ᱫᱨᱚᱣᱯᱚᱫᱤ ᱢᱩᱨᱢᱩ: ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ
ᱫᱨᱚᱣᱯᱚᱫᱤ ᱢᱩᱨᱢᱩ ᱫᱚ (ᱡᱟᱱᱟᱢ ᱒᱐ ᱡᱩᱱ ᱑᱙᱕᱘) ᱢᱤᱫ ᱥᱤᱧᱚᱛᱤᱭᱟᱹ ᱨᱟᱡᱽ ᱟᱹᱨᱤ ᱠᱟᱱᱟᱭ, ᱱᱩᱭ ᱫᱚ ᱒᱕ ᱡᱩᱞᱟᱭ ᱒᱐᱒᱒ ᱠᱷᱚᱱ ᱥᱤᱧᱚᱛ ᱨᱤᱱᱤᱡ ᱑᱕ ᱟᱱᱤᱡ ᱟᱨ ᱱᱤᱛᱚᱜ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱠᱟᱹᱢᱤ ᱮᱫᱟᱭ ᱾ ᱱᱩᱭ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱨᱤᱱᱤᱡ ᱥᱚᱦᱮᱫ ᱠᱟᱱᱟᱭ ᱾ ᱱᱩᱭ ᱫᱚ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱵᱟᱪᱷᱱᱟᱣ ᱭᱤᱡ ᱟᱹᱫᱤᱵᱟᱹᱥᱤ ᱜᱩᱴ ᱥᱟᱶ ᱡᱚᱲᱟᱣ ᱟᱠᱟᱱ ᱯᱩᱭᱞᱩ ᱦᱚᱲ ᱠᱟᱱᱟᱭ ᱾ ᱢᱩᱨᱢᱩ ᱫᱚ ᱯᱨᱚᱛᱤᱵᱷᱟ ᱯᱟᱴᱤᱞ ᱛᱟᱭᱚᱢ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ ᱞᱮᱠᱟᱛᱮ ᱥᱮᱵᱟ ᱭᱤᱡ ᱢᱤᱫᱴᱟᱹᱝ ᱫᱚᱥᱟᱨ ᱛᱤᱨᱞᱟᱹ ᱠᱟᱱᱟᱭ ᱾ ᱩᱱᱤ ᱫᱚ ᱱᱚᱣᱟ ᱯᱚᱫᱽ ᱫᱷᱟᱨᱚᱬ ᱨᱤᱡ ᱳᱰᱤᱥᱟ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱠᱟᱱᱟᱭ ᱟᱨ ᱫᱤᱥᱚᱢ ᱨᱤᱱᱤᱡ ᱟᱹᱰᱤ ᱠᱚᱢ ᱩᱢᱚᱨᱤᱡ ᱫᱤᱥᱚᱢ ᱜᱚᱢᱠᱮ ᱠᱟᱱᱟᱭ ᱟᱨ ᱥᱤᱧᱚᱛ ᱨᱤᱱᱤᱡ ᱯᱷᱩᱨᱜᱟᱹᱞ ᱛᱟᱭᱚᱢ ᱡᱟᱱᱟᱢ ᱟᱠᱟᱱ ᱯᱩᱭᱞᱩ ᱦᱚᱲ ᱠᱟᱱᱟᱭ ᱾ ᱩᱱᱤᱫᱚ ᱯᱩᱭᱞᱩ ᱒᱐᱑᱕ ᱠᱷᱚᱱ ᱒᱐᱒᱑ ᱥᱟᱞ ᱫᱷᱟᱹᱵᱤᱡ ᱡᱷᱟᱨᱠᱷᱚᱸᱰ ᱯᱚᱱᱚᱛ ᱨᱤᱱᱤᱡ ᱟᱨᱮ ᱟᱱᱤᱡ ᱯᱚᱱᱚᱛ ᱜᱚᱢᱠᱮ (ᱨᱟᱡᱽᱭᱚᱯᱟᱞ) ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱼᱟᱭ ᱾ ᱱᱩᱭ ᱫᱚ ᱢᱚᱬᱮ ᱥᱮᱨᱢᱟ ᱠᱟᱹᱢᱤ ᱯᱩᱨᱟᱹᱣ ᱤᱡ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱩᱭᱞᱩ ᱯᱚᱱᱚᱛ ᱜᱚᱢᱠᱮ ᱠᱟᱱᱟᱭ, ᱩᱱᱤ ᱫᱚ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ ᱠᱷᱚᱱᱟᱜ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱨᱟᱭᱨᱚᱝᱯᱩᱨ ᱠᱷᱚᱱ ᱵᱟᱨ ᱫᱷᱟᱣ (᱒᱐᱐᱐ ᱟᱨ ᱒᱐᱐᱔) ᱳᱰᱤᱥᱟ ᱵᱤᱫᱷᱟᱱᱥᱚᱵᱷᱟ ᱛᱮ ᱵᱟᱪᱷᱚᱱ ᱞᱮᱱᱟᱭ ᱾ ᱩᱱᱤ ᱫᱚ ᱳᱰᱤᱥᱟ ᱯᱚᱱᱚᱛ ᱠᱷᱚᱱᱟᱜ ᱯᱩᱭᱞᱩ ᱛᱤᱨᱞᱟᱹ, ᱥᱤᱧᱚᱛ ᱠᱷᱚᱱᱟᱜ ᱯᱩᱭᱞᱩ ᱥᱟᱱᱛᱟᱲ ᱨᱟᱡᱽᱭᱚᱯᱟᱞ ᱠᱟᱱᱟᱭ ᱾ ᱵᱤᱡᱩ ᱡᱚᱱᱛᱟ ᱫᱚᱞ ᱟᱨ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱥᱚᱧᱚᱛ ᱥᱚᱨᱠᱟᱨ ᱚᱠᱛᱮ ᱵᱟᱹᱱᱤᱡ ᱟᱨ ᱜᱚᱢᱱᱟᱜᱚᱢᱚᱱ ᱢᱚᱱᱛᱨᱤ ᱞᱮᱠᱟᱛᱮ ᱖ ᱢᱟᱨᱪ ᱒000 ᱠᱷᱚᱱᱟᱜ ᱖ ᱚᱜᱚᱥᱴ ᱒᱐᱐᱒ ᱦᱟᱹᱵᱤᱡ ᱮ ᱠᱟᱹᱢᱤ ᱞᱮᱜᱼᱟ ᱾ ᱖ ᱚᱜᱚᱥᱴ ᱒᱐᱐᱒ ᱠᱷᱚᱱ ᱑᱖ ᱢᱮ ᱒᱐᱐᱔ ᱦᱟᱹᱵᱤᱡ ᱫᱚ ᱦᱟᱹᱠᱩ ᱟᱨ ᱯᱚᱥᱣᱟᱸ ᱥᱮᱛᱮᱫ ᱢᱚᱱᱛᱨᱤ ᱛᱟᱦᱮᱸ ᱠᱟᱱᱟᱭ ᱾
| ᱫᱨᱚᱣᱯᱚᱫᱤ ᱢᱩᱨᱢᱩ | |
|---|---|
 ᱟᱹᱢᱟᱹᱞᱮᱛ ᱯᱚᱨᱴᱨᱮᱴ, ᱒᱐᱒᱒ | |
| ᱑᱕ ᱟᱱᱤᱡ ᱥᱤᱧᱚᱛ ᱨᱤᱱᱤᱡ ᱫᱤᱥᱚᱢ ᱜᱚᱢᱠᱮ | |
