aza vawa, mavan a tjalljapazangalan a tatekelen nu palisilisi a payuwan, sa nasemanpazangal taicu a langalj a sipatekel taza vawa.
qaw izua a maretimalji a langalj, inika mamaw ta pacugan niamadju. matu karutailj, izua a vinecikan i karutailj na mamazangiljan, qaw neka a vinecikan itjai atitan. qaw izua uta a langalj a uri sipatekel na mazangilj nu puvaljawanga, sa uri temekel timadju kata marevaljaw, lja qaliyan, cemekemekelj. izuanan a langalj a makatjelulj. aicu a langalj a siparasudj na mazangailj tua sikataqaljan. nu kinarasudj, uri malingedjelj a mazangilj i vacekadan sa temeketekel a matjelu taicu a vawa, qaw marasudjanga tiamadju, inikanan a marivu. qaw uri sinanlangalj a cikalju kata qalulu a kasiw na payuwan.
nu masengsenganga a payuwan i gadu, uri malang ta takalj tu pivavaven taicu a takalj aza pinuljacengan tuki kisi, sa inika cemaca.
qaw maqati a sinantakalj naza vaudj, quway kata qaw.
nu kemakan a payuwan, saljinga tiamadju tu inika zemaing, mavan a uri mapulju a pacugan aya. saka, namalang ta sikakan a sinankasiw na payuwan, matu kizing, kupu, langalj, kadrukadru. qaw uri venecik taza sikakan a payuwan uta, izua a pacugan aya a payuwan a namatazuwa. qaw, aza tjaljanguanguaqan a kasiw tua malang ta kizing, mavan a tjava a kasiw.
aicu a kisi mavan a sikakan a sipapulamiyan. masan a tjakedri a kisi sa maqati a djakucen na cawcau. izua a pinacunan na cawcau aza kinakemudan na kisi avan a tjaljiqaca itjaivavaw qaw tjaljikeri itjaiteku, sa inika madjulu a pizua i zaleman. izuanga a sinikingkingkiu taicu a cinalivatan a kisi na cawcau, qaw qadjaw a kemasi lala i zaleman aicu a kisi kasicuayan, ljakua inika kemeljangitjen aza paqulid a likisi.
mavan a tjakudral a kisi, qaw maqati a sipapusiyavan aicu a uakung. saka, maqatiuta a sipapupadayan aicu a uakung tua semuliavan a cawcau.
1.排灣族民族植物,鄭漢文、王相華、鄭惠芬、賴紅炎,2005。行政院農業委員會林業試驗所。P35:酒杯、P38:墊圈、木匙。
2.參考資料: 維基百科──碗,網址: https://www.duhoctrungquoc.vn/wiki/zh/%E7%A2%97。
This article uses material from the Wikipedia Paiwan article sikakan, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). nu ika nu pinaljaluayan a pazazekatj tu izua maljiyan a djalan kipaputalji a pasazua ta CC BY-SA 4.0 a sinankakudan ta sipagaugauvan ta timitim a lisadayan na sapitj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Paiwan (DUHOCTRUNGQUOC.VN) is an independent company and has no affiliation with Wiki Foundation.