ᱜᱷᱩᱨᱞᱟᱹᱣ ᱵᱟᱨᱰᱩ ᱥᱤᱰᱚᱨ
ᱜᱷᱩᱨᱞᱟᱹᱣ ᱵᱟᱨᱰᱩ ᱥᱤᱰᱚᱨ (ᱫᱚ ᱟᱹᱰᱤ ᱵᱚᱛᱚᱨᱟᱱ ᱜᱷᱩᱨᱞᱟᱹᱣ ᱵᱟᱨᱰᱩ ᱠᱟᱱᱟ ᱥᱤᱰᱚᱨ ᱠᱟᱱᱟ᱾ ᱤᱝᱨᱮᱡᱤ ᱛᱮᱫᱚ very severe cyclonic storm sidr) ᱱᱤᱭᱟᱹ ᱒᱐᱐᱗ ᱥᱮᱨᱢᱟ ᱨᱮ ᱵᱚᱝᱜᱚᱯᱚ ᱫᱚᱨᱮᱭᱟ ᱠᱷᱚᱱ ᱥᱤᱨᱡᱚᱱ ᱟᱠᱟᱱ ᱢᱤᱫᱴᱟᱝ ᱜᱷᱩᱨᱞᱟᱹᱣ ᱵᱟᱨᱰᱩ ᱠᱟᱱᱟ᱾ ᱒᱐᱐᱗ ᱥᱮᱨᱢᱟ ᱩᱛᱟᱹᱨ ᱥᱤᱧᱚᱛ ᱢᱚᱦᱟ ᱫᱚᱨᱮᱭᱟ ᱠᱷᱚᱱ ᱥᱤᱨᱡᱚᱱ ᱨᱮᱱᱟᱜ ᱱᱤᱭᱟᱹ ᱔ ᱟᱱᱟᱜ ᱧᱩᱛᱩᱢᱟᱱ ᱜᱷᱩᱨᱞᱟᱹᱣ ᱵᱟᱨᱰᱩ ᱠᱟᱱᱟ᱾ ᱱᱤᱭᱟᱹ ᱨᱮᱱᱟᱜ ᱟᱦᱚᱸ ᱢᱤᱫ ᱧᱩᱛᱩᱢ ᱢᱮᱱᱟᱜ-ᱟ ᱴᱨᱚᱯᱤᱠᱮᱞ ᱥᱟᱭᱠᱞᱚᱱ 0᱖ ᱵᱤ (tropical cyclone 06B)᱾ ᱥᱨᱤᱞᱚᱝᱠᱟ ᱯᱟᱹᱨᱥᱤ ᱛᱮ ᱥᱤᱰᱚᱨ ᱵᱟᱝᱛᱮ ᱢᱮᱛ ᱨᱮᱱᱟᱜ ᱞᱮᱠᱟ ᱧᱩᱛᱩᱢ ᱦᱩᱭᱟᱠᱟᱱᱟ᱾ ᱒᱐᱐᱗ ᱥᱮᱨᱢᱟ ᱑᱕ ᱱᱚᱵᱷᱮᱢᱵᱚᱨ ᱥᱮᱛᱟᱜ ᱫᱷᱟᱹᱵᱤᱡᱽ ᱛᱮ ᱱᱤᱭᱟᱹ ᱨᱮᱱᱟᱜ ᱦᱚᱭ ᱨᱟᱝᱜᱟᱣ ᱛᱟᱦᱮᱸ ᱠᱟᱱᱟ ᱴᱟᱲᱟᱝ (ᱜᱷᱚᱱᱴᱟ) ᱨᱮ ᱒᱕᱐ ᱠᱤᱞᱳᱢᱤᱴᱟᱨ ᱟᱨ ᱓᱐᱕ ᱠᱤᱞᱳᱢᱤᱴᱟᱨ ᱜᱷᱚᱱᱴᱟ ᱨᱮ ᱫᱚᱢᱠᱟ ᱦᱚᱭ᱾ ᱚᱱᱟ ᱠᱷᱟᱹᱛᱤᱨ ᱨᱟᱜ-ᱛᱮ ᱥᱟᱷᱤ ᱥᱤᱢᱯᱷᱤᱥᱚᱱ ᱮᱥᱠᱮᱞ ᱞᱮᱠᱟᱛᱮ ᱱᱤᱭᱟᱹ ᱫᱚ ᱠᱮᱴᱮᱜᱚᱨᱤ-᱕ ᱜᱷᱩᱨᱞᱟᱹᱣ ᱵᱟᱨᱰᱩ ᱠᱚ ᱢᱮᱛᱟᱣ ᱟᱠᱟᱫᱟ᱾ ᱱᱚᱵᱷᱮᱢᱵᱚᱨ ᱑᱘ ᱛᱟᱨᱤᱠ ᱟᱴᱷᱚᱣᱟᱨ ᱫᱷᱟᱹᱵᱤᱡ ᱛᱮ ᱥᱚᱨᱠᱟᱨᱤ ᱦᱤᱥᱟᱵᱽ ᱞᱮᱠᱟᱛᱮ ᱒,᱒᱑᱗ ᱜᱚᱴᱟᱝ ᱦᱚᱲ ᱠᱚ ᱜᱚᱡᱽ ᱞᱮᱱᱟ᱾ ᱵᱟᱝᱞᱟᱫᱮᱥ ᱥᱚᱨᱠᱟᱨ ᱚᱱᱟ ᱠᱷᱟᱹᱛᱤᱨ ᱨᱟᱜ-ᱛᱮ ᱱᱤᱭᱟᱹ ᱫᱚ ᱡᱟᱹᱛᱤᱭᱟᱹ ᱫᱩᱨᱡᱚᱜᱽ ᱢᱮᱱᱛᱮᱭ ᱜᱷᱚᱥᱚᱱᱟᱣ ᱟᱠᱟᱫᱟ᱾
ᱥᱤᱰᱚᱨ ᱨᱮᱱᱟᱜ ᱥᱮᱫᱟᱭ ᱠᱟᱛᱷᱟ
ᱟᱱᱫᱟᱢᱟᱱᱤ ᱫᱤᱵᱽᱯᱩᱧᱡᱚ ᱨᱮ ᱒᱐᱑᱗ ᱨᱮᱱᱟᱜ ᱱᱤᱭᱟᱹ ᱨᱮᱱᱟᱜ ᱥᱤᱨᱡᱚᱱ ᱦᱩᱭ ᱞᱮᱱᱟ᱾ ᱑᱑ ᱱᱚᱵᱷᱮᱢᱵᱚᱨ ᱱᱤᱭᱟᱹ ᱨᱮᱱᱟᱜ ᱱᱟᱥᱮ ᱥᱟᱱᱟᱭᱟ ᱧᱟᱢ ᱞᱮᱱᱟ᱾ ᱚᱱᱟ ᱫᱚᱥᱟᱨ ᱠᱷᱚᱱ ᱜᱮ ᱜᱷᱩᱨᱞᱟᱹᱣ ᱵᱟᱨᱰᱩ ᱨᱮ ᱢᱮᱥᱟᱣ ᱮᱱᱟ᱾ ᱵᱚᱝᱜᱚᱯᱚ ᱫᱚᱨᱮᱭᱟ ᱨᱮᱱᱟᱜ ᱟᱛᱩᱜ ᱫᱟᱜ ᱥᱟᱶ ᱟᱨᱦᱚᱸ ᱫᱟᱲᱮ ᱦᱟᱢᱮᱴ ᱛᱟᱭᱚᱢ ᱢᱤᱫ ᱢᱚᱦᱟᱢᱟᱨᱤ ᱫᱩᱨᱡᱚᱜᱽ-ᱮ ᱥᱤᱡᱚᱱ ᱠᱮᱫᱟ᱾
ᱥᱤᱰᱚᱨ ᱠᱷᱚᱱ ᱵᱟᱧᱪᱟᱣ ᱯᱨᱩᱥᱛᱩᱛ
᱑᱗ ᱱᱚᱵᱷᱮᱢᱵᱚᱨ ᱦᱤᱞᱟᱹᱜ ᱠᱮᱴᱚᱜᱚᱨᱤ-᱔ ᱥᱤᱡᱚᱱ ᱞᱮᱱ ᱜᱷᱩᱨᱞᱟᱹᱣ ᱵᱟᱨᱰᱩ ᱞᱟᱹᱜᱤᱫ ᱠᱚᱭᱮᱜ ᱜᱮᱥᱟᱭ(ᱦᱟᱡᱟᱨ) ᱥᱟᱨᱤ ᱥᱮᱵᱟ ᱞᱟᱹᱜᱤᱫ ᱥᱤᱧᱚᱛ ᱟᱨ ᱵᱟᱝᱞᱟᱫᱮᱥ ᱫᱚᱨᱮᱭᱟ ᱩᱯᱚᱠᱩᱞ ᱟᱲᱮ ᱠᱚᱨᱮ ᱠᱟᱹᱢᱤ ᱠᱚᱭ ᱪᱷᱩᱴᱟᱹᱣ ᱞᱮᱫ ᱠᱚᱣᱟ᱾ ᱵᱟᱝᱞᱟᱫᱮᱥ ᱨᱮᱱᱟᱜ ᱑᱑ ᱜᱚᱴᱟᱝ ᱩᱯᱚᱠᱩᱞ ᱨᱮ ᱔᱒ ᱦᱟᱡᱟᱨ ᱖᱗᱕ ᱜᱚᱴᱟᱝ ᱥᱟᱨᱤ ᱥᱮᱵᱟ ᱮᱢᱚᱜ ᱦᱚᱲᱠᱚᱭ ᱫᱚᱦᱚ ᱞᱮᱫ ᱠᱚᱣᱟ᱾ ᱟᱨ ᱩᱯᱚᱠᱩᱞ ᱟᱲᱮ ᱨᱮᱱ ᱦᱚᱲᱠᱚ ᱟᱥᱨᱚᱭᱠᱮᱫᱨᱚ ᱥᱮᱱᱚᱜ ᱞᱟᱹᱜᱤᱫ ᱢᱟᱭᱮᱠ ᱠᱟᱛᱮᱜ-ᱮ ᱵᱟᱰᱟᱭ ᱩᱚᱪᱩ ᱠᱮᱫᱟ᱾ ᱡᱚᱫᱤ ᱦᱚᱸ ᱩᱯᱚᱠᱩᱞ ᱠᱷᱚᱱ ᱦᱚᱲ ᱚᱪᱚᱜ ᱵᱮᱵᱥᱛᱷᱟ ᱦᱩᱭ ᱱᱟ, ᱤᱠᱷᱟᱱ ᱱᱚᱸᱰᱮ ᱕᱐,᱐᱐᱐ ᱦᱟᱡᱟᱨ ᱦᱚᱲᱟᱜ ᱡᱟᱜᱟ ᱢᱮᱱᱟᱜ-ᱟ᱾ ᱟᱭ-ᱮᱢ-ᱰᱤ ᱚᱰᱤᱥᱥᱟ ᱟᱨ ᱯᱚᱪᱷᱤᱢ ᱵᱟᱸᱜᱽᱞᱟ ᱑᱔ ᱛᱟᱨᱤᱠᱷ ᱨᱮ ᱵᱤᱯᱚᱫ ᱥᱚᱝᱠᱮᱛ-ᱮ ᱞᱟᱹᱭ ᱟᱠᱟᱫᱟ᱾ ᱟᱨ ᱧᱤᱫᱟᱹ ᱠᱷᱚᱱ ᱜᱮ ᱢᱚᱝᱞᱟ ᱵᱚᱱᱫᱚᱨ ᱨᱮᱱᱟᱜ ᱥᱟᱱᱟᱢᱟᱜ ᱠᱟᱹᱢᱤ ᱠᱚᱭ ᱵᱚᱱᱫᱷ ᱪᱟᱵᱟ ᱠᱮᱫᱟ᱾ ᱪᱚᱴᱴᱚᱜᱨᱟᱢ ᱦᱚᱱᱚᱛ ᱨᱮᱱᱟᱜ ᱥᱟᱦᱚ ᱟᱢᱟᱱᱚᱛ ᱟᱱᱛᱚᱨᱡᱟᱛᱤᱠ ᱵᱤᱢᱟᱱ ᱵᱚᱱᱫᱚᱨ ᱦᱚᱸ ᱵᱤᱢᱟᱱ ᱯᱷᱮᱰᱚᱜ-ᱮ ᱵᱚᱱᱫᱷ ᱠᱮᱫᱟ᱾ ᱵᱟᱹᱨᱰᱩ ᱞᱟᱹᱜᱤᱫ ᱛᱮ ᱰᱷᱟᱠᱟ ᱨᱮᱱᱟᱜ ᱡᱤᱭᱟ ᱟᱱᱛᱚᱨᱡᱟᱛᱤᱠ ᱵᱤᱢᱟᱱ ᱵᱚᱱᱫᱚᱨ ᱦᱚᱸ ᱦᱩᱥᱤᱭᱟᱨ ᱛᱟᱦᱮᱱ-ᱮ ᱢᱮᱛᱟᱜ ᱠᱚᱣᱟ᱾ ᱟᱨ ᱑᱕ ᱛᱟᱨᱤᱠ ᱠᱷᱚᱱ ᱫᱤᱥᱟᱹᱢ ᱨᱮᱱᱟᱜ ᱫᱟᱹᱠᱷᱤᱱ ᱱᱟᱠᱷᱟ ᱥᱮᱱᱚᱜ ᱰᱟᱦᱟᱨ ᱥᱮ ᱦᱟᱲ ᱥᱮᱱᱟᱜ ᱦᱚᱸᱭ ᱵᱚᱫᱷ ᱠᱮᱫᱟ᱾
ᱜᱷᱩᱨᱞᱟᱹᱣ ᱵᱟᱨᱰᱩ ᱱᱤᱛᱚᱜ-ᱟᱱ ᱡᱚᱱᱚᱲ ᱧᱮᱞ ᱞᱟᱹᱜᱤᱫ
ᱥᱟ.ᱠᱷᱭᱟ.ᱛ
This article uses material from the Wikipedia ᱥᱟᱱᱛᱟᱲᱤ article ᱜᱷᱩᱨᱞᱟᱹᱣ ᱵᱟᱨᱰᱩ ᱥᱤᱰᱚᱨ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.