Аудиовизуальнай Наследие Күнэ
Аудиовизуальнай наследие күнэ — ЮНЕСКО быһаарыытынан бэлиэтэнэр күн.
Бу XIX—XXI үйэлэргэ буолбут түбэлтэлэр тустарынан киинэлэр, араадьыйа уонна теле бырагырааммалар, аудио- уонна видео- суруйуулар инники көлүөнэлэргэ чөл туруктаах хаалалларыгар болҕомто уурар күн. Бу матырыйааллар тыл уонна култуура атынын нөҥүөлээн, харахха уонна кулгаахха быһа киирэн, сатаан ааҕар-аахпат дьоҥҥо барыларыгар өйдөнөр буолан уопсастыбаны уларыппыттара, сурукка-бичиккэ сүҥкэн көмө, самалык буолбуттара.
Ол да буоллар бу матырыйааллар наһаа улгумнук буортуйар, суох буолар кыахтаахтар. Аудиовизуальнай суруллуулары 10-15 сылынан сыыппараҕа көһөрбөтөххө, сүтэн-симэлийэн бараллар. Элбэх маннык матырыйаал бэлиэр суох буолла, ол бар-дьон култууратын дьадаппыта саарбаҕа суох. Өскө аан дойду барыта турунан туран биир дьаһаныыны ылымматаҕына бу сүтүү-дьадайыы салҕанан бара туруо. Ол иһин ЮНЕСКО 33-с Генеральнай конференцията 2005 сыллаахха бу күнү анаан-минээн бэлиэтииргэ уурбута.
Аан бастаан 2007 сыллаахха бэлиэтэммитэ.
Туһаныллыбыт сирдэр
This article uses material from the Wikipedia Саха тыла (Saxa Tyla) article Аудиовизуальнай наследие күнэ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Маны туһанары CC BY-SA 4.0 лиссиэнсийэ көҥүллүүр (атын ыйыллыбытах буоллаҕына). Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Саха тыла (Saxa Tyla) (DUHOCTRUNGQUOC.VN) is an independent company and has no affiliation with Wiki Foundation.