nu sesingvaudjan a tjaucikel(Drinipunan:台湾事件(たいわんじけん); Ljinautjian:牡丹社事件)
ka 1871 a cavilj 10 a qiljas, izua za nakemasi Okinawa Miyahuruzima a varukur, na secevung ta selapay a raljiz i ljavek, sa valiyan a pasa Taiwan i Tjausabu (i Kaliyavan tucu) , sa sedukduk a varukur niamadju i maza, sa ljeteku tiamadju a kemasi ta varukur, sa sema kadjunangan, manu cengeceng tua qinaljan nua Payuan i kusekus. palemek tua inika mapakadjaludjalu ta kinacacevungan nua Dripun katua Payuan, ljakua kinipaqaljayan na Payuan azua mareka Dripun. qau masa ini a cengeceng tua sicikelan ta sikiqepuan ta mareka salasaladj a liljing, masa qineci anga na Payuan aya za sivitai na Ciukuk. qau, avan anga sinan pacugan nua sivitai na Dripun tu uri djaljunen a i Sivaudjan, a maqaqeci tua Payuan imaza sivaudjan.
ka i 1874 a cavilj, pakatjai saigu cugumitji a cemiur ta sivitai na Dripun sa djaljung i Taiwan a uri maqaqeci. sa ljeteku i ljungkiyav, sa uri vaik i sikimung aya, manu secevung ta nalemaung imaza a Payuan, sa maqaqeci imaza. masa uri ljemakev ta siljavakan a kadjunangan aya kinemeneman a naicu a Payuan, izua tu na seman neka tua nasi sa kiqeci ta Dripun. kumalji na selapay aravac a kinaqaqecian ta Dripun tazua. inika na madjulu aravac a Dripun tua kinaqaqecian tazua uta. nu ini a mavan a kinaljazuanan a sikiqaqecian a turivecan na Dripun, inika tjaumakaya a Payuan ta Dripun, mayanga kinatjuruvuan a sivitai na Dripun uta. sa ljevavaven azua kinazuavan a lemaung na Payuan a gadu, sa qeciqecin anga a tja sikataqaljan, patje papacayen anga a mamazangiljan ti Aljuku katua aljak, tjaljuzuanga za kinaqaqeciayan i sikimung.
This article uses material from the Wikipedia Paiwan article nu sesingvaudjan a tjaucikel, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). nu ika nu pinaljaluayan a pazazekatj tu izua maljiyan a djalan kipaputalji a pasazua ta CC BY-SA 4.0 a sinankakudan ta sipagaugauvan ta timitim a lisadayan na sapitj. Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki Paiwan (DUHOCTRUNGQUOC.VN) is an independent company and has no affiliation with Wiki Foundation.