ᱠᱨᱤᱛᱤ ᱥᱚᱱᱚᱱ
ᱠᱨᱤᱛᱤ ᱥᱚᱱᱚᱱ (ᱡᱟᱱᱟᱢ: ᱒᱗ ᱡᱩᱞᱟᱭ ᱑᱙᱙᱐) ᱫᱚ ᱢᱤᱫ ᱥᱤᱧᱚᱛᱤᱭᱟᱹ ᱯᱷᱤᱞᱢ ᱮᱠᱴᱨᱮᱥ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱦᱤᱱᱫᱤ ᱟᱨ ᱛᱮᱞᱩᱜᱩ ᱯᱷᱤᱞᱢ ᱨᱮ ᱯᱟᱴ-ᱟᱭ ᱾ ᱠᱨᱤᱛᱤ ᱢᱚᱰᱮᱞᱤᱝ ᱮᱦᱚᱵ ᱠᱮᱫᱞᱛᱟᱭᱚᱢ ᱥᱩᱠᱩᱢᱟᱨ ᱟᱜ ᱯᱷᱤᱞᱢ ᱱᱮᱱᱩ ᱳᱠᱠᱟᱰᱤᱱᱮ ᱨᱮ ᱢᱚᱦᱮᱥ ᱵᱟᱵᱩ ᱥᱟᱶ ᱯᱩᱭᱞᱩ ᱯᱷᱤᱞᱢ ᱨᱮ ᱯᱟᱴ ᱞᱮᱫ-ᱟᱭ ᱾ ᱛᱮᱞᱩᱜᱩ ᱯᱷᱤᱞᱢ ᱨᱮ ᱯᱟᱴ ᱠᱮᱫ ᱛᱟᱭᱚᱢ ᱠᱨᱤᱛᱤ ᱫᱚ ᱦᱤᱱᱫᱤ ᱯᱷᱤᱞᱢ ᱦᱤᱨᱚᱯᱟᱱᱛᱤ ᱨᱮ ᱮᱠᱴᱚᱨ ᱴᱟᱭᱜᱚᱨ ᱥᱷᱨᱚᱯᱷ ᱥᱟᱶ ᱯᱟᱴ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱠᱨᱤᱛᱤ ᱫᱚ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱨᱮᱱᱟᱜ ᱮᱠᱴᱤᱝ ᱞᱟᱹᱜᱤᱫ ᱛᱮ ᱯᱷᱤᱞᱢ ᱯᱷᱮᱭᱟᱨ ᱨᱮᱱᱟᱜ ᱥᱚᱨᱮᱥ ᱱᱟᱶᱟ ᱮᱠᱴᱨᱮᱥ ᱞᱮᱠᱟᱛᱮ ᱢᱟᱹᱱ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱛᱟᱭᱚᱢ ᱠᱨᱤᱛᱤ ᱛᱤᱱᱟᱹᱝ ᱜᱟᱱ ᱛᱮᱞᱩᱜᱩ ᱟᱨ ᱫᱤᱞᱣᱟᱞᱮ ᱞᱮᱠᱟᱱ ᱦᱤᱱᱫᱤ ᱯᱷᱤᱞᱢ ᱨᱮ ᱮᱠᱴᱤᱝ ᱞᱮᱫ ᱛᱟᱦᱮᱸᱫ ᱾
ᱯᱩᱭᱞᱩ ᱡᱤᱭᱚᱱ
