Вороновы

Належыть міджі вшыткопожераючі, гнїздить на стромах, скалах або в скаловых дутинах.

Днесь ся уваджать 105 (115) видів в 25 родах. Оріґіналный предок жыв правдоподобно початком третёгор в области днешнёй Австралії. В сучасности тота родина населює скоро цїлый світ з вынятком Антарктіды і найсевернїшых частей Арктіды. Ушыткы вороновы суть дуже інтеліґентны птахы з высоков приспособливостёв. Суть то єдны з мало птахів, котрых можете нормално слїдовати кідь ся грають.

Вороновы мають черяву великость тїла (16-68 цм), голова є релатівно велика з міцным дзёбаком і куртыма, але міцныма ногами з міцныма пазурами. Крыла суть шыршы і куляты, довжка хвоста є в рамках родины значно промінлива. Піря бывать многораз пестро зафарбене (чорны фарбы роду Corvus суть скоре выїмков) і металово блищачі, у обох поглавей є тото саме.

Часть виду є сполоченьска і гнїздить у великых колоніях, будує певны гнїзда в конарях. Мають міцный голос, суть то добры імітаторы вшелиякых звуків і конінце ся дакотры годны научіти і бісїдовати. Жывлять ся хробаками, мясом, плодами рослин і одпадом. Знають барз добрї лїтати.

Референції

Тоты даны суть часточно або цалком основаны на перекладї статї Krkavcovití на чеській Вікіпедії.

Екстерны одказы

• Далшых успіх новокаледоньскый ворон, scienceworld.cz/aktuality
• Fascinating intelligence of crows, відео на youtube.com, анґліцькый коментарь, BBC Worldwide. Вороны ся навчіли радити семафором.