ᱚᱱᱚᱱᱭᱟ ᱯᱟᱱᱰᱮ (ᱡᱟᱱᱟᱢ ᱓᱐ ᱚᱠᱴᱳᱵᱚᱨ ᱑᱙᱙᱘) ᱫᱚ ᱥᱤᱧᱚᱛᱤᱭᱟᱹ ᱟᱠᱴᱨᱮᱥ ᱠᱟᱱᱟᱭ, ᱟᱨ ᱵᱚᱞᱤᱣᱩᱰ ᱯᱷᱤᱞᱢ ᱨᱮ ᱠᱟᱢᱡᱤ ᱭᱟ ᱾ ᱱᱩᱭ ᱫᱚ ᱪᱩᱝᱠᱤ ᱯᱟᱱᱰᱮ-ᱤᱡ ᱦᱚᱯᱚᱱ ᱮᱨᱟᱛ ᱠᱟᱱᱟᱭ ᱾ ᱱᱩᱭ ᱫᱚ ᱒᱐᱑᱙ ᱨᱮ ᱥᱴᱩᱰᱮᱸᱴ ᱚᱯᱷ ᱫᱟ ᱭᱮᱨ ᱒ ᱠᱷᱚᱱ ᱠᱟᱹᱢᱤ ᱮᱦᱚᱵ ᱞᱮᱫᱼᱟ ᱟᱨ ᱚᱱᱟ ᱫᱚᱥᱟᱨ ᱠᱚᱢᱮᱰᱤ ᱯᱷᱤᱞᱢ ᱯᱚᱛᱤ ᱯᱚᱛᱱᱤ ᱚᱨ ᱣᱳ ᱨᱮ ᱠᱟᱹᱢᱤ ᱞᱮᱫᱼᱟ ᱾ ᱯᱩᱭᱞᱩ ᱯᱷᱤᱞᱢ ᱞᱟᱹᱜᱤᱱ ᱚᱱᱚᱱᱭᱟ ᱫᱚ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱯᱷᱤᱢᱮᱞ ᱰᱮᱵᱭᱩᱴ ᱥᱤᱨᱯᱷᱟᱹᱭ ᱧᱟᱢ ᱞᱮᱫᱼᱟ ᱾
ᱚᱱᱚᱱᱭᱟ ᱯᱟᱱᱰᱮ | |
---|---|
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱓᱐ ᱚᱠᱴᱚᱵᱚᱨ ᱑᱙᱙᱘ |
ᱱᱟᱹᱜᱟᱹᱨᱤᱭᱟᱹ | ᱵᱷᱟᱨᱚᱛᱤᱭᱚ |
ᱠᱟᱹᱢᱤ | ᱟᱠᱴᱨᱮᱥ |
ᱟᱯᱟᱛ ᱮᱸᱜᱟᱛ |
|
᱓᱐ ᱚᱠᱴᱳᱵᱚᱨ ᱑᱙᱙᱘ ᱥᱟᱹᱦᱤᱛ ᱨᱮ ᱚᱱᱚᱱᱭᱟ ᱫᱚ ᱪᱩᱝᱠᱤ ᱯᱟᱱᱰᱮ ᱠᱷᱚᱱ ᱡᱟᱱᱟᱢ ᱞᱮᱱᱟᱭ ᱾ ᱱᱩᱭ ᱫᱚ ᱒᱐᱑᱗ ᱥᱟᱹᱦᱤᱛ ᱨᱮ ᱫᱷᱤᱨᱩᱵᱟᱭᱤ ᱚᱢᱵᱟᱱᱤ ᱤᱱᱴᱚᱨᱱᱮᱥᱱᱟᱞ ᱥᱠᱩᱞ ᱠᱷᱚᱱᱟᱜ ᱜᱽᱨᱟᱡᱩᱭᱮᱴ ᱞᱮᱱᱟᱭ ᱾ ᱚᱱᱚᱱᱭᱟ ᱒᱐᱑᱗ ᱨᱮ ᱯᱭᱟᱨᱤᱥ ᱨᱮ ᱦᱩᱭ ᱞᱮᱱ ᱵᱷᱟᱱᱤᱴᱤ ᱯᱷᱮᱭᱟᱨ ᱨᱮᱭᱟᱜ ᱵᱟᱞ ᱫᱮᱥ ᱰᱮᱵᱩᱴᱟᱸᱴᱮᱥ ᱤᱵᱷᱮᱸᱴ ᱨᱮ ᱵᱷᱟᱜ ᱦᱟᱛᱟᱣ ᱞᱮᱫᱟᱭ ᱾