ᱠᱨᱤᱛᱤ ᱒᱗ ᱡᱩᱞᱟᱭ ᱑᱙᱙᱐ ᱥᱟᱹᱦᱤᱛ ᱨᱮ ᱫᱤᱞᱞᱤ ᱨᱮ ᱡᱟᱱᱟᱢ ᱞᱮᱱ ᱛᱟᱦᱮᱸᱫ ᱾ ᱟᱡᱤᱡ ᱟᱯᱟᱛ ᱨᱟᱦᱩᱞ ᱥᱚᱱᱚᱱ ᱫᱚ ᱢᱤᱫ ᱪᱟᱨᱴᱟᱨᱰ ᱟᱠᱟᱣᱱᱴᱟᱱᱴ ᱟᱨ ᱮᱸᱜᱟᱛ ᱜᱤᱛᱟ ᱥᱚᱱᱚᱱ ᱫᱚ ᱫᱤᱞᱞᱤ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱤᱱᱤᱡ ᱢᱟᱞᱟᱭᱱᱤ ᱛᱟᱦᱮᱸ ᱠᱟᱱᱟ ᱾ ᱠᱨᱤᱛᱤ ᱥᱚᱱᱚᱱ ᱠᱷᱚᱱ ᱦᱩᱰᱤᱧ ᱢᱤ ᱵᱚᱠᱚᱛ ᱠᱩᱲᱤ ᱢᱮᱱᱟᱭᱟ, ᱩᱱᱤᱭᱟᱜ ᱧᱩᱛᱩᱢ ᱫᱚ ᱱᱩᱯᱩᱨ ᱥᱚᱱᱚᱱ ᱾ ᱠᱨᱤᱛᱤ ᱫᱚ ᱟᱨ-ᱠᱮ ᱯᱩᱨᱚᱢ ᱨᱮᱱᱟᱜ ᱫᱤᱞᱞᱤ ᱯᱚᱵᱽᱞᱤᱠ ᱟᱥᱲᱟ ᱠᱷᱚᱱ ᱥᱮᱪᱮᱫ ᱯᱩᱨᱟᱹᱣ ᱠᱟᱛᱮ ᱤᱞᱮᱠᱴᱨᱚᱱᱤᱠᱥ ᱠᱚᱢᱩᱱᱤᱠᱮᱥᱚᱱ (Electronic communication) ᱨᱮ ᱥᱚᱱᱮᱨ ᱥᱤᱫ ᱞᱮᱫ ᱛᱟᱦᱮᱸᱫ ᱾
ᱮᱠᱴᱤᱝ ᱡᱤᱭᱚᱱ
ᱠᱨᱤᱛᱤ ᱫᱚ ᱒᱐᱑᱔ ᱥᱟᱹᱦᱤᱛ ᱨᱮ ᱛᱮᱞᱩᱜᱩ ᱯᱷᱤᱞᱢ ᱱᱮᱱᱩ ᱳᱠᱠᱟᱰᱱᱤ ᱨᱮ ᱢᱚᱦᱮᱥ ᱵᱟᱵᱩ ᱥᱟᱶᱛᱮ ᱮᱠᱴᱤᱝ ᱮ ᱮᱦᱚᱵ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱴᱟᱜᱚᱨ ᱥᱨᱚᱯᱷ ᱥᱟᱶ ᱦᱤᱱᱫᱤ ᱯᱷᱤᱞᱢ ᱦᱤᱨᱚᱯᱟᱯᱟᱱᱛᱤ ᱨᱮ ᱮᱠᱴᱤᱝ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱯᱷᱤᱞᱢ ᱞᱟᱹᱜᱤᱫ ᱛᱮ ᱠᱨᱤᱛᱤ ᱫᱚ ᱥᱚᱨᱮᱥ ᱱᱟᱶᱟ ᱮᱠᱴᱨᱮᱥ ᱞᱮᱠᱟᱛᱮ ᱯᱷᱤᱞᱢ ᱯᱷᱮᱭᱟᱨ ᱢᱟᱹᱱ ᱥᱤᱨᱯᱷᱟᱹᱭ ᱧᱟᱢ ᱞᱮᱫ ᱛᱟᱦᱮᱸᱫ ᱾ ᱱᱚᱶᱟ ᱛᱟᱭᱚᱢ ᱠᱨᱤᱛᱤ ᱛᱮᱞᱩᱜᱩ ᱯᱷᱤᱞᱢ ᱫᱳᱦᱚᱪᱟᱭ ᱨᱮ ᱮᱠᱴᱚᱨ ᱱᱟᱜᱟ ᱪᱚᱭᱛᱚᱱᱭᱚ ᱚᱠᱠᱤᱱᱮᱱᱤ ᱥᱟᱶ ᱮ ᱮᱠᱴᱤᱝ ᱞᱮᱫ ᱛᱟᱦᱮᱸᱫ ᱾ ᱚᱱᱟ ᱛᱟᱭᱚᱢ ᱩᱱᱤ ᱫᱚ ᱨᱳᱦᱤᱛ ᱥᱮᱴᱴᱤ ᱟᱜ ᱦᱤᱱᱫᱤ ᱯᱷᱤᱞᱢ ᱫᱤᱞᱣᱟᱞᱮ ᱨᱮᱦᱚᱸᱭ ᱮᱠᱴᱤᱝ ᱞᱮᱫ ᱛᱟᱦᱮᱸᱫ ᱾ ᱠᱨᱤᱛᱤ ᱫᱚ ᱯᱷᱤᱞᱢ ᱥᱟᱶᱛᱮ ᱛᱤᱢᱤᱱ ᱜᱟᱱ ᱟᱞᱵᱚᱢ ᱠᱚᱨᱮ ᱦᱚᱸᱭ ᱯᱟᱴ ᱟᱠᱟᱫ-ᱟ ᱾
ᱮᱴᱟᱜ ᱠᱟᱹᱢᱤ
ᱠᱨᱤᱛᱤ ᱥᱟᱱᱚᱱ ᱫᱚ ᱛᱤᱢᱤᱱ ᱜᱟᱱ ᱵᱽᱨᱟᱸᱰ ᱟᱨ ᱥᱟᱢᱟᱱ (products) ᱨᱤᱱᱤᱡ ᱥᱮᱞᱤᱵᱽᱨᱤᱴᱤ ᱮᱱᱰᱚᱨᱥᱚᱨ ᱠᱟᱱᱟᱭ ᱾ ᱴᱟᱭᱴᱟᱱ ᱜᱷᱩᱲᱤ (Titan watch), ᱨᱟᱜᱟ ᱠᱚᱞᱮᱠᱥᱚᱱ (Raga collections), ᱯᱟᱨᱟᱪᱩᱴ (Parachute), ᱳᱨᱵᱟᱱᱠᱞᱟᱯ (UrbanClap) ᱥᱟᱶᱛᱮ ᱟᱨᱦᱚᱸ ᱟᱭᱢᱟ ᱯᱨᱚᱰᱚᱠᱴᱥ ᱨᱤᱱᱤᱡ ᱥᱮᱞᱤᱵᱽᱨᱤᱴᱤ ᱮᱱᱰᱚᱨᱥᱚᱨ ᱞᱮᱠᱟᱛᱮ ᱢᱮᱱᱟᱭᱟ ᱾
ᱥᱮᱯᱴᱮᱢᱵᱚᱨ ᱒᱐᱑᱖ ᱨᱮ ᱠᱨᱤᱛᱤ ᱥᱟᱱᱚᱱ ᱫᱚ ᱟᱡᱟᱜ ᱞᱩᱜᱽᱲᱤ ᱞᱟᱭᱮᱱ (clothing line) ᱮ ᱩᱰᱷᱟᱹᱣ ᱠᱮᱫ-ᱟ, ᱡᱟᱦᱟᱸ ᱫᱚ 'ᱮᱢᱼᱮᱥ ᱴᱮᱠᱮᱱ'(Ms. Taken) ᱮ ᱧᱩᱛᱩᱢ ᱟᱠᱟᱫ-ᱟ ᱾
ᱥᱟᱹᱠᱷᱭᱟᱹᱛ
This article uses material from the Wikipedia ᱥᱟᱱᱛᱟᱲᱤ article ᱠᱨᱤᱛᱤ ᱥᱚᱱᱚᱱ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.