Basilica Maior

Статус надавать Папа римскый. Векшы базиликы суть четыри. Инша назва: папска базилика або исторична назва патриарша базилика.

Найдавнѣйша
Зачаточно в Римѣ были четыри патриаршы базиликы, кажда з котрых была собором найдавнѣйшых патриархатох:
• Латеранска св. Иоанна Крестителя (Archbasilica Papale di San Giovanni in Laterano ит.) — Римского;
• св. Петра (Basilica Papale di San Pietro in Vaticano ит.) — Константинопольского;
• св. Павла поза мурами (Basilica Papale di San Paolo fuori le mura ит.) — Александрийского;
• св. Марии Великой (Basilica Papale di Santa Maria Maggiore ит.) — Антиохийского.
Подля регулы Католицкой Церкви од XIV. стороча тоты четыри базиликы требало навщивити в юбилейном року, жебы зыскати повный одпуст (индулгенцию).

В року 451 на Халкидонском соборѣ быв общецерковно вызнаный пятый найдавнѣйшый патриархат — Йерузалемскый и титул патриаршой базиликы достала базилика св. Ловренца (Basilica Papale di San Lorenzo fuori le Mura ит.), прировнана в привилегиях зоз четырьма спомянутыма. Тота е але basilica minor. Находить ся в Римѣ.

Далша
В XIII. сторочу достала статус папской базилика Святого Францишка Ассизского (Basilica di San Francesco d'Assis ит.), а в XVII. сторочу достала статус папской базилика Святой Марии Ангелской (Basilica di Santa Maria degli Angeli ит.). Их статус basilica minor. Находять ся в Ассизи. Понеже з четырьох векшых базилик лем базилика св. Петра находить ся во Ватиканѣ, року 1929 Латеранскый договор меджи Ватиканом а Италиев надав статус екстериториалности иншым трьом векшым базиликам: они суть териториев Ватикана и суть охраняны ватикансков полициев.

В року 2006 Папа Бенедикт XVII. переменовав патриаршы базиликы на папскы. Найлѣпшый и бизовный повный одпуст гарантують и нынѣ лем четыри векшы базиликы, понеже лем они мають Святы брамы, пройти крозь котры — традичне повинне условие повного одпуста.

• Basilica minor
• Базилика

• Podręczna Encyklopedia Kościelna (opracowana pod kierunkiem ks: ks Stan. Galla, Jana Niedzielskiego, Henr. Przczdzłeckiego, Ant. Szlagowskiego, Ant. Tauera i redaktora ks Zygm. Chelmlcklego). T. 2. Wydawnictwo biblioteki dzieł chrześcijańskich. Warszawa, 1904.
• Мозговой С. А.: Базилика //Энциклопедия религий / Под ред. А.П. Забияко, А.Н. Красникова, Е.С. Элбакян. — М.: Академический Проект, Гаудеамус, 2008. — 1520 с. (ISBN 978-5-8291-1084-0 Академический Проект) (ISBN 978-5-98426-067-1 Гаудеамус)
• Basilicas in Italy, Vatican City State, San Marino. www.gcatholic.org. http://www.gcatholic.org/churches/data/basITX.htm#aaa. [перевірено 2020-04-25]. 

 

Вікісклад має мултімедіалны дата на тему:

Basilica maior