اپسرا
اپسرا پھلوالے بوٹیاں دا اک ٹبر اے۔ ایہناں دے 5 ٹوکرے تے 70 ونڈاں نیں۔ ایہ دنیا دے گرم ٹراپیکی تھانواں تے پانی وچ ہوندے نیں۔ ایہ اتلے زمینی انگ دے نیں تے دو ونڈاں دکھنی امریکہ وچ ہوندیاں نیں۔ ایہدے بوٹیاں دیاں جڑاں پانی دے تھلے مٹی وج ہوندیاں نیں پر پتے تے پھل پانی دی پدھر تے تردے نیں۔ ایہناں دے پتے گول ہوندے نیں۔ ایہ اک نکا ٹبر اے جیدے وچ تن توں جھے ٹوکرے نیں تے 70 دے نیڑے ونڈاں نیں۔ ایس دا اک بوٹا نیل کنول بنگلہ دیش تے سری لنکا دا قومی پھل اے۔
| اپسرا | |
 | |
| پچھان | |
| دیس: | بوٹے |
| برادری: | پھلوالے بوٹے |
| ٹبر: | اپسرا |
| ونڈاں: | 70 |
وکھالہ
ایس ٹبر دے لامت بوٹے لگے ای ریندے نیں تے کوئی کوئی سلانہ اگدا اے۔ ایہناں دیاں جڑاں پانی وچ زمین وچ ہوندیاں نیں تے پتہ ٹاہنیاں وچ موریاں ہوندیاں نیں جنہاں وچ ہوا بھری ہوندی اے تے ایس باجوں پتے پانی پدھر تے تیردے ریندے نیں۔
ناں
اپسرا ناں پرانے اتری پنجاب دے تھاں گندھارا توں لیا گیا اے۔ اپسراواں سوہنیاں تے زمین دیاں نہ لگن والیاں سوانیاں سن۔ ایہ جوان، اشناک تے نچن دے کم نوں جاندیاں سن۔ ایہدا لاطینی ناں (Nymphaeaceae) پرانی یونانی کہانیاں دیاں پریاں (Nymphs) توں لیا گیا اے۔
نشان
اپسرا ٹبر دا اک پھل نیل کنول سری لنکا تے بنگلہ دیش دا قومی پھل اے تے ایہ بنگلہ دیش د سرکاری نشان وی ہے تے اودے سکیاں تے ویکھیا جاسکدا اے۔
مورتاں/ونڈاں
.jpg)
بارلے جوڑ
| وکیمیڈیا کامنز چ مورتاں: اپسرا |
This article uses material from the Wikipedia شاہ مکھی پنجابی (Shāhmukhī Pañjābī) article اپسرا, which is released under the Creative Commons Attribution-ShareAlike 3.0 license ("CC BY-SA 3.0"); additional terms may apply (view authors). لکھت CC BY-SA 4.0 لسنس تھلے ہیگا اے۔ Images, videos and audio are available under their respective licenses.
®Wikipedia is a registered trademark of the Wiki Foundation, Inc. Wiki شاہ مکھی پنجابی (Shāhmukhī Pañjābī) (DUHOCTRUNGQUOC.VN) is an independent company and has no affiliation with Wiki Foundation.