Русинска гимназия в Пряшовѣ — общеобразовне училище, котре взникло в року 1936 в резултатѣ Меморандума восьмох русинскых организаций о потребѣ заложѣня руской гимназии, адресованого головѣ чехословацкой влады Миланови Годжови.
Грекокатолицка реална гимназия в Пряшовѣ | |
Закладатель | епископ Гойдич |
---|---|
Взник | 1936 |
Заник | 1953 |
Тип | общеобразовна |
Штат | Чехословакия |
Урядный язык | рускый |
Первый директор | Николай Бобак (1936–1945) |
Другый директор | Алексей Фаринич (1945–1953) |
На основѣ Меморандума з дня 1. марца 1936, што быв выголошеный з инициативы „Общества руской молодежи‟ и „Союзу руских учителей‟, Министерство школства Чехословацкой републикы в Празѣ 27. апрѣля 1936 схвалило проект заложѣня гимназии про Русинох в Пряшовском регионѣ. Публичны школы в том часѣ могли зрядити лем штат, окрес або Церковь. Штат але уж од 20. рокох XX. ст. неперестанно быв проти такой потребы Русинох, а окрес не приходив до увагы. Выбор на заложѣня гимназии пожадав П. П. Гойдича, жебы зряджовательом стала ся грекокатолицка епархия в Пряшовѣ, што Гойдич из радостьов прияв. В писмѣ, котре адресовав Т. Г. Масарикови, ся окрем иншого пише:
„ | Не просиме златы горы, лѣсы, не жадаме одпущѣня даней, ани помочь про безроботных, не жебраме о нияку алмужну. Жадаме лем то, што нам на основѣ Уставы и природного права належить — жебы ся русинскы дѣти в русинскых селах и мѣстах могли учити по русинскы. | ” | |
|
Так взникла грекокатолицка реална гимназия в Пряшовѣ од школного року 1936/1937. Учебным языком ся став «карпаторускый язык». Первым ей директором быв Николай Бобак а од половины мая 1945 аж до року 1953 — Алексей Фаринич. В заложѣню гимназии найвекшу заслугу мали: епископ Гойдич, адвокат Иван Пьещак, дохторы Дионизий Ройкович и Павел Дубай. По опубликованю вызвы в русинской пресѣ на подпору гимназии на конто гимназии за первы два тыжднѣ пришло 20 тысяч корун, а в ходѣ далшых тыждньох заслугов зберок, спонзорох, родичох, интелигенции, подникательох, ролникох и сел ся сума финанчной помочи веце як подвоила, и концьом рока на контѣ уж было 50 тысяч корун. Штат зачав часточно подпоровати школу од школного року 1942/1943. По розпадѣ Чехословацкой републикы в року 1939 ся гимназия достала до великой немилости штату, епископ Гойдич але двѣ класы умѣстнив до свойой резиденции, а далшы двѣ до найомного дому. Од школного року 1939/1940 ся назва школы змѣнила на Грекокатолицку руску гимназию. Руска гимназия в Пряшовѣ была перва гимназия в истории Русинох в Пряшовском краю, успѣшно фунговала повных 17 рокы, выховала многых абсолвентох, котры ся успѣшно запоили до жывота сполочности.
По войнѣ школа была переменована на Штатну русску гимназию. В року 1953 в рамках реформы чехословацкого школства школа заникла, а ей послѣдны класы были припоены ку еденадцятьрочной середньой школѣ з учебным языком словацкым на Конштантиновой улици, але рускый язык в тых класах быв змѣненый на украинскый, но дакотры предметы ся учили и дале по рускы. Од року 1956 з украинского оддѣлѣня той школы была вытворена самостатна еденадцятьрочна середня школа з учебным языком украинскым, позднѣйше перетворена на украинску Гимназию Тараса Г. Шевченка.
This article uses material from the Wikipedia Русиньскый article Русинска гимназия в Пряшовѣ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.