Мала Антанта
Мала Антанта — военно-политичный блок Чехословакии, Румынии и Югославии, створеный в роках 1920—1921 под крылом Франции.
Блок заник в року 1939.
Интересы блока
Державы-участничкы блока мали общый интерес — захранити новоодзысканы територии бывшой Австро-Мадярщины перед мадярсков иредентов. Франция мала интерес в можности отворѣня восточного фронта против Германии в припадѣ военного конфликта. Она не была прямов участничков блока, але мала окремы военны догоды з каждов державов-участничков.
Вызнам Подкарпатской Руси
З позиции Чехословакии ключову роль в блоку мала Подкарпатска Русь, територия котрой перед тым належала Мадярщинѣ. Територия Подкарпатской Руси, придѣлена Чехословакии подля Трианонского договора розрывала тысячолѣтну стратегичну сполочну границю Мадярщины з Польщов.
Роспад блока
В року 1934 Румыния и Югославия вступили до новшого блока — Балканской Антанты, таксамо подтримованого Франциев, котрого главна цѣль была захранити границѣ на Балканах, Чехословакия зостала по боку. З роспадом Чехословакии и навернѣньом Подкарпатской Руси под мадярску коруну блок Малой Антанты остаточно стратив вызнам и заник.
Жерела и одказы
- УСЭС: Украинский советский энциклопедический словарь в трех томах. / Кудрицкий А.В. и др. (ред.). Главная редакция Украинской Советской Энциклопедии им. М.П. Бажана. К., 1988. Том. 1, с. 80.
Референции
This article uses material from the Wikipedia Русиньскый article Мала Антанта, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.