Тячовскый Район

Административный центер — город Тячово.

Закарпатска область, Украина

Тячовскый район
Тячівський район укр.
Герб района
Держава	Україна
Подрядность	Закарпатьска область
Розлога	1 800 км2
Обывательство	171 900 особ (2001)
Центер	Тячово 48°01′N 23°34′E / 48.02°N 23.57°E / 48.02; 23.57
Зложѣня	1 город, 5 мѣстечок, 55 сел
Язык	украинскый, румынскый
Голова администрации	Демянчук Вас. Юр.
Интернет-сайт	укр.
Тячовскый район на Викискладѣ VIAF:168243963;GeoNames:690904; Ту можуть быти податкы з Wikidata, а не од авторох статѣ

Район находить ся в восточной части Закарпатской области и сосѣдить на сѣверѣ з Ивано-Франковсков областев, на югу — з Румыниев, на западѣ — з Межгорскым и Хустскым, на востоку — з Раховскым районами. Плоха — 1800 км², в значной мѣрѣ лѣсы и горы. 18 населены пункты мають статус горскых. Главны рѣки — Тиса, Тересва, Теребля (долный ток).

Территория населена од прадавного часу. В околици Апшы найдены слѣды поселѣня сперед 50 тыс. лѣт, а в околици Великой Уголькы — сперед 30 тыс. лѣт (палеолит). В районѣ суть могылы Куштановицкой културы (Колодное), памятникы деревяной церковной архитектуры (Колодное, Нересниця).

Року 1969 в районѣ жили 132,7 тыс. людей, переважно Украинцѣ (около 105 тыс.), дале Румыны — 14 тыс., Русы — 2 тыс. Подля списованя рока 2001 в районѣ жили 171,9 тысяч людей, з того Украинцѣ — 143 тыс. (83%), Румыны — 21,3 тысячи (12,4%), Мадяре — 5 тысяч (2,9%), Русы — 1,8 тысяч (1% обывательства), Нѣмцѣ — 0,3 тысячи (0,2 %). В районѣ румынскый язык принятый як регионалный.

Главны конарѣ продукции района суть лѣсное газдовство, деревообробка, продукция поживы, вина, конзерв, добываня кухеньской соли, мрамора, садова и скотарска продукция. Тячовщина здавна славна своев садовинов. В добѣ ЧСР тячовскы яблока експортовали до Англии, Голландии, Норвегии, Нѣмеччины, Швеции.

За рокы независимости Украины пришли в упадок перед тым успѣшно фунгуючы транспортны и промысловы объекты, як желѣзниця Тересва-Усть-Чорна, котра звязовала вшиткы села долины Тересвы и фунговала в роках 1903–1998, Закарпатска промыслова геликоптерна сполочность Миноборонпрома Украины в Дубовому, што выробляла аеросани-амфибию А-3 (до року 1987), а пак зачала з выробов геликоптеры значкы Ми-34 (од року 1989), року 1997 была однесена в число подприять, стратегичного значѣня, але не смотрячи на то днесь практично знищена и около 3000 людей стратили роботу.

• Советское Закарпатье. Справочник-путеводитель. Изд-во "Карпаты". Ужгород. 1968.
• Тронько П. и др. (ред.) Історія міст і сіл України. Закарпатська область. К. 1969.

• Сайт районной администрации укр.
• Списованя 2001 укр.
• Румынскый язык — регионалный в Тячовском районѣ укр.
• Усть-Чорнянска желѣзниця укр.
• Смерть гиганта: Как выглядят развалины вертолетного завода на Закарпатье русс.