Лев Давыдович Троцкый, англ. Leon Trotsky; имя при уроджѣню — Лейба Давидович Бронштейн; *7. новембер (26. октобер Юл. кал.) 1879, Яновка, Украина, Российска империя – †21. август 1940, Койоакан, Мексико — комунистичный теоретик и агитатор, еден з организаторох Октобровой револуции в России, организатор и высшый велитель Червеной армады.
Лев Давыдович Троцкый | |
---|---|
Лев Троцкый около року 1929 | |
Наркомвоенмор СССР | |
Во функции: | |
12. новембер 1923 — 25. януар 1925 | |
Предходник | функция створена |
Наступник | Михаил Фрунзе |
Наркомвоенмор РСФСР | |
Во функции: | |
13. марец 1918 — 12. новембер 1923 | |
Предходник | Николай Подвойскый |
Наступник | функция зрушена |
Нарком загранича РСФСР | |
Во функции: | |
9. новембер 1917 — 13. марец 1918 | |
Предходник | Михаил Терещенко |
Наступник | Георгий Чечерин |
Уродив ся | новембра 7, 1879 Яновка, Россия |
Умер | авґуста 21, 1940 (60 р.) Койоакан, Мексико |
Политична партия | комунистична |
Шаржа | генерал |
Подпис | |
По смерти лидера револуции Владимира Ильича Ленина в бою за владу Йосиф Сталин вышов побѣдником, а Троцкый быв одстраненый од вшиткых урядных функций и наступно высланый (1929). Зоставав лидером антисталинской опозиции в заграничу аж допокы быв забитый сталинскым агентом.
В маю 1917 Троцкый достав ся до Петрограду. На тот час «Августовый блок» роспав ся (1914), а болшевици выдѣлили ся в окрему партию РСДРП(б) (1917). Троцкый прилучив ся ку Меджирайонной организации социал-демократох, часто и успѣшно выступуе на митингах. На 6. зъѣздѣ РСДРП(б) в юлу 1917 «меджирайонцьох» принимають до болшевицкой партии, а Троцкого выбирають честным предсѣдником зъѣзда, членом ЦК. В септембрѣ 1917 ставать ся предсѣдником Петрогроградского Совѣта и входить до первого зложѣня Политбюро ЦК.
В Октобровой револуции Троцкый организовав совѣтскы военны операции в Петроградѣ, главном городѣ Российской империи. Ку зачатку новембра Троцкый практично обрабовав главный город. 13. новембра баленый либералный политик Александр Керенскый.пробовав вернути Петроград вѣрным войском. Войско Керенского стрѣтило ся з войском Троцкого в Пулковской битцѣ. Троцкый поразив Керенского, и так болшевици достали под повну контролу Петроград.
В первой совѣтской владѣ Троцкый достав функцию наркома (народного комисаря) загранича. Брав участь в сепаратных переговорах з Нѣметчинов в Брест-Литовску, де заяв позицию «ни миру, ни войны, а войско роспустити». В року 1918 достав пост наркомвоенмора (велитель войска и морскых сил), головов Реввоенсовѣта. Тройкый быв фактичным организатором Червеной армады. При тому широко поуживав репресии. Быв двакрат вызнаменаный орденом Червеного Прапора. Троцкый ся став подля авториты другым по Ленинови лидером державы.
Лев Троцкий а Йосиф Сталин были политичныма соперниками. По тому, як Владимир Ленин, первый вожда совѣтской державы, достав мозговый удар зачатком року 1923, Троцкий и Сталин вступили до боя за владу. Сталин скоро зыскав перевагу: в апрѣлю 1923 он укрѣпив свою владу в ЦК болшевицкой партии. Одтогды пробы Троцкого напасти на Сталина не мали шансу на успѣх. Авшак, бой ся потяг до конця 1920-х рокох. В конци Сталин поразив Троцкого и фактично став ся диктатором над Совѣтскым Союзом.
Троцкый быв выказаный з партии болшевикох (1927), высланый до Алматы (1928), наконець, выказаный зо Совѣтского Союза (1929) и збавленый горожанства (1932).
Ани на третьой емиграции Троцкий не дав собѣ покой. В Парижу выдавав часопис Опозичны вѣдомости, русс. Бюлетень оппозиции (большевиков-ленинцев), што выходив в роках 1929–1941, остро критизовав политику Сталина и вызывав ку политичной револуции в СССР и обалѣню диктатуры «бюрократичной касты». Подля росказу Сталина НКВД организовав физичну ликвидацию Троцкого. Первый атентат 24. мая 1940 быв неуспѣшный. Але 20. августа 1940 испанскый комуниста и агент НКВД Рамон Меркадер ударом ледового чекана смертелно поразив Троцкого, котрый на другый день умер. В роках 1937–1941 восьмеро особ з близкой родины Троцкого были пострѣляны або умерли в лаграх. Его старшый сын Лев умер в Парижу при нецѣлком выясненых обстоянях.
This article uses material from the Wikipedia Русиньскый article Лев Троцкый, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.