Бүлүү федеральнай массыына суола А331 — Дьокуускайы уонна Иркутскайы холбуохтаах тутулла турар суол.
Билиҥҥи туругунан сорох учаастактарынан массыына кыһын эрэ сылдьар. Дьокуускайтан Бүлүүгэ диэри суол аспааллана турар. Өрүстэргэ уонна үрэхтэргэ күргэлэр тутуллаллар.
1698 сыллаахха сэтинньи 22 күнүгэр (уруккуннан 12) Бүөтүр I ыйааҕынан бастакы Сибиир траага олохтоммут. Икки ый буолан баран тохсунньу 18 (уруккуннан 8) күнүгэр бастакы суругу Дьокуускайга аҕалбыттар. 1733 сыллаахха кулун тутар 27 күнүгэр (урукку ааҕыыннан кулун тутар 16) В. Беринг Иккис Камчааткатааҕы эспэдииссийэтин тэрийэргэ тахсыбыт ыйаахха Тобольскайтан Дьокуускайга диэри ыйга биирдэ почтаны таһар туһунан ыйыллыбыт. Мантан саҕалаан онно анаан суолу уонна дьаамнары тутуу саҕаламмыт.
1775 сыл олунньу 11 күнүгэр (уруккуннан тохсунньу 31) Иркутскай-Дьокуускай траагын Саха сиринээҕи өттүн икки учаастакка араарбыттар: Витимтэн Өлүөхүмэҕэ диэри уонна Өлүөхүмэттэн Дьокуускайга диэри. Хас биирдии учаастакка смотритель ананыахтааҕа ыйыллыбыт.
Бүлүү траага диэн аатынан биллэр этэ. 1931 сыллаахха Саха АССР Совнаркома "Өлүөнэттэн Бүлүүгэ диэри суол тутарга" диэн уураах ылбыта. 1936 сыллаахха Дьокуускайтан Бүлүү куоратыгар диэри аан бастакы массыынаннан тургутар айан буолбута биллэр.
This article uses material from the Wikipedia Саха тыла (Saxa Tyla) article Бүлүү (суол), which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.