| Taking office ᱒᱕ ᱡᱩᱞᱟᱭ ᱒0᱒᱒ | |
| ᱢᱟᱨᱟᱝ ᱢᱱᱛᱨᱤ | ᱱᱚᱨᱮᱱᱫᱽᱨᱚ ᱢᱳᱫᱤ |
| Vice President | ᱵᱷᱮᱱᱠᱟᱭᱟ ᱱᱟᱭᱰᱩ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱨᱟᱢ ᱱᱟᱛᱷ ᱠᱚᱵᱤᱱᱫᱽ |
| ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ | |
| ᱟᱹᱢᱟᱹᱞᱤ ᱨᱮ ᱑᱘ ᱢᱮ ᱒᱐᱑᱕ – ᱖ ᱡᱩᱞᱟᱭ ᱒᱐᱒᱑ | |
| ᱥᱤᱨᱟᱹ ᱢᱚᱱᱛᱨᱤ | ᱨᱟᱹᱜᱷᱩᱵᱚᱨ ᱫᱟᱥ ᱦᱮᱢᱚᱱᱛ ᱥᱚᱨᱮᱱ |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱥᱮᱭᱟᱫᱽ ᱟᱦᱢᱟᱫᱽ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱨᱚᱢᱮᱥ ᱵᱟᱭᱥ |
| Assembly Member for ᱨᱟᱭᱨᱚᱝᱯᱩᱨ | |
| ᱟᱹᱢᱟᱹᱞᱤ ᱨᱮ ᱒᱐᱐᱙ – ᱑᱘ ᱢᱮ ᱒᱐᱑᱕ | |
| ᱥᱟᱫᱽᱥᱭᱟ, ᱳᱰᱤᱥᱟ ᱯᱚᱱᱚᱛ ᱫᱚᱨᱵᱟᱨ ᱯᱚᱨᱤᱥᱚᱫᱽ | |
| ᱟᱹᱢᱟᱹᱞᱤ ᱨᱮ ᱒᱐᱐᱐ – ᱒᱐᱐᱙ | |
| ᱢᱟᱬᱟᱝ ᱟᱹᱢᱟᱹᱞᱤᱭᱟᱹ | ᱞᱟᱥᱢᱟᱱ ᱢᱟᱡᱷᱤ |
| ᱛᱟᱭᱚᱢ ᱟᱹᱢᱟᱹᱞᱤᱭᱟᱹ | ᱥᱭᱚᱢ ᱪᱚᱨᱚᱱ ᱦᱟᱸᱥᱫᱟᱜ |
| ᱯᱟᱨᱥᱚᱱᱟᱞ ᱵᱤᱵᱚᱨᱚᱱ | |
| ᱡᱟᱱᱟᱢ | ᱒᱐ ᱡᱩᱱ ᱑᱙᱕᱘ ᱢᱚᱭᱩᱨᱵᱷᱚᱸᱡᱽ, ᱳᱰᱤᱥᱟ, ᱥᱤᱧᱚᱛ |
| ᱨᱟᱡᱽᱟᱹᱨᱤ ᱫᱚᱞ | ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ |
