И́горь Еммануи́лович Гра́барь (мад.
кал.">Юл. кал.)/25. марец 1871, Будапешт, Мадярске кральовство – †16. май 1960, Москва, СССР) — русинского походжѣня российскый и совѣтскый академичный малярь, историк умѣня, рештавратор, педагог.
Игорь Грабарь | |
---|---|
Hrabár Igor мад. | |
Автопортрет, 1934, на юбилейной поштовой знамцѣ, 2021 | |
Чинность | академичный малярь, историк умѣня, рештавратор, педагог |
Жанр | реставрація, малярство, історія мистецтв |
Горожанство | Цислейтанія, Російска імперія, Російська Соціалістична Федеративна Радянська Республіка, СССР |
Етнос | Українцї |
Уроджѣня | марца 25, 1871 |
Будапешт, Мадярске кральовство | |
Упокоеня | мая 16, 1960 (89 р.) Москва, СССР |
Похованя | Новодівичий цвинтар 34489826 |
Ошкола | Санкт-Петербурґска штатна універзіта |
Учні | Зацепіна Зінаїда Іллівна, Максименко Олександр Григорович |
Праца | Московський державний університет імені М. В. Ломоносова, Третьяковска галерия |
Членство | Академия наук СССР |
Активность | 1891—1960 |
Мати | Олга Грабарь |
Брат, сестра | Владимир Грабарь |
Награды | |
Сталінська премія, орден Леніна, Народний художник СРСР, орден Трудового Червоного Прапора, медаль «За доблесну працю у Великій Вітчизняній війні 1941—1945 рр.», медаль «У пам'ять 800-річчя Москви», Народний художник РРФСР | |
Игорь Грабарь на Вікіскладѣ VIAF:106964268; GND:119559803; LCCN:n81118316; FAST:80610; BNF:15052887g; NLKR/NLC:jn20000602226; OL:OL1217040A; ЕСУ:26737; |
Обдарованый приходник з Угорской Руси на немале зачудованя окружѣня успѣшно реализовав свои природны даности. Став ся вызнамным малярьом, умѣлствознательом, умѣлецкым критиком, рештавратором, педагогом, музейником, прекрасным организатором, аж и архитектором. По добу такой шѣстьдесятьох рокох он, вдякы свому енергичному темпераменту, быв едным з найактивнѣйшых участникох и проводцьох умѣлецкого живота СССР.
Походив з православной родины русинского сполоченского дѣятеля Еммануила Грабаря, выбраного концьом 1860-х за посланця до мадярского парламента. Дѣдом Грабаря по материнской линии быв Адолф Добрянскый, вызнамный дѣятель русофилской ориентации в Угорской Руси, а од року 1881 в Галиции. Мати Игоря Грабаря, Олга Грабарь, тыж провадила прорусску просвѣтну чинность в Галиции. Неодовго по роджѣню сына Олга Грабарь з дѣтми одышла в маеток отця Чертеж в Земплинѣ, Угорска Русь, де перейшли дѣточы рокы Игоря. Дѣдо Адолф любив повѣдати внукови о гениалном русском царьови и о славном русском войску в Мадярщинѣ.
„ | Тоты повѣданя тямлю слабо, як далекый сон, але добрѣ тямлю мое замѣшаня и нехапаня, коли-м чув переказы о тых истых подѣях од чертежскых валалчанох, особно их пережившых, ай од их дѣти, што переповѣдали чутое зо слов родичох, нечекано ем объявив, же геройства, выхвальованы дѣдом, ещи ай по 30 роках проклинали вшиткы обывателе нашого округа. Повѣдали о вшелиякых звѣрствах козакох и „Москальох"... Тямлю, же матерѣ страшили дѣтей приходом „Москальох", а тото ня остаточно баламутило, але не смѣв ем ся просити од дѣда розъяснѣня того чудного роспору, бо знав ем, же дѣдо не терпить жадны сперечаня. | ” | |
|
В року 1880 Игоря Грабаря вывезли учити ся на гимназии до России в Егорьевск Рязанской губернии, де его отець, уже скорше емигровавшый (1876), служив професором нѣмецкого и французского языкох. В року 1882 в его животѣ настали великы перемѣны. Были арештованы дѣдо и мати, обвинены з державной зрады, зашто им грозила кара смерти. В резултатѣ голосного львовского процеса (12. юн – 29. юл) были они оправданы, але дѣдови было заборонено бывати в его земплинском маетку и одышов навсе до Австрии, а мати з дѣтми — навсе до России. Тот процес им зробив велику славу и честь в России и могли жадати, што хотѣли. Эммануил Грабарь попросив мѣсто гимназиалного професора на югу России и достав го в Измаилу, а Игорь Грабарь достав можность безплатно штудовати и на штатной штипендии абсолвовав престижный московскый Лицей цѣсаревича Николая (Катковскый лицей, 1882–1889), де еден рок штудий коштовав 1000 рубли, а де ся учили дѣти генералох и министрох. Дале выштудовав право на Санкт-Петербургской универзитѣ (1889–1893). Едночасно слухав лекции на историко-филологичной факултѣ. В тых роках научив ся сам заробляти собы на прожиток: по универзитных годинах вечерами писав гумористичны тексты и рисовав илустрации про часописы. В року 1894 быв приятый до Императорской Академии умѣня. Тымчасом часопис Нива финанцовав его вандровку по Европѣ вымѣнов за статьи и вѣстѣ з европского културного живота, котры завязав ся им посылати. В роках 1895–1901 вандруе по Европѣ и од року 1896 штудуе в мюнхенской приватной школѣ Антона Ажбе. В року 1898 створило ся стоваришѣня Свѣт умѣня, русс. Мир искусства, што мало ровнойменный часопис и стало в центрѣ бойованя, раздѣлившого российскых малярьох на ворожы групы. Грабарь став ся членом нового стоваришѣня, зачав публикацию серии статей Письма из Мюнхена, скоро добыв собѣ репутацию знаменитого критика-есеиста, чии погляды и оцѣнкы выникали точностьов и оригиналностьов.
Вернувши ся до России, материализовав свои идеи постимпресионизма в краинном малярствѣ, став ся поетом российской зимы, выступовав як авторитетный историк и теоретик умѣня. В року 1913 быв выбраный на пост куратора (фактично: директора) Третьяковской галерии, де зоставав до року 1925. В роках 1909–1916 склав перву 6-томну Историю российского умѣня.
В роках 1913–1925 переставив експозицию Третьяковской галерии подля историчного принципу, вылѣпшив инвентуру и выдав первый научный каталог галерии (1917), што дозволило галерею перетворити на музей европского типа. Од року 1921 — професор МГУ, читав курз лекций о научной рештаврации штудентам истории умѣня. Од року 1930 достав велику, подля его слов, особну пензию од влады (Совнаркома), лишив вшиткы административны функции и зачав писати мемоары. В року 1937 выдав мемуары и вернув ся ку сполоченской чинности:
This article uses material from the Wikipedia Русиньскый article Игорь Грабарь, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.