Великы Поляны

Року 1981 было евакуоване з причины выставбы водного дѣла Старина.

Заникле село Словакии Великы Поляны Veľká Poľana слов. Церковь Св. Михаила Архангела (1784) в року 1915 Давны назвы Polena 1773; Nagypolena 1863; Poľana 1920; Nagypolány 1939; Veľká Poľana 1945 Регион Горный ЗемплинГорный Земплин Край ПряшовскыйПряшовскый Округ Снина Справа територии Стащин Координаты 49.0875, 22.30527849°05′15″ с. ш. 22°18′19″ в. д. / 49.0875° с. ш. 22.305278° в. д. (G) (O) (Я) Площа 2,447 км² Надморска вышка 395 м

Село находило ся в долинѣ рѣкы Цироха в надморской вышцѣ 395 м межи бывшыма селами Руське (472 м) и Старина (335 м). Через бывше село веде циклотраса Карпатска магистрала (Великый Березный — Снина — перелаз Руське сѣдло).

Перва документална упоминка односить ся на рок 1493. В часѣ Первой свѣтовой войны в околици точили ся тяжкы бои, по котрых ту зостали похованы около 1000 воякы, з того лем 210 австро-мадярскы суть познаты. Церковь св. Михаила Архангела, розбита канонами, не была обновлена. Намѣсто того валалчане выставили нову (1926 –1932), помогали им финанчно штат и родаци з Америкы, а тыж сосѣдны села Смулник и Руське. Але и тота была пошкоджена в бойовых зражѣнях року 1944. Понеже Великы Поляны зостали единым русинскым селом, котре по заказѣ грекокатолицкым вѣры (1950) не перешло на православие, не была им дозволена ани оправа новой церкви. Тото зробили аж по року 1968, коли заказ грекокатолицкой вѣры быв одкликаный. Наконець при збуряню села з поводу выставбы водного дѣла Старина нова церковь была подминована и зликвидована выбухом. Року 1930 село мало найвеце обыватели — 791.

Территория заниклого села днесь входить до ареалу Народного парку Полонины. З бывшого села заховав ся цынтарь и една хыжа. Заховали ся и розвалины старой церкви св. Михаила Архангела з року 1784, котра была розбита канонами в току войны в 1915 року. Пониже села, недалеко вступной таблици, при Луковом потоку заховав ся придорожный крест з року 1853. На мѣстѣ збуряной новой церкви выставлена деревяна капличка.

На военском цынтарю Велька Поляна І. — Ротунда похованы 340 воякы. Ту з камени, походячых з розвалин спомянутой церкви, котра находить ся в сосѣдствѣ, волонтеры выставили помяник падлым вояком Ротунда. Военскый цынтарь Велька Поляна ІІ. — Годошик, найвысше положеный цынтарь в Словакии, находить ся на убочи верха Годошик (921 м) в надморской вышцѣ 825 м.

Справа територии находить ся в Стащинѣ.

• Орест Дубай ст. (1919–2005) — народный умѣлець Чехословакии, малярь, вызначный график.
• Милан Хавтур (*1957) — епископ кошицкой грекокатолицкой епархии.

• Mgr. Drobňák, Martin. WW1 military cemetery: Veľká Poľana – Rotunda. // Klub vojenskej histórie Beskydy (www.kvhbeskydy.sk)
• Miro Buraľ. Sakrálne pamiatky sninského regiónu (Veľká Poľana 2.časť)^{[dead link]}
• Великы Поляны, заникле село (слов.)

• Великы Поляны, туристична мапа
• Великы Поляны, туристика и спорты
• Мартин Дробняк. Военскый цынтарь Велька Поляна — Ротунда (англ.) ^{[dead link]}