Семюел Джонсон

Семюел Джонсон, на прозывку Др. Джонсон, *18. септембер 1709, Личфилд, Стаффордшир – †13. децембер 1784, Лондон — англицкый лексикограф, поет, писатель, литературный критик, една з найвекшых фигур в литературном и сполоченском животѣ XVIII. стороча.

Семюел Джонсон
Samuel Johnson
Портрет од Джошуа Рейнолдса, 1772
Уроджѣня	септембра 18, 1709 (1709-09-18) (314 р.) Личфилд, Стаффордшир
Умертя	децембра 13, 1784 (75 р.) Лондон •ускладнення при хірургічному втручанні
Погреб	Вестмінстерське абатство
Псевдоним	Dr. Johnson
Занятя	лексикограф, поет, писатель, литературный критик
Язык творох	анґліцькый
Горожанство	Кральовство Великой Британии
Партія
Ториовці
Реліґія	англіканство
Батько	Michael Johnson
Матір	Sarah Ford
Вызначны роботы	A Dictionary of the English Language
Семюел Джонсон на Викискладѣ
VIAF:7406725; GND:118558161; LCCN:n78095825; FAST:29184; BNF:12035041v; NLKR/NLC:mzk2010580932; OL:OL21070A; Большая советская энциклопедия [в 30 т.], 1969—1978, Dictionary of National Biography (1885–1900), Dictionary of African Biography, BEIC Digital Library, Obalky knih.cz, Энциклопедический словарь Брокгауза и Ефрона, Енциклопедія Нутталла, Library of the World's Best Literature, Alumni Oxonienses: the Members of the University of Oxford, 1715–1886, Encyclopædia Britannica, 11th edition, Американская энциклопедия, 1920, Collier's New Encyclopedia, 1921, Британская энциклопедия (1875—1889), New International Encyclopedia, The New Student's Reference Work

Семюел Джонсон увидѣв свѣт в родинѣ дробного торговця книгами. В тяжкой бѣдѣ, без жадной материалной або моралной помочи пробивав собѣ путь твердов роботов и завойовав вызнамне положѣня в литературѣ.

Од малости терпѣв на скрофулозу ай иншы хвороты. В тых часах люде вѣрили, же дотык монарха лѣчить скрофулозу, и во вѣку 30 мѣсяци быв повезеный до Лондона, де достав «золотый дотык» кральовой, котрый носив до конця живота. Наслѣдовали далшы медицинскы операции, котры лишили на його твари и шии потворны рубцѣ; майже ослѣп на лѣве око и терпѣв на нервны тикы. Але быв силный, живый и, подля тогдышной моды, шпортово заложеный, любив ѣздецтво, пѣше ходжѣня, плаваня, а при том зостав и в старшом вѣку. Од року 1717 учив ся в середньой школѣ Личфилда, де главным методом наукы было битя. В року 1728 записав ся до Пемброк коледжа в Оксфордѣ, але в децембрѣ 1729 мусѣв лишити штудии, котры не мав з чого платити. В року 1731 умер му отець, лишивши му в наслѣдство ₤20. Пробовав роботу учителя, але неуспѣшно. В року 1735 оженив ся з Елизабет Портер, о 20 рокы старшов богатов вдовицьов, а так рѣшив материалны проблемы. Од року 1737 одышов до Лондона и заняв ся литературов, де досяг великого успѣху. В року 1765 достав честный титул Доктор права од Тринити-коледжа в Даблинѣ, а в року 1775 — Доктора цивилного права од Оксфордской универзиты. Погребеный во Вестминстерском опатствѣ.

Поема Джонсона Лондон, написана в духу Ювенала. достала похвалу од найлѣпшого поета той добы, Александра Поупа. Дале Джонсон написав подарену биографию Ричарда Севиджа (1744), за чим быв повѣреный зоставлѣньом выкладового словника англицкого языка. Тота робота забрала му сѣм рокы, але принесла му славу и поправила його материалну ситуацию. Наперек тому, же в словникарствѣ не мав предходникох, и його словник быв первым в англицкой лексикографии, он доднесь не стратив свою вартость, маючи приблизно такый вызнам, як русскый словник Даля.

Далшов великов роботов Джонсона став ся десятьтомный Животопис найвызнамнѣйшых англицкых поетох (The lives of the most eminent English poets, 1779—81), де автор выступать не лем як биограф, але и литературный критик.

• Robert Folkenflik (December 09, 2019). Samuel Johnson. Encyclopædia Britannica. https://www.britannica.com/biography/Samuel-Johnson. [перевірено 2020-06-10].  англ.
• S. B.: Джонсон С. // Литературная энциклопедия: В 11 т. — [М.], 1929—1939. Том 3. — [М.]: Изд-во Ком. Акад., 1930. — Стб. 251—252. Одчитане 2020-06-10 русс.