| ᱡᱤᱭᱚᱱ ᱥᱚᱦᱮᱫ | ᱥᱭᱟᱢ ᱪᱚᱨᱚᱱ ᱢᱩᱨᱢᱩ |
| ᱦᱚᱯᱚᱱ | ᱓ |
| ᱥᱮᱪᱮᱫ ᱟᱠᱷᱲᱟ | ᱨᱚᱢᱟ ᱫᱮᱵᱤ ᱛᱤᱨᱞᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱵᱷᱩᱵᱽᱱᱮᱥᱚᱨ |
| ᱠᱟᱹᱢᱤ | ᱨᱟᱡᱽᱟᱹᱨᱤ |
ᱮᱛᱚᱦᱚᱵ ᱡᱤᱭᱚᱱ
ᱫᱨᱚᱣᱯᱚᱫᱤ ᱢᱩᱨᱢᱩ ᱫᱚ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱟᱭᱨᱚᱝᱯᱩᱨ ᱥᱩᱨ ᱵᱚᱭᱫᱟᱯᱳᱥᱤ ᱟᱹᱛᱩ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱟᱡ ᱵᱟᱵᱟ ᱫᱚ ᱵᱤᱨᱚᱱᱪᱤ ᱱᱟᱨᱟᱭᱚᱱ ᱴᱩᱰᱩ ᱾
ᱱᱤᱡᱚᱨ ᱡᱤᱭᱚᱱ
ᱫᱨᱚᱣᱯᱚᱫᱤ ᱢᱩᱨᱢᱩ ᱫᱚ ᱥᱭᱟᱢ ᱪᱚᱨᱚᱱ ᱢᱩᱨᱢᱩ ᱥᱟᱶᱮ ᱵᱟᱯᱞᱟ ᱟᱠᱟᱱᱟ ᱾ ᱟᱹᱠᱤᱱ ᱨᱤᱱ ᱫᱚ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱟᱨ ᱢᱤᱫᱴᱟᱹᱝ ᱫᱚ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ ᱾ ᱢᱩᱨᱢᱩ ᱜᱚᱢᱠᱮ ᱛᱤᱠᱤᱱᱟᱹᱜ ᱡᱤᱭᱚᱱ ᱫᱚ ᱟᱹᱰᱤ ᱫᱩᱠᱷ ᱵᱷᱟᱵᱽᱱᱟ ᱜᱷᱚᱴᱚᱱ ᱥᱟᱶᱛᱮ ᱯᱟᱨᱚᱢ ᱟᱠᱟᱱᱟ, ᱟᱡᱟᱜ ᱢᱮᱫ ᱛᱮᱜᱮ ᱡᱤᱛᱟᱹ ᱟᱨ ᱵᱟᱨᱭᱟ ᱦᱚᱯᱚᱱ ᱠᱤᱱᱟᱹᱜ ᱵᱚᱸᱜᱟ ᱛᱟᱞᱟᱜ ᱧᱮᱞ ᱟᱠᱟᱫᱟᱠᱤᱱ ᱾ ᱨᱳᱢᱟᱫᱮᱵᱤ ᱣᱳᱢᱮᱱᱥ (ᱚᱴᱚᱱᱳᱢᱳᱥ) ᱠᱮᱞᱮᱡᱽ, ᱵᱷᱩᱵᱽᱱᱮᱥᱚᱨ ᱠᱷᱚᱱ ᱥᱚᱱᱮᱨ (BA) ᱦᱟᱹᱵᱤᱡ ᱯᱚᱲᱦᱚᱱ ᱠᱤᱱ ᱥᱟᱹᱛ ᱟᱠᱟᱫᱟ ᱾
ᱠᱟᱹᱢᱤ ᱡᱤᱭᱚᱱ
