masanliawliaw aicu a kasiw a vacinga i vecekatan a pasanavalj tua kadjunganan i kacawan, i ripun kata i teku ta sasusuan tua vavavan na katjunangan i taiwan.
nuri natemalem taza vacinga a payuwan izua i cacavalj i qaqeljevan ta qinaljan, sa maqati a sekezan nu tjeqalja tuki masasaw sa palisilisi a cawcau. qaw, nuri sekezan a cinunan nu mangetjezanga izua, nu pacunanga a sikataqaljan taza sacemel nu cemelivatanga tiamdju, uri patjumalj tua zuma itua qinaljan tiamadju.
nutjaisangas tua kaljevuvuan, ini’anan a meqaca aza ledjeledje na vacinga, qaw maqati a kakanen taicu a ledjeledje na payuwan, sa pinaka ta “vaviaw”; qaw, nu veneve a cuvuq naicu a kasiw, nuri semuqaljic ta kasiw avacinga sa malap tua masansikaw tuki kakanen na kakedriyan, mamau ta mapu ta saviki; maqati a keman taza namalum a vangalj na vacinga uta, sa uri kakanen na drail, vutj kata qayaqayam.
kasicuyanga, ini’a madjulu a pacekis nu pakuang tua qemaljup a payuwan, saka, uri kemacu taza sapuy a madjulu a maljama a cinunan, qaw maqati a pacekis nu pakuang tiamadju.
ini’a paperacuk aicu a sapuy nu maljama aza kasiw kata qaljic na vacinga, sa tjaljananguaqan a masansapuy. qaw nu masan tua aicu a sapuy, nuri semuqaljic ta kasiw a vacinga a payuwan sa kemelem kata remasirasi.qaw aicu a qaljic, nuri gemalju a ljemama, mamau ta tjamaku, sa ini’a madjulu a maqevetj a sapuy.
1.鄭漢文、王相華、鄭惠芬、賴紅炎編(2005),《排灣族民族植物》,行政院農業委員會林業試驗所。P241-242。
This article uses material from the Wikipedia Paiwan article vacinga, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). nu ika nu pinaljaluayan a pazazekatj tu izua maljiyan a djalan kipaputalji a pasazua ta CC BY-SA 4.0 a sinankakudan ta sipagaugauvan ta timitim a lisadayan na sapitj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Paiwan (DUHOCTRUNGQUOC.VN) is an independent company and has no affiliation with Wiki Foundation.