بی-2 سپرٹ امریکہ دا بمبار جہاز اے۔ ایدی سب توں وڈی گل ایہ اے کہ ایہ ریڈار دیاں اکھاں تو چھپیا ریندا اے۔ ایہ دے اندر دو پائلٹ ہوندے نے جنا آستے اک باتھروم تے اک چھوٹا کچن وی ہیگا اے تے ایہ 11000 کلومیٹر دور تک ویری دیاں اکھاں توں چھپدے ہوۓ اپنے نشانے نوں مار سکدا اے۔ ایہدے پر ایہدی اچیچی نشانی نیں۔ ایہ امریکہ دا سب توں مشہور لکیا جہاز اے۔ ایہنوں اپنی پدھر وج سب توں ودھواں منیا گیا اے۔ ایہدے وچ 4 جیٹ انجن لگے نیں۔
بی-2 سپرٹ | |
B-2 Spirit | |
کم | بمبار |
بنان آلا دیس | امریکہ |
بنان آلی کمپنی | نارتھ روپ کارپوریشن تے نارتھ روپ گرومن |
بنن دی تریخ | اپریل 1997 |
ورتن آلا دیس | امریکہ |
گنتی | 21 |
بی-2 سپرٹ نوں 20ویں صدی دا سب توں مینگا جہاز منیا گیا اے۔ ایہدے تے کھوج، بنان تے ٹیسٹ کرن تے 2۔2 ارب ڈالر لکے نیں۔ پہلے ایہوجۓ 132 بنان دا سوچیا گیا سی پر فیر مل ویکھ کے 21 ای بناۓ گۓ۔ پہلی اڈار؛ 17 جولائی 1989 نوں لائی گئی تے 1993 دے انت تے پہلا جہاز امریکی فوج نوں دتا گیا۔ ایہدا اصل کم سوویت یونین دے اندر جا کے بمب سٹنا سی۔ ایہ پہلی واری کوسوو دی لڑائی وچ 1999 وچ ورتیا گیا۔ ایہنوں فیر افغانستان (2001)، عراق (2003) تے 2011 وچ لبیا تے ورتیا گیا۔
This article uses material from the Wikipedia شاہ مکھی پنجابی (Shāhmukhī Pañjābī) article بی-2 سپرٹ, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.