ᱳᱰᱤᱥᱟ ᱥᱚᱨᱠᱟᱨ ᱛᱟᱹᱨᱤ ᱨᱮ "ᱫᱟᱜ ᱯᱟᱴᱟᱱ ᱟᱨ ᱵᱤᱡᱽᱞᱤ ᱵᱤᱵᱷᱟᱜᱽ" ᱨᱮ ᱠᱟᱹᱢᱤ ᱟᱠᱟᱫᱟᱭ ᱾ ᱚᱱᱟ ᱛᱟᱭᱚᱢ ᱨᱟᱭᱨᱚᱝᱯᱩᱨ ᱨᱮ ᱢᱮᱱᱟᱜ "ᱥᱨᱤ ᱚᱨᱚᱵᱤᱱᱫᱚ ᱤᱱᱴᱤᱜᱽᱨᱟᱞ ᱮᱡᱩᱠᱮᱥᱚᱱ ᱨᱮ" ᱢᱟᱪᱮᱛᱟᱹᱱᱤ ᱞᱮᱠᱟᱭ ᱠᱟᱹᱢᱤ ᱟᱠᱟᱫᱟ ᱾
ᱨᱟᱡᱽ ᱟᱹᱨᱤ ᱡᱤᱭᱚᱱ
᱑᱙᱙᱗ ᱥᱟᱞ ᱨᱮ ᱨᱟᱡᱽ ᱟᱹᱨᱤ ᱛᱮ ᱵᱚᱞᱚ ᱞᱮᱱᱟᱭ ᱫᱨᱚᱣᱯᱚᱫᱤ ᱢᱩᱨᱢᱩ ᱾ ᱑᱙᱙᱗ ᱨᱮ ᱣᱟᱨᱰ ᱥᱚᱦᱮᱫ ᱞᱮᱠᱟᱛᱮ ᱵᱟᱪᱷᱱᱮᱱ ᱛᱟᱭᱚᱢ ᱨᱟᱭᱨᱚᱝᱯᱩᱨ ᱢᱟᱨᱮ ᱯᱟᱨᱥᱮᱛ ᱞᱮᱠᱟᱭ ᱠᱟᱹᱢᱤ ᱞᱮᱜᱼᱟ ᱾ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱠᱷᱚᱱᱟᱜ ᱛᱤᱸᱜᱩ ᱠᱟᱛᱮ ᱢᱚᱭᱩᱨᱵᱷᱚᱸᱡᱽ ᱦᱚᱱᱚᱛ ᱨᱮᱭᱟᱜ ᱨᱟᱭᱨᱚᱝᱯᱩᱨ ᱠᱷᱚᱱ ᱒᱐᱐᱐ ᱟᱨ ᱒᱐᱐᱔ ᱨᱮ ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱛᱮ ᱵᱟᱪᱷᱚᱱ ᱞᱮᱱᱟᱭ ᱾ ᱵᱤᱡᱩ ᱡᱚᱱᱛᱟ ᱫᱚᱞ ᱟᱨ ᱵᱷᱟᱨᱚᱛᱤᱭᱚ ᱡᱚᱱᱛᱟ ᱯᱟᱨᱴᱤ ᱥᱮᱞᱮᱫ ᱥᱚᱨᱠᱟᱨ ᱚᱠᱛᱮ ᱵᱟᱨ ᱠᱷᱮᱯ ᱨᱮ ᱵᱟᱨᱭᱟ ᱵᱤᱵᱷᱟᱜᱽ ᱨᱮᱭᱟᱜ ᱢᱚᱱᱛᱨᱤ ᱯᱚᱫᱽ ᱮ ᱥᱟᱢᱵᱽᱲᱟᱣ ᱞᱮᱫᱼᱟ ᱾ ᱑᱙᱙᱗ ᱥᱟᱞ ᱠᱷᱚᱱᱟᱜ ᱩᱱᱤ ᱵᱤᱹᱡᱮᱹᱯᱤᱹ ᱟᱹᱫᱤᱵᱟᱹᱥᱤ ᱢᱚᱨᱪᱟ ᱥᱟᱶ ᱡᱚᱲᱟᱣ ᱢᱮᱱᱟᱭᱟ ᱾ ᱒᱐᱑᱓ ᱮᱯᱨᱤᱞ ᱑᱐ ᱠᱷᱚᱱ ᱒᱐᱑᱕ ᱦᱟᱹᱰᱤᱡᱽ ᱵᱷᱟᱨᱚᱛᱤᱭᱚ ᱡᱚᱱᱚᱛᱟ ᱯᱟᱨᱴᱤ (ᱥᱟᱢᱟᱝ ᱱᱟᱠᱷᱟ) ᱦᱚᱱᱚᱛ ᱯᱟᱨᱥᱮᱛ ᱥᱟᱶᱛᱮ ᱱᱚᱣᱟ ᱯᱟᱨᱴᱤ ᱨᱤᱱᱤᱡ ᱜᱮ ᱟᱹᱫᱤᱵᱟᱹᱥᱤ ᱢᱳᱨᱪᱟ ᱨᱤᱱᱤᱡ ᱡᱟᱹᱛᱤᱭᱟᱹᱨᱤ ᱥᱚᱦᱮᱫ ᱦᱚᱸᱠᱤᱱ ᱛᱟᱦᱮᱸ ᱠᱟᱱᱟ ᱾
