ایٹ ورلڈز اینڈ

پائیریٹس آف دی کیریبیئن: ایٹ ورلڈز اینڈ 2007 وچ رلیز ہوئی امریکی خیالی فلم اے جسدا ڈریکشن گور وربنسکی نے کیتا اے۔ ایہہ پائیریٹس آف دی کیریبیئن فلم لڑی دی تیجی فلم اے اتے ایہہ ڈیڈ مینز چیسٹ (2006) دا اگلا حصہ اے۔ اس فلم وچ ول ٹرنر، ایلیزابتھ سوان، ہیکٹر باربوسا اتے بلیک پرل جہاز دے گروہ نوں وکھایا گیا اے جہڑے کہ جیک سپیرو نوں ڈیوی جونز دے لوکر توں بچاؤندے ہن۔ اس پچھوں اوہ ایسٹ انڈیا وپار کمپنی نال لڑدے ہن جسدا مکھی کٹلر بیکیٹ اے اتے جسدے قابو وچ ڈیوی جونز اے اتے جہڑا لٹیریاں نوں ہمیشہ لئی ختم کرن دیاں ترکیباں گھڑدا اے۔ ایہہ وربنسکی ولوں ڈاریکٹ فلماں چوں آخری فلم اے۔ اسنوں 2005 اتے 2006 دیاں دو شوٹنگاں وچ فلمایا گیا اے۔ اس فلم دی اساری وچ 300 ملیان ڈالر دا خرچ آیا سی۔ اس ویلے تک رلیز ہون والیاں فلماں وچوں ایہہ فلم دنیا دی سبھ توں مہنگی فلم سی۔

والٹ ڈزنی پکچرز نے امریکہ وچ ایہہ فلم 25 مئی، 2007 نوں رلیز کیتی سی۔ اس فلم نوں ملیاں-جلیاں آلوچناواں ملیاں سن جس وچ اس وچلی اداکاری، سنگیت، ایکشن سین اتے خاص پرجذبات نوں سراہیا گیا اتے اسدے کتھانک اتے چلن والے ویلے لئی اسدی تنقید ہوئی سی۔ ایٹ ورلڈز اینڈ اک بوکس آفس ہٹ ثابت ہوئی اتے 2007 دی سبھ توں کامیاب فلم سدھ ہوئی جس وچ اسنے 960 ملیان ڈالراں دی کمائی کیتی سی۔ اس فلم نوں میکئپّ اتے ہیئرسٹائیلنگ اتے سبھ توں ودھیا وزوئل افیکٹاں لئی اکادمی اوارڈاں لئی نامزد کیتا گیا سی۔ اسدا اگلا حصہ اؤن سٹرینجرز ٹائیڈس نوں سنیماگھراں وچ 20 مئی، 2011 نوں رلیز کیتا گیا سی۔

کہانی

سمندراں نوں اپنے قابو ہیٹھ رکھن لئی، لارڈ کٹلر بیکیٹ لٹیریاں نال جڑے ہریک آدمی نوں ڈیوی جونز نوں حکم دے کے مار دندا سی، جس نال کہ سارے لٹیرے جہازاں نوں سدا لئی ختم کیتا جا سکے۔ اپرادھ وچ پھڑھے گئے سارے قیدی نوں لٹیرے مکھیاں نوں اک جگہ آؤن لئی بینتی کردے ہن۔ کیونکہ جیک سپیرو، کیریبیئن ساگر دا لٹیرا مکھی، اپنے مارے جان توں پہلاں مکھی لئی کسے دا ناں نہیں دسّ کے گیا سی، کپتان باربوسا، ول ٹرنر، ایلیزابیتھ سوان، ٹیا ڈالما اتے بلیک پرل جہاز دے جہازی جیک نوں ڈیوی جونز دے لوکر توں چھڈاؤن لئی ترکیب بناؤندے ہن۔ سنگاپور نوں جاندے ہوئے اس گروہ دی ملاقات کپتان ساؤ فینگ نال ہندی اے، جس کول لوکر تک جان والے رستے دا نقشہ اے۔ بریکٹ دی فوج حملہ کردی اے پر اس توں پہلاں اوہ نکل جاندے ہن۔ ول اندرکھاتے جیک نوں فینگ نوں سونپن دا وعدہ کردا اے جسدے بدلے اسنوں بلیک پرل جہاز ملیگا اتے جسدا استعمال اوہ بوٹسٹریپ بل ٹرنر نوں فلائینگ ڈچمین جہاز توں بچاؤن وچ کریگا۔

