Гадячскый договор 1658 («Гадячска уния») — быв договор меджи украинскым гетманом Иваном Выговскым и польсков владов, подписаный 6.(16.) септембра 1658 в околици Гадяча.
Подля того договора Руське велике княжество входило в зложѣня Рѣчи Посполитой на ровных правах з Литовскым великым княжеством.
Договор укладовав, же козацка держава Руське велике княжество, зложенв зоз трьох воеводств (Киевского, Черниговского и Брацлавского) ставать ся федеративным членом Рѣчи Посполитой на правах, што были у Литовського великого княжества. Польскый краль гарантовав амнестию вшиткым козакам, што воевали з Польщов. Войско Запорожске доставало стары привилегии, право варити паленку и держати корчмы, право гетманского суду. Реестрове козацтво могло мати 60 тыс. особ. Каждорочно подля поданя гетмана 100 козакы з каждого полку мали достати статус шляхты. Церковна уния (Брестска, 1596) мала быти ликвидована, а забраны церковны маеткы вернуты Православной Церкви. Православный киевскый митрополит ай ещи четыри православны епископы доставали членство в сенатѣ Рѣчи Посполитой. Православным гарантовали ровность в правах зоз католиками. Киево-Могилянска академия доставала статус, ровный з Краковсков академиев, а предвидѣло ся основаня ещи едной православной академии, а тыж ещи иншы выгоды.
Быв то de facto мирный договор, што завершовав польско-украинску войну 1848–1658. Рѣчь Посполита, яка войовала в тот час и з сѣверным и з выходным сосѣдами была заинтересована досягнути спокой на югу. Договор быв ратификованый варшавскым соймом в маю 1659 (в значно оклѣщеном обсягу) и перекресльовав Переяславскый договор 1654, котрым ся Украина завязовала до союзу з Русскым царством. И уже в юну 1659 войско Выговского въедно з польскым добыли велику побѣду над царскым войском под Конотопом.
Але такый договор одповѣдав лем интересам козацкой старшины, котра ся ставала шляхтов. В резултатѣ козацкого и хлопского бунта гетман Выговскый быв обаленый, а его наступник гетман Юрий Хмелницкый в октобрѣ 1659 подписав новый мирный договор з Русскым царством.
This article uses material from the Wikipedia Русиньскый article Гадячскый договор 1658, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Обсяг є доступный під CC BY-SA 4.0, кідь не є вказане інше. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Русиньскый (DUHOCTRUNGQUOC.VN) is an independent company and has no affiliation with Wiki Foundation.