Дмитриев Роман Михайлович

1949 сыл кулун тутар 7 күнүгэр Эдьигээн улууһун Бэстээх нэһилиэгэр төрөөбүтэ.

Көҥүл тустуунан 1963 с. саҕалаан дьарыктаммыта. 1967 с. спорт маастарын, 1969 с. норуоттар ыккардыларынааҕы кылаастаах спорт маастарын нуорматын толорбута. Тренердэрэ — И. П. Габышев, Д. П. Коркин, С. А. Преображенскай.

Роман Дмитриев — Олимпиада чөмпүйүөнэ (1972), Олимпийскай оонньуулар үрүҥ көмүс призера (1976), Аан дойду чемпиона (1973), Аан дойду чемпионатын үрүҥ көмүс призера (1969), Европа чемпиона 1969 с, боруонса призера 1981 с. буолуталаабьгга. Кини 11 төгүл ССРС чемпионатыгар кыттыбыта. 1969, 1971, 1973, 1976, 1980 сс. ССРС чемпиона, 1975, 1978, 1979 сс. ССРС чемпионатын үрүҥ көмүс призера, 1977 с. III призер. 1971 с. уонна 1979 с. ССРС норуоттарын Спартакиадатын чемпиона, 1975 с. үрүҥ көмүс призер. Аан дойду турнирдарын сэттэ төгүллээх кыайыылааҕа (1969—1971, 1975, 1976, 1978, 1979, 1981 сс).

2010 сыл олунньу 11 күнүгэр Москваҕа өлбүтэ.

• Олимпийскай оонньуулар чемпионнара (1972, Мюнхен)
• ССРС спордун үтүөлээх маастара
• Саха АССР үтүөлээх тренерэ
• ССРС үтүөлээх тренерэ
• Российскай Федерация үтүөлээх тренерэ
• Д. П. Коркин аатынан Государственнай бириэмийэ лауреата
• Дьокуускай куорат Ытык олохтооҕо (1969)
• «Хотугу сулус» уордьан (2006)
• Бүлүү улууһун Ытык олохтооҕо

• Эдьигээҥҥэ 2012 сыл атырдьах ыйын 30 күнүгэр Р. Дмитриевка бюст туруоруллубут.