گروہ لوکر تک پہنچدا اے اتے جیک نوں بچا لیندا اے۔ اس گروہ دا ساہمنا بہت ساریاں مریاں ہویا آتماواں نال ہندا اے جہناں وچ ویدربائے سوان وی شامل اے جسنوں بیکیٹ نے مروا دتا سی۔ ٹیا ڈالما دسدی اے کہ دیوی کالیپسو نے ڈیوی جونز نوں کم دتا اے جس وچ اوہ اوہناں آتماواں نوں نردیش دیویگا جہڑے اگلے دنیا دے کول ساگر وچ مر گئے سن۔ اسنوں ایہہ وردان سی کہ دس سالاں وچ اک وار اوہ اس عورت کول آ سکدا سی جس نال اوہ پیار کردا سی۔ پر اسنے اسدا غلط فائدہ اٹھایا اتے اسنوں سراپ مل گیا اتے اوہ اک دانوَ بن گیا۔ گورنر سوان دی روح دسدی اے کہ ڈچمین جہاز دا ہمیشہ اک کپتان ہونا لازمی اے۔

زندہ دنیا وچ آؤن تے پرل جہاز تازے پانی لئی اک جزیرہ اپر رکدا اے جتھے کہ گروہ نوں مریا ہویا کراکین تٹ اپر ملدا اے، جسنوں بیکیٹ دے حکماں تے ڈیوی جونز نے مار دتا سی۔ اس پچھوں اوہناں اپر ساؤ فینگ اتے بیکیٹ دیاں ملیاں ہوئیاں فوجاں حملہ کردیاں ہن۔ بہت ہی گنجھل دار سندھیاں وچ، ایلیزابیتھ نوں فینگ نوں سونپ دتا جاندا اے جہڑی کہ مندی اے کہ اوہ دیوی کالیپسو اے، جدکہ پرل دے دوجے جہازی شپریک کوو ول روانہ ہندے ہن۔ جیک ول نوں جہاز توں ہیٹھاں سٹّ دندا اے تاں کہ اوہ ڈچمین جہاز تے قابو کر سکے۔ ساؤ فینگ ایلیزابیتھ نوں دسدا اے کہ اوہ کالیپسو دا انسانی روپ اے جسنے کہ اپنے پریمی ڈیوی جونز نوں دھوکھا دتا سی۔ اوہ بریکیٹ نوں ہراؤن لئی اسنوں آزاد کرن دی ترکیب بناؤندا اے۔ ڈیوی جونز فینگ دے جہاز اپر حملہ کردا اے، اتے فینگ نوں بری طرحاں زخمی کر دندا اے۔ فینگ لٹیریاں دے مکھی دے طور تے ایلیزابیتھ نوں اپنا جانشین قرار کر دندا اے۔ ایلیزابیتھ اتے اسدا گروہ ڈچمین جہاز وچ قید ہو جاندا اے، جتھے اوہ ادھے پاگل ہو چکے بوٹسٹریپ بل ٹرنر نوں ملدی اے۔ اس دوران بوٹسٹریپ اسنوں دسدا اے کہ جو وی ڈیوی جونز نوں ماریگا، اسنوں اسدی جگہ لینی پویگی اتے اسنوں ہمیشہ لئی ڈچمین جہاز دا کپتان بن کے رہنا پویگا، اتے اوہ دہراؤندا اے کہ ڈچمین جہاز دا ہمیشہ اک کپتان ہندا اے۔ جیمز نورنگٹن ایلیزابیتھ اتے اسدے گروہ نوں ڈچمیین جہاز توں آزاد کر دندا اے پر اوہ بوٹسٹریپ بل دے ہتھوں ماریا جاندا اے۔

ہورویکھو

• پائریٹس آف دی کریبیئن:دی کرس آف بلیک پرل

حوالے

باہرلےجوڑ