Sapeljik

kasicuayan i qinaljan, tjuruvu a cawcau a kemeljang taicu a kasiw a kinakemudan. avan nu macelecel tua qaljic na sapeljik a payuwan, nuri saljengseng. saka, uri pakeljang ta kakedriyan a ramaljeng, sa uri pakikasiw a sapeljik ta kakedriyan a ramaljeng a kemeljang tua kinakemudan naicu a kasiw. sadjelung aza duku na sapeljik nu tjepana, saka, nu pitua pana aicu a kasiw, nuri macayanga aza ciqaw, kang, quzang kata tjulja.

qaw, madjulu a macemu aicu a sapeljik a kasiw sa mavekelj a malap tua sematjumaq kata temalem ta ngilengil.

nu kemeljanganga itjen taicu a sikakudan na sapeljik, manu kemeljang itjen tua kakudan na payuwan itua qucalj, mavananga inika malap taza sapeljik a payuwan tua mapacay a ciqaw, masa neka a ciqaw nu lima a cavilj nu tjepana a sipacay ta ciqaw na sapeljik.

qaw izuanga a kakudan na quculj na payuwan a inika mekeljang, matu kineljang nua tjasevalitan, avan nu inika kikasiw taza sapeljik, nuri meliawliaw a sapeljik, qaw, masa liaw a zaljum itua kasiw na sapeljik sa maqati a qemeceng tua maljama i cemecemel; madjulu a papevaljut aicu a sapeljik, kimalji nu maljamanga aicu a kasiw sa nuri veneve nuicavilj. liaw a kasiw a maqati a mamau taicu a kasiw a sapeljik a maytucu.

1.鄭漢文、王相華、鄭惠芬、賴紅炎編(2005)，《排灣族民族植物》，行政院農業委員會林業試驗所。P107-108。