Engiavinera Veronaisa
L'engiavinera veronesa (indovinello veronese per talian) è in curt text scrit sin ina pergameina, datada a la fin dal 8avel tschientaner o al principi dil 9avel tschientaner.
 | Questa pagina è scritta en sursilvan. |
Ei sa tracta, insembel cun ils Engiraments da Strasburg e la Sequenzia da la Sontg'Eulalia, dad igl emprim text enconuschent scrits en ina lingua romana.
Transcripziun ed interpretaziun
Transcripziun diplomatica:
- 1 ✝separebabouesalbaprataliaaraba & albouersorioteneba & negrosemen
- 2 seminaba
- 3 ✝gratiastibiagimusomnipotenssempiternedeus
La lingia 3 presenta ina formula canonica da la benedicziun en latin ed appartegn betg tar l'engiavinera, pero duvrada dad investigaturs, per part per mussar il contrast, per dar support a lur hipotesas da lingua.
Interpretaziun:
- Se pareba boves,
- alba pratàlia aràba
- et albo versòrio teneba,
- et negro sèmen seminaba
Muntada ni significaziun
Igl sa tracta d'in testimoni autorreferenzial: la descripziun dad igl act da scriver entras il scrivont sez. Igl è ina engiavinera frequenta en la literatura tard-latina.
La traducziun è la suandanta:
- Separava bovs,
- alva pradella arava
- ed alv criec teneva
- e ners sems semnava
La schliaziun a l'engiavinera è la scartira. La pial bov representa la liadira da curom, la prada alva il palpiri u la pergiamina, il criec alv la plema che era da quel temps suvent d'auca (alva) ed ils sems ners èn la scartira.
Origin
Chattà en la Biblioteca Capitular da Verona igl onn 1924, en in codex provegnient da Catalugna, quasi cun segirtad totala da Tarragona, davent da là transmess a Cagliari ed a Pisa, avant che arrivar definitivamain a Verona. Divers tratgs dal dialect verones chattads en il text (sco versorio cun la muntada da criec, uschè era igl imperfect indicativ en -eba) permettan colliar che l'autur fuva in scrivent da Verona, probablamain da la medema Biblioteca Capitular.
Cumpareglia era: Emprova da plima da Würzburg
Bibliografia
- Migliorini, B. Storia della lingua italiana. Firenze, Sansoni, 1987.
- Giudice, A. and Bruni, G. Problemi e scrittori della lingua italiana. Torino, Paravia 1973, vols.
- AA.VV. Il libro Garzanti della lingua italiana. Milano, Garzanti, 1969.
- Cesarini-Martinelli, L. La filologia. Roma, Editori Riuniti, 1984.
Ulteriuras referenzas
This article uses material from the Wikipedia Rumantsch article Engiavinera veronaisa, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). Il text è disponibel sut la licenza Creative Commons Attribution/Share-Alike; ulteriuras cundiziuns pon esser applitgablas. Detagls chattas ti en las cundiziuns d'utilisaziun. Vichipedia è ina marca registrada da la Wiki Du học, ina organisaziun senza finamira da profit. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Rumantsch (DUHOCTRUNGQUOC.VN) is an independent company and has no affiliation with Wiki Foundation.