ᱡᱟᱞᱟᱠᱟᱨ ᱠᱷᱚᱱ ᱚᱛ ᱚᱯᱮᱞ ᱟᱨ ᱢᱟᱹᱱᱢᱤ ᱥᱤᱨᱡᱚᱱ
ᱢᱟᱬᱟᱝ ᱫᱚ ᱫᱷᱟᱹᱨᱛᱤᱨᱮ ᱮᱠᱷᱮᱱ ᱫᱟᱜᱼᱜᱮ ᱛᱟᱦᱮᱸ ᱠᱟᱱᱟ᱾ ᱛᱤᱱᱨᱮ ᱛᱤᱱᱨᱮ ᱫᱮᱵᱽᱜᱩᱱ ᱠᱚ ᱛᱚᱲᱮ ᱥᱩᱛᱟᱢ ᱛᱮ ᱩᱢᱼᱱᱟᱬᱠᱟᱜ ᱠᱚ ᱦᱤᱡᱩᱜᱼᱟ ᱟᱨᱦᱚ ᱨᱩᱣᱟᱹᱲᱟ ᱫᱮᱵᱽᱥᱮᱵᱽ ᱞᱚᱵᱛᱮ᱾ ᱢᱤᱫ ᱡᱚᱠᱷᱟ ᱴᱷᱟᱹᱠᱩᱨ ᱡᱟᱞᱟᱠᱟᱨ ᱡᱚᱞᱚᱠᱯᱩᱨᱤ ᱴᱟᱝ ᱟᱹᱰᱤ ᱱᱤᱫᱷᱟᱹᱱᱜᱮᱭ ᱧᱮᱞ ᱟᱠᱟᱜᱼᱟ᱾ ᱱᱚᱸᱰᱮ ᱡᱟᱦᱟᱸᱱᱟᱜ ᱜᱮ ᱥᱤᱨᱡᱚᱱ ᱩᱭᱦᱟᱹᱨ ᱠᱟᱛᱮ ᱥᱚᱞᱮ ᱤᱪᱟᱹᱜ ᱦᱟᱹᱠᱩ, ᱨᱟᱜᱷᱚᱵᱽ ᱵᱚᱣᱟᱲ ᱦᱟᱹᱠᱩ, ᱫᱚᱛᱚ ᱠᱩᱶᱟᱨ ᱠᱟᱴᱠᱚᱢ, ᱠᱟᱪᱷᱤᱢ ᱠᱩᱶᱟᱨ ᱦᱚᱨᱚ, ᱡᱷᱤᱢᱚᱞᱤᱨᱟᱹᱱᱤ ᱞᱮᱸᱰᱮᱫ, ᱛᱮᱭᱟᱱ ᱮᱢᱟᱱ ᱫᱟᱜᱨᱤᱱ ᱡᱤᱵᱤ ᱮ ᱥᱤᱨᱡᱚᱱ ᱟᱠᱟᱫ ᱠᱚᱣᱟ᱾ ᱮᱠᱷᱮᱹᱱ ᱩᱱᱠᱩᱢᱟ ᱡᱚᱛᱚ ᱫᱟᱜ ᱨᱤᱱ ᱡᱟᱞᱟ ᱥᱤᱨᱤᱡᱽ ᱛᱟᱭ ᱩᱠᱩᱨᱮᱜᱮᱠᱚ ᱛᱟᱦᱮᱸ ᱭᱮᱱᱟ᱾ ᱮᱱᱠᱷᱟᱱ ᱪᱤᱞᱤᱧ ᱵᱮᱱᱟᱣ ᱠᱚᱣᱟ, ᱪᱤᱞᱤᱧ ᱵᱮᱱᱟᱣ ᱠᱚᱣᱟ ᱩᱭᱦᱟᱹᱨ ᱩᱭᱦᱟᱹᱨ ᱛᱮ ᱠᱚᱲᱟᱢ ᱨᱮᱭᱟᱝ ᱢᱟᱹᱭᱞᱟᱹᱭ ᱤᱥᱤᱠᱤᱨ ᱚᱰᱚᱠ ᱟᱠᱟᱜ-ᱟ ᱟᱨ ᱵᱟᱨᱭᱟ ᱦᱚᱼᱲᱮ ᱵᱮᱱᱟᱣ ᱟᱠᱟᱫ ᱠᱤᱱᱟ᱾ ᱩᱱᱠᱤᱱ ᱡᱤᱣᱤ ᱚᱝ ᱟᱹᱠᱤᱱ ᱢᱟᱬᱟᱝ ᱨᱮ ᱛᱟᱥᱮ ᱨᱚᱦᱚᱲ ᱞᱮᱫᱠᱤᱱ ᱡᱚᱠᱷᱟ ᱥᱤᱧ ᱥᱟᱫᱚᱢ ᱫᱚ ᱩᱱᱠᱤᱱᱮ ᱞᱮᱵᱮᱫ ᱜᱮᱡᱮᱨ ᱠᱟᱫ ᱠᱤᱱᱟ᱾ ᱮᱱᱠᱷᱟᱱ ᱫᱚᱦᱲᱟᱛᱮ ᱴᱷᱟᱹᱠᱩᱨ ᱫᱚ ᱦᱚᱲ ᱵᱚᱝ ᱵᱮᱱᱟᱣ ᱠᱟᱛᱮ ᱜᱮᱰᱮᱭᱮ ᱵᱮᱱᱟᱣ ᱟᱠᱟᱫ ᱠᱤᱱᱟ᱾ ᱡᱤᱣᱤᱭᱮ ᱚᱢ ᱟᱫᱚ ᱠᱤᱱ ᱠᱷᱟᱱ ᱩᱱᱠᱤᱱ ᱢᱟ ᱢᱚᱸᱡᱽᱜᱮ ᱥᱮᱨᱢᱟ ᱛᱮᱠᱤᱱ ᱩᱰᱟᱹᱣ ᱮᱱᱟ ᱟᱨ ᱟᱬᱜᱚ ᱠᱟᱛᱮ ᱫᱚ ᱫᱟᱜ ᱛᱮᱠᱤᱱ ᱯᱟᱭᱨᱟᱭᱮᱱᱟ᱾ ᱩᱱᱠᱤᱱ ᱧᱮᱞ ᱠᱟᱛᱮ ᱴᱷᱟᱹᱠᱩᱨᱟᱜ ᱢᱚᱱᱮᱢᱟ ᱨᱟᱹᱥᱠᱟᱛᱮ ᱞᱟᱞᱮ ᱪᱟᱞᱮ ᱜᱚᱫ ᱟᱠᱟᱱᱟ᱾ ᱪᱮᱫᱟᱜ ᱥᱮ ᱩᱭᱦᱟᱹᱨ ᱞᱮᱫ ᱞᱮᱠᱟᱱᱟᱜ ᱮ ᱥᱤᱨᱡᱚᱱ ᱜᱟᱱ ᱠᱮᱫᱟ᱾ ᱱᱚᱛᱮ ᱪᱮᱬᱮ ᱠᱤᱱ ᱜᱚᱴᱟ ᱠᱤᱱ ᱯᱟᱭᱨᱟ ᱮᱱᱟ ᱵᱟᱝᱠᱷᱟᱱ ᱠᱤᱱ ᱩᱰᱟᱹᱣᱜᱼᱟ᱾ ᱟᱵ ᱡᱤᱨᱟᱹᱣᱜ ᱞᱟᱹᱜᱤᱫ ᱫᱚ ᱮᱠᱷᱟᱸᱱ ᱴᱷᱟᱶ ᱜᱮ ᱵᱟᱠᱤᱱ ᱧᱟᱢᱟ᱾ ᱚᱱᱟ ᱨᱮᱭᱟᱝ ᱠᱤᱱ ᱟᱨᱫᱟᱥ ᱟᱠᱟᱱᱟ ᱴᱷᱟᱹᱠᱩᱨ ᱴᱷᱮᱱ᱾ ᱥᱟᱹᱨᱤ ᱠᱟᱛᱷᱟ ᱠᱟᱱ ᱜᱮᱭᱟ, ᱢᱤᱫ ᱜᱷᱩᱲᱤ
This article uses material from the Wikipedia ᱥᱟᱱᱛᱟᱲᱤ article ᱡᱟᱞᱟᱠᱟᱨ ᱠᱷᱚᱱ ᱚᱛ ᱚᱯᱮᱞ ᱟᱨ ᱢᱟᱹᱱᱢᱤ ᱥᱤᱨᱡᱚᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.