱹᱰᱤ ᱩᱨᱤᱡ ᱛᱮᱠᱚ ᱯᱚᱴᱚᱢᱟ, ᱚᱱᱟ ᱪᱮᱛᱟᱱ ᱨᱮ ᱛᱟᱞᱟ ᱵᱟᱨᱟᱵᱟᱹᱨᱤ ᱨᱮ ᱢᱤᱫ ᱞᱮᱠᱟᱱ ᱦᱟᱥᱟ ᱛᱮ ᱜᱩᱞ ᱜᱮ ᱠᱚ ᱯᱚᱛᱟᱣᱟ᱾ ᱚᱱᱟ ᱜᱩᱞᱟᱹᱭ ᱛᱮᱫ ᱫᱚ ᱠᱷᱟᱨᱮᱱ ᱠᱚ ᱢᱮᱛᱟᱜᱼᱟ᱾ ᱮᱛᱚᱢ ᱱᱟᱠᱷᱟ ᱨᱮᱭᱟᱜ ᱠᱷᱟᱨᱮᱱ ᱠᱷᱚᱱ ᱠᱚᱧᱮ ᱱᱟᱠᱷᱟ ᱠᱷᱟᱨᱮᱱ ᱫᱚ ᱱᱟᱥᱮ ᱢᱟᱨᱟᱝ ᱧᱚᱜ ᱜᱮᱭᱟ᱾ ᱟᱨ ᱴᱟᱢᱟᱠ ᱨᱮᱭᱟᱜ ᱟᱠᱟᱨ ᱫᱚ ᱠᱤᱱ ᱞᱮᱠᱟ ᱫᱷᱟᱨᱟ ᱜᱮᱭᱟ᱾ ᱪᱮᱛᱟᱱ ᱯᱟᱦᱴᱟ ᱫᱚ ᱰᱟᱺᱝᱜᱽᱨᱤ ᱵᱟᱝᱠᱷᱟᱱ ᱠᱟᱰᱟ ᱦᱟᱨᱛᱟ ᱛᱮᱠᱚ ᱫᱟᱞᱚᱵ ᱠᱟᱜᱼᱟ᱾ ᱪᱮᱛᱟᱱ ᱯᱟᱦᱴᱟ ᱫᱚ ᱥᱮᱬᱟ ᱜᱮ ᱡᱷᱚᱜ ᱞᱟᱛᱟᱨ ᱯᱟᱦᱴᱟ ᱫᱳ ᱦᱩᱰᱤᱧ ᱜᱮᱭᱟ᱾ ᱱᱚᱣᱟ ᱫᱚ ᱠᱷᱟᱹᱰᱤ ᱛᱮᱠᱚ ᱜᱩᱰᱟᱹᱣᱟ᱾
ᱠᱚᱨᱛᱟᱞ
ᱡᱷᱩᱱᱠᱟᱹ
ᱛᱤᱨᱤᱭᱟᱹ
ᱵᱟᱱᱟᱢ
ᱨᱟᱹᱲ
ᱥᱟᱱᱛᱟᱲᱤ ᱥᱮᱨᱮᱧ ᱟᱭᱢᱟ ᱞᱮᱠᱟᱱᱟᱜ ᱨᱟᱹᱲ/ᱨᱟᱦᱟ ᱛᱮ ᱥᱮᱨᱮᱧᱚᱜ ᱠᱟᱱᱟ᱾ ᱡᱮᱞᱮᱠᱟ - ᱫᱚᱝ, ᱞᱟᱜᱽᱬᱮ, ᱥᱚᱦᱚᱨᱟᱭ ᱮᱢᱟᱱ᱾ ᱵᱷᱮᱜᱟᱨ ᱵᱷᱮᱜᱟᱨ ᱯᱚᱨᱚᱵᱽ ᱨᱮ ᱱᱚᱣᱟ ᱠᱚ ᱵᱷᱮᱜᱟᱨ ᱵᱷᱮᱜᱟᱨ ᱨᱟᱦᱟ ᱛᱮᱠᱚ ᱥᱮᱨᱮᱧᱟ᱾
ᱵᱟᱨᱦᱮ ᱡᱚᱱᱚᱲ
ᱟᱨᱦᱚᱸ ᱧᱮᱞ ᱢᱮ
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱥᱟᱱᱛᱟᱲ ᱥᱮᱨᱮᱧ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.