کرونولوجی وقائع نگاری یا واقعا نگاری (انگریزی : Chronology ) علم التریخ وچ اک اہم ترین صنف شمار کیتی جاندی اے ۔ جیہدے وچ طویل تریخ دے واقعات نوں وقت دے تسلسل دے نال ترتیب دِتا جاندا اے ۔ مؤرخین دے نزدیک ایہ صنف تریخ نوں محفوظ رکھݨ لئی بہترین تے اعلا ترین اَصناف وچ شمار کیتی گئی اے کیونکہ اِس توں بغیر تریخ نوں بیان کرنا تے محفوظ کرنا ممکن نئیں ۔ تریخ جیہڑے واقعات نوں بیان کر دی اے‘ اوہ دراصل ایہجے مربوط ہُندے نیں کہ جے اک وی تریخی کَڑی گُم ہوجاوے تاں واقعات دا تسلسل منقطع ہوجاندا اے ، لہٰذا خط زمانی وچ تریخی واقعات نوں اک تسلسل تے ترتیب نال تشکیل دِتا جاندا اے تے ایہی تشکیل جے طویل ہوجاوے تاں ایہنوں وقائع نگاری یا واقعا نگاری نال منسوب کیتا جاندا اے ۔ وقائع نگاری تریخ نال لازم و ملزوم اے کیونکہ تریخ نوں اک تسلسل نال واقعات دی ضرورت ہُندی اے تے ایہ قائع نگاری توں بغیر ممکن نئیں ۔ اِس توں علاوا وقائع نگاری زمینیات تے زمین اُتے انسان دی مُڈھلی تریخ دے واقعات نال وچ منسلک اے ۔ زمین دی ارضیاتی تریخ وی وقائع نگاری نال جُڑی ہوئی اے ۔
This article uses material from the Wikipedia شاہ مکھی پنجابی (Shāhmukhī Pañjābī) article کرونولوجی, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.