qaljic a busi (皮帽)
qaljic a tjalupung.
uri tjemalupung a qaljic a busi azua a uqaljay na kacalisiyan nu palisian, rusinan a qilajc tua tjalupung, sa venecivencik kata djemuas tazua a tjapulung.qaw nu djemuas tua qecengecengel a cawcau kata qulivalivay tuki qecengecengel a vulung izua i quljiljilj a kaljiljaw, mavan a qaljic a busi nua mamazangiljan.
uri kemava a uqaljay na kacalisiyan ta itung kata tjemavet, qaw uri kemava ta keljep tiamadju uta nu mirava, sa sinan a qaljic na likuljaw tua kacing sa venaljan kata masitjakit. qaw tjemalupung ta qaljic a busi tuki tarar. pazangal aicu a qaljic a busi nua kacalisiyan nu mirava. uri sinan a qaljic tua tjalupung sa qemacap ta qaljic, qaw venecik tiamdju tua teveljen tiamadju. careqil aicu a qaljic a busi a kinakemudan, kata sinan a aljis, kaljipa, calis kata qaljic na quay. azua a venecikan nua qaljic a busi, ruvencik a mamaxamgiljan ta vulung, qadaw, cawcau kata djilung, avan a pazangal a venecikan;sa uri tjemalupung ta qaljic a busi a qaqetitan, qaw neka a venecikan, ljawa uri sinan a aljis tua linipuru, matu “O” izua i cekad ta tjalupung, sa pasa i cekad nu tjemalupung ta qaljic a busi, sinisanparavac aicu a venecikan niamadju.
izua a kapacacapilj azua a kava nua kacalisiyan kata kakudan nua mamazangiljan. saka, azua a kakudan nua venecikan na kava avananga a kakudan nua mamazangiljan. kasicuayanga, masa inika masengseng a mamazangiljan, sa maqati a venecivencik a uqaljay niamadju, kata maqati a venecik a vavayan niamadju, sa sinisanparavac niamadju tua semanpazangal.
izuanga a tjunenun, vnecikan, pinuluvucan kata pinadjekecan i kava nua paiwanzuku. qaw izau kapacacapilj a pacugan na venecikan kata kukudan na mamazangiljan, izua a tjelu a pacugan naicu a venecikan: sangasangasang, uri sinisanparavac nua mamazangiljan. sikamasanmusalj, maqati a venecivencik tua tjaucikel nua mamazangiljan kata qinaljan. sikamasantjelulj, nanguanguaq tua kava.
This article uses material from the Wikipedia Paiwan article qaljic a busi, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). nu ika nu pinaljaluayan a pazazekatj tu izua maljiyan a djalan kipaputalji a pasazua ta CC BY-SA 4.0 a sinankakudan ta sipagaugauvan ta timitim a lisadayan na sapitj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Paiwan (DUHOCTRUNGQUOC.VN) is an independent company and has no affiliation with Wiki Foundation.