᱒᱐᱑᱙ ᱨᱮ ᱚᱱᱚᱱᱭᱟ ᱫᱚ ᱴᱟᱭᱜᱟᱨ ᱥᱨᱚᱯᱷ ᱟᱨ ᱛᱟᱨᱟ ᱥᱩᱛᱟᱨᱤᱭᱟ ᱥᱟᱶ ᱛᱮ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱥᱴᱩᱰᱮᱸᱴ ᱚᱯᱷ ᱫᱟ ᱭᱮᱨ ᱒ ᱨᱮ ᱠᱟᱹᱢᱤ ᱮᱦᱚᱵ ᱞᱮᱫᱟᱭ ᱾ ᱱᱚᱶᱟ ᱯᱷᱤᱞᱢ ᱫᱚ ᱫᱷᱚᱨᱢᱟ ᱯᱨᱚᱰᱚᱠᱥᱚᱱ ᱯᱟᱦᱴᱟ ᱠᱷᱚᱱ ᱯᱨᱚᱰᱭᱩᱥ ᱞᱮᱱᱟ ᱾ Scroll.in ᱞᱟᱹᱜᱤᱱ ᱚᱞ ᱚᱠᱛᱚᱨᱮ ᱱᱚᱱᱫᱤᱱᱤ ᱨᱟᱢᱱᱟᱛᱷ ᱚᱞ ᱠᱮᱫᱟᱭ ᱡᱮ, ᱚᱱᱚᱱᱭᱟ ᱫᱚ ᱱᱚᱶᱟ ᱯᱷᱤᱞᱢ ᱨᱮ ᱟᱹᱰᱤ ᱛᱮᱫ ᱱᱟᱯᱟᱭ ᱜᱮ ᱠᱟᱹᱢᱤ ᱟᱠᱟᱫᱟᱭ ᱾ ᱟᱠᱴᱤᱝ ᱨᱮ ᱫᱤᱞ ᱫᱟᱲᱮ ᱪᱟᱞ ᱱᱟᱯᱚᱲ ᱟᱠᱟᱫᱟᱭ ᱾ ᱛᱚᱵᱮ ᱱᱚᱶᱟ ᱯᱷᱤᱞᱢ ᱫᱚ ᱵᱚᱠᱥ ᱚᱯᱷᱤᱥ ᱨᱮ ᱵᱷᱟᱹᱜᱤ ᱨᱮᱠᱚᱰ ᱵᱟᱭ ᱵᱮᱱᱟᱣ ᱫᱟᱜᱲᱮᱭᱟᱫᱼᱟ ᱾ ᱚᱱᱚᱱᱭᱟ ᱫᱚᱥᱟᱨ ᱨᱮ ᱯᱚᱛᱤ ᱯᱚᱛᱱᱤ ᱚᱨ ᱣᱳ (᱒᱐᱑᱙) ᱨᱮ ᱠᱟᱹᱢᱤ ᱞᱮᱫᱼᱟᱭ ᱾ ᱱᱚᱶᱟ ᱯᱷᱤᱞᱢ ᱫᱚ ᱑᱙᱗᱘ ᱨᱮᱭᱟᱜ ᱯᱚᱛᱤ ᱯᱚᱛᱱᱩ ᱚᱨ ᱣᱳ ᱯᱷᱤᱞᱢ ᱨᱮᱭᱟᱜ ᱨᱤᱢᱮᱞ ᱠᱟᱱᱟ ᱾ ᱚᱱᱟ ᱯᱷᱤᱞᱢ ᱨᱮ ᱚᱱᱟᱱᱭᱟ ᱥᱟᱶ, ᱠᱟᱨᱛᱤᱠ ᱟᱨᱭᱟᱱ ᱟᱨ ᱵᱷᱩᱢᱤᱠᱟ ᱯᱮᱫᱱᱮᱠᱚᱨ ᱮᱢᱟᱱ ᱢᱮᱱᱟᱜ ᱠᱚᱣᱟ ᱾ ᱚᱱᱟ ᱨᱮ ᱱᱩᱭ ᱫᱚ ᱢᱤᱫ ᱥᱩᱛᱨᱮᱛᱟᱜ ᱠᱮᱨᱮᱠᱴᱚᱨ ᱨᱮ ᱠᱟᱹᱢᱤ ᱟᱠᱟᱫᱟᱭ, ᱡᱟᱦᱟᱸᱭ ᱫᱚ ᱵᱟᱹᱦᱩᱣᱟᱱ ᱠᱚᱲᱟ ᱥᱟᱝ ᱫᱩᱞᱟᱹᱲᱟᱭ ᱾ ᱚᱱᱟ ᱫᱚ ᱢᱩᱬᱩᱛ ᱨᱮ ᱨᱚᱧᱡᱤᱛᱟ ᱠᱚᱣᱨᱟᱜ ᱠᱮᱨᱮᱠᱴᱚᱨ ᱠᱟᱱᱟ ᱾ ᱮᱱ.ᱰᱤ.ᱴᱤ.ᱵᱷᱤ. ᱨᱤᱱᱤᱡ ᱥᱟᱭᱵᱟᱞ ᱪᱟᱴᱮᱨᱡᱤ ᱚᱞ ᱞᱮᱫᱟᱭ "ᱚᱱᱚᱱᱭᱟ ᱫᱚ ᱚᱥᱟᱨ ᱢᱮᱫ ᱟᱱ ᱪᱮᱦᱨᱟ ᱠᱩᱲᱤ ᱠᱟᱱᱟᱭ, ᱦᱤᱨᱚ ᱠᱚ ᱫᱚ ᱟᱡᱟᱜ ᱡᱟᱸᱜᱟ ᱞᱟᱛᱟᱨ ᱨᱮ ᱟᱪᱩᱨ ᱠᱚᱣᱟᱭ ᱛᱚᱵᱮ ᱱᱩᱭ ᱫᱚ ᱟᱡᱟᱜ ᱡᱟᱭᱜᱟ ᱜᱮ ᱵᱟᱭ ᱵᱟᱹᱜᱤ ᱭᱮᱫᱟ ᱾" ᱡᱮᱜᱮᱛ ᱡᱟᱠᱟᱛ ᱨᱮ 1.15 ᱵᱤᱞᱤᱭᱚᱱ (US$᱑᱖ ᱢᱤᱞᱤᱭᱚᱱ) ᱟᱠᱟᱭ ᱠᱟᱢᱟᱣ ᱠᱮᱫ ᱛᱟᱭᱚᱢ ᱱᱚᱶᱟ ᱫᱚ ᱟᱭᱢᱟ ᱠᱟᱹᱮᱰᱤ ᱫᱟᱲᱮ ᱧᱟᱢ ᱞᱮᱫᱼᱟ ᱾ ᱚᱱᱚᱱᱭᱟ ᱫᱚ ᱥᱴᱩᱰᱮᱸᱴ ᱚᱯᱷ ᱫᱚ ᱭᱮᱨ ᱒ ᱯᱷᱤᱞᱢ ᱠᱷᱟᱹᱛᱤᱨ ᱯᱷᱤᱞᱢ ᱯᱷᱮᱭᱟᱨ ᱟᱣᱟᱨᱰ ᱯᱷᱚᱨ ᱵᱮᱥᱴ ᱯᱷᱤᱢᱮᱞ ᱰᱮᱵᱩᱴ ᱧᱟᱢ ᱞᱮᱫᱟᱭ ᱾
ᱫᱟᱥᱟᱨ ᱦᱤᱡᱩᱜ ᱠᱟᱱ ᱟᱠᱥᱚᱱ ᱯᱷᱳᱞᱢ ᱠᱷᱟᱞᱤ ᱯᱤᱞᱤ ᱨᱮ ᱚᱱᱚᱱᱭᱟ ᱠᱟᱹᱢᱤ ᱠᱟᱱᱟᱭ ᱾ ᱱᱚᱶᱟ ᱨᱮ ᱤᱥᱟᱱ ᱠᱷᱟᱴᱮᱨ ᱚᱱᱚᱱᱭᱟ ᱥᱟᱢᱟᱝ ᱨᱮ ᱠᱟᱹᱢᱤ ᱠᱟᱱᱟᱭ ᱾ ᱟᱨ ᱥᱚᱠᱩᱱ ᱵᱟᱛᱨᱟ-ᱟᱜ ᱱᱤᱛ ᱵᱷᱩᱨ ᱵᱟᱝ ᱧᱩᱛᱩᱢᱟᱱ ᱯᱷᱤᱞᱢ ᱨᱮ ᱚᱱᱟᱱᱭᱟ, ᱫᱤᱯᱤᱠᱟ ᱯᱟᱫᱩᱠᱳᱱ ᱟᱨ ᱥᱤᱫᱽᱫᱷᱟᱱᱛ ᱪᱚᱛᱩᱨᱵᱮᱫᱤ ᱥᱟᱝ ᱠᱟᱹᱢᱤ ᱠᱟᱱᱟᱭ ᱾ ᱱᱩᱭ ᱫᱚ ᱵᱤᱡᱚᱭ ᱫᱮᱵᱮᱨᱟᱠᱳᱱᱰᱟ ᱥᱟᱝ ᱜᱟᱛᱮ ᱠᱟᱛᱮ ᱯᱩᱨᱤ ᱡᱚᱜᱚᱱᱱᱟᱛᱷ-ᱟᱜ ᱪᱮᱛᱟᱱ ᱨᱣ ᱟᱹᱰᱤ ᱯᱟᱹᱨᱥᱤ ᱛᱮᱭᱟᱜ ᱯᱷᱤᱞᱢ ᱠᱚ ᱜᱚᱲᱦᱚᱱ ᱮᱫᱟ ᱾ ᱡᱟᱦᱟᱸ ᱫᱚ ᱵᱟᱝ ᱧᱩᱛ ᱠᱟᱱᱟ ᱾
᱒᱐᱑᱙ ᱥᱟᱹᱦᱤᱛ ᱨᱮ ᱚᱱᱚᱱᱭᱟ, ᱥᱳᱥᱤᱭᱟᱞ ᱢᱮᱰᱤᱭᱟ ᱛᱟᱞᱟᱨᱮ ᱡᱟᱜᱽᱨᱳᱠᱨᱟ ᱟᱹᱜᱩ, ᱵᱟᱹᱲᱤᱡ ᱰᱟᱦᱟᱨ ᱮᱟᱮᱫ ᱞᱟᱹᱜᱤᱫ ᱢᱤᱫ ᱯᱚᱡᱮᱴᱤᱵᱷ ᱧᱩᱛᱩᱢ ᱛᱮ ᱢᱤᱫ ᱠᱟᱹᱢᱤᱦᱚᱨᱟ ᱮᱦᱚᱵᱽ ᱟᱠᱟᱫᱟᱭ ᱾ ᱒᱐᱑᱙ ᱤᱠᱳᱱᱳᱢᱤᱠᱥ ᱴᱟᱭᱤᱢ ᱟᱣᱟᱨᱰ ᱨᱮ, ᱚᱱᱚᱱᱭᱟ-ᱟᱜ ᱱᱚᱶᱟ ᱠᱟᱹᱢᱤᱦᱚᱨᱟ, ᱥᱮᱨᱢᱟ ᱨᱮᱭᱟᱜ ᱮᱛᱚᱦᱚᱵ ᱯᱨᱚᱡᱮᱠᱴ ᱠᱚ ᱧᱩᱢ ᱞᱮᱫᱼᱟ ᱾
Denotes films that have not yet been released |
Year | Film | Role | Notes |
---|---|---|---|
2019 | Student of the Year 2 | Shreya Randhawa | Filmfare Award for Best Female Debut |
2019 | Pati Patni Aur Woh | Tapasya Singh | |
2020 | Angrezi Medium | Herself | Special appearance in song "Kudi Nu Nachne De" |
2020 | Khaali Peeli | TBA | Filming |
2020 | Untitled Puri Jagannadh project | TBA | Telugu Debut Filming |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ ᱚᱱᱚᱱᱭᱟ ᱯᱟᱱᱰᱮ ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
This article uses material from the Wikipedia ᱥᱟᱱᱛᱟᱲᱤ article ᱚᱱᱚᱱᱭᱟ ᱯᱟᱱᱰᱮ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Content is available under CC BY-SA 4.0 unless otherwise noted. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki ᱥᱟᱱᱛᱟᱲᱤ (DUHOCTRUNGQUOC.VN) is an independent company and has no affiliation with Wiki Foundation.