तत्रैकस्थं जगत्कृत्स्नं...
श्लोकः
अयं लेखः विकिपीडिया-विश्वकोषस्य अन्यलेखैः सह संयोजनीयः । सन्दर्भानुगुणं परिसन्धयः योज्यन्ताम् । तेन (जनुवरि २०१४) |
- तत्रैकस्थं जगत्कृत्स्नं प्रविभक्तमनेकधा ।
- अपश्यद्देवदेवस्य शरीरे पाण्डवस्तदा ॥ १३ ॥
अयं भगवद्गीतायाः एकादशोऽध्यायस्य विश्वरूपदर्शनयोगस्य त्रयोदशः(१३) श्लोकः ।
पदच्छेदः
तत्र एकस्थं जगत् कृत्स्नं प्रविभक्तम् अनेकधा अपश्यत् देवदेवस्य शरीरे पाण्डवः तदा ॥ १३ ॥
अन्वयः
तदा पाण्डवः देवदेवस्य तत्र शरीरे अनेकधा प्रविभक्तं कृत्स्नं जगत् एकस्थम् अपश्यत् ।
शब्दार्थः
- तदा = तदानीम्
- पाण्डवः = अर्जुनः
- देवदेवस्य = हरेः
- तत्र = तस्मिन्
- शरीरे = देहे
- अनेकधा= बहुधा
- प्रविभक्तम् = पृथक्भूतम्
- कृत्स्नम् = सकलम्
- जगत् = भुवनम्
- एकस्थम् = एकस्मिन् स्थितम्
- अपश्यत् = दृष्टवान् ।
अर्थः
तदा अर्जुनः हरेः तस्मिन् शरीरे बहुधा विभक्तं सकलमपि जगत् एकत्रैव वर्तमानम् अपश्यत् ।
सम्बद्धसम्पर्कतन्तुः
सम्बद्धाः लेखाः
This article uses material from the Wikipedia संस्कृतम् article तत्रैकस्थं जगत्कृत्स्नं..., which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). भिन्नोल्लेखः यावत् न भवेत्, तावत् CC BY-SA 4.0 इत्यत्र उल्लेखो भवति । Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki संस्कृतम् (DUHOCTRUNGQUOC.VN) is an independent company and has no affiliation with Wiki Foundation.