ᱚᱱᱚᱬᱦᱤᱭᱟᱹ ᱡᱚᱜᱚᱱᱱᱱᱟᱛᱷ ᱥᱚᱨᱮᱱ ᱫᱚ ᱑᱙᱕᱐ ᱥᱮᱨᱢᱟ ᱨᱮᱭᱟᱜ ᱑᱙ ᱟᱜᱚᱥᱴ ᱦᱤᱞᱚᱜ, ᱯᱚᱪᱷᱤᱢ ᱵᱟᱝᱞᱟ ᱨᱮᱱᱟᱜ ᱵᱟᱸᱠᱩᱲᱟ ᱦᱚᱱᱚᱛ, ᱜᱳᱵᱤᱱᱫᱚ ᱰᱟᱠ ᱚᱲᱟᱜ ᱨᱮᱭᱟᱜ ᱢᱚᱫᱷᱩᱯᱩᱨ ᱟᱹᱛᱩ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱯᱟᱛ ᱧᱩᱛᱩᱢ ᱫᱚ ᱥᱮᱢᱟᱯᱚᱫᱚ ᱥᱚᱨᱮᱱ ᱟᱨ ᱟᱭᱳ ᱧᱩᱛᱩᱢ ᱫᱚ ᱱᱤᱞᱢᱚᱱᱤ ᱥᱚᱨᱮᱱ᱾ ᱡᱚᱜᱚᱱᱱᱟᱛᱷ ᱥᱚᱨᱮᱱ ᱫᱚ ᱠᱟᱡᱚᱞᱤ ᱥᱚᱨᱮᱱ ᱱᱚᱣᱟ ᱵᱟᱦᱟᱱᱟ ᱧᱩᱛᱩᱢ ᱛᱮᱭ ᱚᱞᱟ᱾
ᱡᱚᱜᱚᱱᱱᱟᱛᱷ ᱥᱚᱨᱮᱱ | |
---|---|
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱚᱜᱚᱥᱴ ᱑᱙, ᱑᱙᱕᱐ |
ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
ᱧᱩᱢᱱᱟᱢ | ᱚᱱᱚᱬᱦᱤᱭᱟᱹ |
ᱡᱚᱜᱚᱱᱱᱟᱛᱷ ᱟᱜ ᱮᱛᱚᱦᱚᱵ ᱥᱮᱪᱮᱫ ᱵᱟᱵᱚᱛ ᱵᱟᱝ ᱵᱟᱲᱟᱭ ᱧᱟᱢ ᱟᱠᱟᱱᱟ᱾ ᱑᱙᱗᱐ ᱥᱮᱨᱢᱟ ᱨᱮ ᱠᱷᱟᱛᱲᱟ ᱦᱟᱭ ᱥᱠᱩᱞ ᱠᱷᱚᱱ ᱢᱮᱴᱨᱤᱠ ᱮ ᱯᱟᱥ ᱟᱠᱟᱫᱟ᱾ ᱛᱟᱭᱚᱢ ᱛᱮ, ᱵᱟᱸᱠᱩᱲᱟ ᱥᱚᱢᱢᱤᱞᱚᱱᱤ ᱠᱚᱞᱮᱡᱽ ᱠᱷᱚᱱ ᱵᱤ.ᱮᱥ.ᱥᱤ ᱮ ᱯᱟᱥ ᱞᱮᱫᱟ᱾ ᱱᱚᱣᱟ ᱛᱟᱭᱚᱢ ᱞᱟᱦᱟ ᱥᱮᱫ ᱟᱨ ᱵᱟᱭ ᱯᱟᱲᱦᱟᱣ ᱫᱟᱲᱮ ᱞᱮᱫᱟ᱾
'ᱤᱱᱰᱤᱭᱟᱱ ᱚᱭᱮᱞ ᱠᱚᱨᱯᱚᱨᱮᱥᱚᱱ' ᱨᱮᱱ ᱢᱤᱫ ᱠᱟᱹᱢᱤᱭᱟᱹ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱡᱤᱭᱚᱱ ᱮ ᱮᱦᱚᱵ ᱞᱮᱫᱟ᱾
ᱯᱟᱹᱴᱷᱩᱣᱟᱹ ᱚᱠᱛᱮ ᱠᱷᱚᱱ ᱜᱮ ᱡᱚᱜᱚᱱᱱᱟᱛᱷ ᱫᱚ ᱚᱱᱚᱬᱦᱮᱸ ᱚᱞ ᱮ ᱮᱦᱚᱵ ᱞᱮᱫᱟ᱾ ᱛᱟᱭᱚᱢ ᱛᱮ ᱟᱭᱢᱟ ᱚᱱᱚᱬᱦᱮᱸᱭ ᱚᱞ ᱟᱠᱟᱫᱟ, ᱟᱡᱟᱜ ᱚᱱᱚᱬᱦᱮᱸ ᱠᱚ ᱯᱚᱪᱷᱤᱢ ᱵᱟᱝᱞᱟ, ᱛᱮᱛᱨᱮ, ᱥᱤᱞᱤ ᱮᱢᱟᱱ ᱯᱟᱛᱷᱟᱢ ᱨᱮ ᱪᱷᱟᱯᱟ ᱟᱠᱟᱱᱟ᱾ ᱡᱚᱜᱚᱱᱱᱟᱛᱷ ᱟᱜ ᱚᱱᱚᱬᱦᱮ ᱚᱞ ᱦᱚᱨᱟ ᱟᱨ ᱪᱷᱟᱸᱫᱟ ᱵᱮᱵᱷᱟᱨ ᱨᱮᱭᱟᱜ ᱦᱩᱱᱟᱹᱨ ᱥᱟᱹᱨᱤ ᱜᱮ ᱥᱟᱨᱦᱟᱣ ᱞᱮᱠᱟᱱᱟᱜ ᱠᱟᱱᱟ᱾ ᱚᱱᱚᱬᱦᱮᱸ ᱥᱟᱶ ᱥᱟᱶᱛᱮ ᱩᱱᱤ ᱫᱚ ᱠᱟᱹᱦᱱᱤ ᱦᱚᱸᱭ ᱚᱞᱮᱫ ᱛᱟᱦᱮᱸᱫ᱾
ᱟᱡᱟᱜ ᱫᱩᱞᱤ ᱪᱮᱛᱟᱱ ᱱᱚᱣᱟ ᱚᱱᱚᱬᱦᱮᱸ ᱯᱩᱛᱷᱤ ᱞᱟᱹᱜᱤᱫ ᱯᱚᱪᱷᱤᱢ ᱵᱟᱝᱞᱟ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱑᱙᱘᱙ ᱥᱮᱨᱢᱟ ᱨᱮ ᱩᱱᱤ ᱫᱚ ᱢᱟᱱᱚᱛᱟᱱ (ᱜᱩᱱᱤᱡᱚᱱ) ᱞᱮᱠᱟᱛᱮ ᱠᱚ ᱢᱟᱹᱱ ᱟᱠᱟᱫᱮᱭᱟ᱾ ᱡᱚᱜᱚᱱᱱᱟᱛᱷ ᱥᱚᱨᱮᱱ ᱫᱚ ᱱᱟᱱᱟᱼᱦᱩᱱᱟᱹᱨ ᱜᱚᱱᱚᱴᱷᱚᱱ ᱥᱟᱶ ᱡᱚᱯᱲᱟᱣ ᱛᱟᱦᱮᱸ ᱠᱟᱛᱮ ᱯᱟᱹᱨᱥᱤ ᱦᱟᱨᱟᱢ ᱵᱩᱨᱩ ᱨᱮᱭ ᱠᱟᱹᱢᱤ ᱠᱟᱱᱟ᱾
This article uses material from the Wikipedia ᱥᱟᱱᱛᱟᱲᱤ article ᱡᱚᱜᱚᱱᱱᱟᱛᱷ ᱥᱚᱨᱮᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.