Саха литэрэтиирэтин судаарыстыбаннай түмэлэ - саха литэрэтиирэтин устуоруйатын кэпсиир, көрдөрөр тэрилтэ.
Муус устар 17 күнүгэр 1970 сыллаахха аһыллыбыта. Түмэл саха норуотун государственнай, общественнай деятелин, учуонайын, саха сэбиэскэй литературатын төрүттээччитин Платон Алексеевич Ойуунускай аатын сүгэр. Литературнай музей бастаан П. Ойуунускай 1935-1938 сыллаахха дылы олорбут дьиэтигэр арыллыбыта.
Билигин комплекс үс дьиэттэн турар: суруйааччы Тааттатааҕы төрөөбүт балаҕанын куопуйата; отутус сыллардаахха П.А.Ойуунускай дьиэ кэргэнинээн олоро сылдьыбыт мемориальнай музей-дьиэтэ уонна 1981 с. үлэҕэ киирбит икки этээстээх таас уораҕайа киирэр. Экспозициятын былаанын түмэл бастакы салайааччыта Василий Андреевич Протодьяконов-Кулантай уонна суруйааччы Д.К.Сивцев-Суорун Омоллоон оҥобуттара. Билигин түмэл дириэктэрэ норуодунай суруйааччы Николай Алексеевич Лугинов.
1980 сыллаахха музей икки этээстээх, саха балаҕанын моһуонунан оҥоһуллубут таас дьиэлэммитэ. Онно саха литературатын историятын сиһилии көрдөрөр экспозиция арыллыбыта.
Билиҥҥи кэмҥэ экспозиция хас да салаалаах:
Түмэлгэ литэрэтиирэ биэчэрдэрэ, ускуустуба, култуура диэйэтэллэрин кытта көрсүһүүлэр, оҕолорго аналлаах араас өрүттээх күрэстэр, поэзия киэһэлэрэ ыытыллаллар.
This article uses material from the Wikipedia Саха тыла (Saxa Tyla) article Саха литэрэтиирэтин судаарыстыбаннай түмэлэ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.