ᱵᱤᱫᱷᱟᱭᱚᱠ
᱒᱐᱐᱐ ᱠᱷᱚᱱ ᱒᱐᱐᱔ - ᱨᱟᱭᱨᱚᱝᱯᱩᱨ
᱒᱐᱐᱔ ᱠᱷᱚᱱ ᱒᱐᱐᱙ - ᱨᱟᱭᱨᱚᱝᱯᱩᱨ
ᱢᱚᱱᱛᱨᱤ
ᱯᱚᱱᱚᱛ ᱜᱚᱢᱠᱮ ᱯᱚᱫᱽ
ᱱᱩᱭ ᱫᱚ ᱡᱷᱟᱨᱠᱷᱚᱸᱰ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱯᱚᱱᱚᱛ ᱜᱚᱢᱠᱮᱭ ᱛᱟᱦᱮᱸ ᱠᱟᱱᱟᱭ ᱾ ᱱᱚᱣᱟ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱨᱮ ᱯᱚᱱᱚᱛ ᱜᱚᱢᱠᱮ ᱞᱮᱠᱟᱛᱮ ᱵᱟᱦᱟᱞᱤᱡ ᱳᱰᱤᱥᱟ ᱨᱤᱱᱤᱡ ᱯᱩᱭᱞᱩ ᱛᱤᱨᱞᱟᱹ ᱟᱹᱫᱤᱵᱟᱹᱥᱤ ᱨᱟᱡᱽᱟᱹᱨᱤᱭᱟᱹ ᱛᱟᱦᱮᱸ ᱠᱟᱱᱟᱭ ᱾
ᱫᱤᱥᱚᱢ ᱜᱚᱢᱠᱮ
᱒᱖ ᱡᱩᱞᱟᱭ ᱒᱐᱒᱒ ᱦᱤᱞᱚᱜ ᱫᱨᱚᱣᱯᱚᱫᱤ ᱢᱩᱨᱢᱩ ᱫᱚ ᱵᱷᱟᱨᱚᱛ ᱨᱮᱱᱤᱡ ᱑᱕ ᱟᱱᱤᱡ ᱫᱤᱥᱚᱢ ᱜᱚᱢᱠᱮ ᱦᱤᱥᱟᱹᱵᱽ ᱛᱮ ᱥᱚᱯᱚᱛᱷ ᱮ ᱦᱟᱛᱟᱣ ᱠᱮᱫᱟ ᱾ ᱵᱷᱟᱨᱚᱛ ᱨᱮᱱᱤᱡ ᱢᱩᱬᱩᱛ ᱡᱚᱥᱴᱤᱥ ᱮᱱᱹ ᱵᱷᱤᱹ ᱨᱚᱢᱚᱱᱚ ᱫᱤᱥᱚᱢ ᱜᱚᱢᱠᱮ ᱫᱚ ᱥᱚᱯᱚᱛᱷ ᱮ ᱦᱟᱛᱟᱣ ᱚᱪᱚ ᱠᱮᱫᱮᱭᱟ ᱾ ᱱᱚᱰᱮ ᱵᱷᱟᱨᱚᱛ ᱨᱮᱱ ᱢᱟᱨᱮ ᱫᱤᱥᱚᱢ ᱜᱚᱢᱠᱮ, ᱡᱚᱜᱚ ᱫᱤᱥᱚᱢ ᱜᱚᱢᱠᱮ, ᱢᱟᱨᱟᱝ ᱢᱚᱱᱛᱨᱤ ᱥᱟᱶ ᱮᱴᱟᱜ ᱢᱟᱨᱟᱝ ᱯᱮᱲᱟ ᱠᱚᱦᱚᱸ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ ᱾
ᱩᱱᱤ ᱫᱚ ᱵᱷᱟᱨᱚᱛ ᱫᱤᱥᱚᱢ ᱨᱮᱱᱤᱡ ᱯᱩᱭᱞᱩ ᱟᱹᱫᱤᱵᱟᱹᱥᱤ ᱟᱨ ᱯᱩᱭᱞᱩ ᱟᱹᱫᱤᱵᱟᱹᱥᱤ ᱛᱨᱞᱟᱹ ᱫᱤᱥᱚᱢ ᱜᱚᱢᱠᱮ ᱠᱟᱱᱟᱭ ᱾ ᱩᱱᱤ ᱫᱚ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨᱤᱡ ᱫᱤᱥᱚᱢ ᱜᱚᱢᱠᱮ ᱠᱟᱱᱟᱭ ᱟᱨ ᱵᱷᱟᱨᱚᱛ ᱫᱤᱥᱚᱢ ᱯᱷᱩᱨᱜᱟᱹᱞ ᱛᱟᱭᱚᱢ ᱡᱟᱱᱟᱢ ᱟᱠᱟᱱ ᱯᱩᱭᱞᱩ ᱫᱤᱥᱚᱢ ᱜᱚᱢᱠᱮ ᱠᱟᱱᱟᱭ ᱾ ᱢᱩᱨᱢᱩ ᱫᱚ ᱯᱨᱚᱛᱤᱵᱷᱟ ᱯᱟᱴᱤᱞ ᱛᱟᱭᱚᱢ ᱵᱷᱟᱨᱚᱛ ᱨᱮᱱᱤᱡ ᱫᱚᱥᱟᱨ ᱛᱤᱨᱞᱟᱹ ᱫᱤᱥᱚᱢ ᱜᱚᱢᱠᱮ ᱠᱟᱱᱟᱭ ᱾
ᱢᱟᱹᱱ ᱥᱚᱢᱢᱟᱱ
ᱳᱰᱤᱥᱟ ᱵᱤᱫᱷᱟᱱ ᱥᱚᱵᱷᱟ ᱫᱟᱨᱟᱭ ᱛᱮ ᱒᱐᱐᱗ ᱥᱮᱨᱢᱟ ᱞᱟᱹᱜᱤᱫ ᱥᱚᱨᱮᱥ ᱵᱤᱫᱷᱟᱭᱚᱠ ᱞᱮᱠᱟᱛᱮ ᱱᱤᱞᱠᱚᱱᱴᱷᱚ ᱥᱚᱢᱢᱟᱱ ᱛᱮᱠᱚ ᱢᱟᱹᱱ ᱟᱠᱟᱫᱮᱭᱟ ᱾
ᱥᱟᱹᱠᱷᱭᱟᱹᱛ
- https://www.duhoctrungquoc.vn/wiki/or/%E0%AC%A6%E0%AD%8D%E0%AC%B0%E0%AD%8C%E0%AC%AA%E0%AC%A6%E0%AD%80_%E0%AC%AE%E0%AD%81%E0%AC%B0%E0%AD%8D%E0%AC%AE%E0%AD%81
- http://www.odishahelpline.com/Profile-of-Smt-Droupadi-Murmu-of-RAIRANGPUR-constituency-4.html
- http://eci.nic.in/eci_main/electionanalysis/AE/S18/partycomp04.htm
ᱵᱟᱦᱨᱮ ᱡᱚᱱᱚᱲ
| ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱫᱨᱚᱣᱯᱚᱫᱤ ᱢᱩᱨᱢᱩ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱫᱨᱚᱣᱯᱚᱫᱤ ᱢᱩᱨᱢᱩ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.