Quway

masanliawliaw a quway i cemecemel na taiwan kacuayanga, aza ngadan nua kadjunangan a “curuquay” mavananga a sinicuayan a siqaivuan na “竹坑村”nua sizigu i akaw tucu, azua a pacugan naicu a ngadan avan a “liaw a quway izua”. ka ripunanan, maqati a sipaveli na quway tua pavelit ta nemanemanga kaizuanan.

maqati a kakanen taicu a ljulis avan a ledjeledje a cuqus nua quway, sa maqati a sivengetj tua sialangan kata qeluz na quway a vawdj, maqati a sinancalis tua tjemelju uta. ljakua rualap tua cempu ta parekan tuki vakar aicu a quway. masa semanpazangal taicu a kasiw a kacalisiyan, saka rualap ta quway nu vaik a sema ta qemaljup a uqaljaqaljay.

kasicuayanaga, izua a venecikan na ciuku tua ngadan na qinaljan a “豆羅拐社”i tjavuali, mavananga a“tjuruway”sa aza a pacugan nua tjakai avan a liaw a quway izuazua i qinaljan. qaw izua i “嘉蘭村”nua kinzang a qinaljan tucu.